أنا عندى كاست العربية عادى شرايط... شارى له الكاست الديجيتال ابو 20 جنية اللى بيكون خارج منه سلك علشان نوصله بالموبيل ونسمع الاغانى وكدة...

المهم التليفون القديم بتاعى نوكيا n73 لما كنت بوصلة بالشريط واعمل شوية اعدادت بلاقى الصوت طالع من السماعات العربية زى ما يكون صوت شريط عادى وكويس جدا.. كنت بحب اسمع الاعانى اللى محملها على الموبيل بالطريقة دى...

اشتريت موبيل سامسونج جلاجسى s3 نيو ووصلته بنفس الطريقة المعتادة بالشريط ولكن للاسف الصوت وحش جدا.. لازم اختار من اعدادت الصوت الخيار big room او concert علشان يطلع صوت ... وبعلى الكاست على الاخر وبعلى صوت الموبيل على الاخر وبيطلع الصوت مش طبيعى زى ما يكون المغنى بيغنى فى شقة فاضية الصوت بيرن كدة ومش واضح الكلام وتحسن ان مش كل السماعات شغالة ولكن سماعات التجسيم ولكن سماعات الابواب مش شغالة..الصوت من شرائط الكاست العادى والراديو الصوت طبيعي وكويس... عملت كل الخيارات الممكن والصوت زى ما هو مش بيتغير.. مش عارف هل هذا الطبيعى ولا ايه فى الاجهزة الاندرويد؟؟

هل من مساعدة فى الموضوع دة... اعتقد فى حاجة نقصة مش عارفها..