الموضوع: رحلة كلها اكشن مع النترا 2009

انا اشتريت عربية النترا 2009 من سنتين بالظبط فقعدت شهر وجابت جوان وشنابر بس الحمد الله اتكلفت 5 الاف جنية و الموضوع عدى و العربية ظبطت مع الوقت و الحمد لله من اسبوعين بالظبط روحت بيها اسكندرية و جاى نازل ببوص عليها لقيت الازاز الى ورا السواق مكسور والفبر الى حوالين الدركسيون متبهدل و متكسر و الكونتاكت بردة لكن الحمد لله معرفش يتحرك بيها والحمد لله عرفت ادورها انا و اعتقد هو معرفش علشان العربية فيها اموبليزر و طبعا بفضل ربنا روحت خدتها و طرت على البيت فى القاهرة و انا على الطريق العربية سخنت جاى بفتح طبة المياة لقيت نافورة اشتغلت قولت كدة خلاص جوان من حظى كان فى ورايا ماقطورة خدتها لغاية قليوب عند الميكانيكى الراجل قالى هنحل ونشوف و فعلا حل ولقى جوان غيرناة و كان فى كوعة بايظة رحت جيبتها وجيت وركبها وكلة تمام و دور فدارت المهم لقيت العربية بتسخن تانى ببص لقيت المروحة واقفة كل دة طبعا عند الميكانيكى روحت جبت كهربائى لقى الفيشة سايحة روحنا ركبنا كلبسات كدة و خلاص فاشتغلت كويس يعنى ................
المهم نيجى للمفيد العربية مش مظبوطة حاسس انها بتقطع و كمان الصوت بيعلى ويوطى لوحدة واجى احط فيشة الايدل تبطل لدرجة ان انا و على الn الار بى ام بيوصل لاتنين ونص فاية الحل وهل العربية دى اخليها ولى ابيعها
مع العلم ان العربية بتطلع مطالع عالية على 10 كم\ساعة و مبتكركرش و الميكانيكى بيقول دة عيب موتور و مع الوقت هيظبط

المشاركة الأصلية كتبت بواسطة mody112

عليك وعلى البشمهندس هانى هو متخصص هيونداى وكان شغال فى التوكيل وهو ليه موضوع منفصل هانى وهو راجل محترم جدا وفاهم وهيجبلك التايهه

طيب بقولك يا باشا الراجل دة فين بالظبط و لو نمرتة ياريت