اسمح لي أحيلك إلى مشاركة أخونا احمد إبراهيم و اللي كنت هارد بحاجة زيها على مشاركتك، انما لقيت فيها المفيد :smartass:
عرض للطباعة
يا جماعه ما الكلام ده موجود من زمان شوفو الافلام العربي بتاعت زمان فيها ايه
بس هو السيىء الباين وظاهر لا كن الخير والكويسين ولاد الناس بجد موجودين
IslamGen
بصراحة انا بروح ستارز كتير وبقعد فى الفود كورت دايما وبستغرب من الكلام يعنى انا عمرى ما شفت شاب لابس بنطلون عورته باينة ، يمكن بالكاد تلاقى البوكسر بتاعه باين لكن العورة مشفتش بصراحة ، موضوع الشواذ دة كمان عمرى ما شفته ، واللى كانوا بيلعبوا بالموبايل صباح الدماغ هيلعبوا بيه ازاى فى وسط الزحمة !! وايه بالظبط المتعة فى انهم يلعبوا بالموبايل كورة وسط الناس مش فاهم !! اشمعنى الموبايل حقيقى مش داخلة دماغى ، اما بالنسبة للبنات فدة اللبس الطبيعى فى أى مكان مش ستارز بس >
88888888888888888888888888888888888888888888888888 88888888
يعني يا اسلام انت داخل مشارك في الموضوع علشان تكدب الخبر وخلاص...ايه التفكير ده؟
سبحان الله يعني الاندر وير يبان شفتها ...والعوره لا يمكن تبان ...اصلك دقبق قوي ومتابع كويس الاندر وير من العوره:k49:
ومستغرب قوي حضرتك ان في حيوانات صغيره بتلعب بالموبايل كوره وسط الزحمه ...ومش مستغرب من العيال الي سايقه عربيات بمبلغ وقدره (محتاج ربع قرن علشان تحوش تمنها)وتلعب بيها اوتو كروس في شارع المطار و6 اكتوبر وغيره.
وأخيرا معلومتك القيمه ان لبس البنات ده مش بس في سيتي ستارز فقط وإنما في كل مكان ..فعلا مش عارف اشكرك عليها ازاي...فعلا معلومه قيمه وأفادت كثيرا :svengo:
تنبيه :
السيد العضو الفاضل ابو عبد الرحمن
انت بكدة بتقترب من الشخصنة المباشرة
نحن نقدر تماما غيرتك وحميتك ولكن دون تعدى على قواعد ولوائح المنتدى
التي تمنع الشخصنة والسخرية من الاعضاء
الادارة 1
مش عارف بس دا بقي العادي اللي الناس فيه مش عارف لييييييه كده و الغريب ان كله بقي كده لييييه بردوا معرفش
و اللي حضرتك شوفتوا ده انا بشوفوا من 5 سنين تقريباً في ماريبنا و الحتت دي و السنه اللي فاتت روحت قريه الدبلوماسييين و يارتني ماروحت اقل ما يقال كنت قاعد في هاواي بناسها كده
لقيت مستوي تاني من الشعب انا ماشوفتوش قبل كده ولا حشوفوا تاني اللي الواحد مش بيشوفهم كتير و الناس عادي و كله عادي
فحضرتك دا عادي يعني
استرها يارب علينا :sad:
أنا كالعادة لما بشوف أو بسمع عن المناظر دهية بيجيلي حالة يأس وبفتكر حديثين للرسول صلى الله عليه وسلم .. الأول هو حديث من رأى منكم منكرا فليغيره بيده فإن لم يستطع فبلسانه فإن لم يستطع فبقلبه وذلك أضعف الإيمان . وبصراحة كثير بحس اننا حتى الإنكار بالقلب أصبح قليل عندنا والله المستعان ..
الحديث الثاني هو حديث يأتي زمان القابض فيه على دينه كالقابض على الجمر ..
اعتقد أقرنائي الشباب في المنتدى ولاد وبنات بيحسو قد إيه هم غرباء في وسط المجتمع ده ..
وطبعا بحيي أخويا الكبير احمد ابراهيم على وصفه المبسط جدا والواضح بس فعلا الواحد برضه بيتعقد من زيادة الانحدار ده .
لا خالص ، الحقيقة انا مستغرب يعنى أنت تقريبا أول مرة تروح ستارز بالليل وشفت حاجات انا مشفتهاش أبدا ً (شذوذ - عورات مكشوفة "ممكن تقصد المؤخرة بس انا مشفتش ولد ماشى فرحان بمؤخرته دى أبدا ً لا فى ستارز ولا برة ستارز فما بالك بحاجة تانية" - عيال بيباصوا لبعض الموبايل وسط الزحمة والمحلات) ، كلامك حاسس إن فيه مبالغة مش أكتر.
يا جدعان مش كل اللى بيروح ستى ستارز ولاد و بنات و ستات منحلين اخلاقين انا حسيت انكو بتتكلمو عن مكان منكر فى منكر ايه يا جدعان وبعدين انت فى مكان فيه اجانب و من اعلى المستويات لاقل المستويات يعنى متوقع تشوف من اول الصفر لحد ما لانهايه فا عادى يعنى و معلش يعنى اللى مش عجبو ميرحش !!!! وله انا غلطان
بس فعلا انا معاكو على ان الواحد زعلان على البنات و الولاد اللى اتحكى عليهم دول
وربنا يستر علينا و على بنات مصر و ولاد مصر
وعلى فكره انا فى ستى ستارز يعتبر اسبوعين معلش يعنى مبشوفش اللى حضرتك بتقول عليه شذوذ ؟؟؟؟؟؟؟؟؟؟ :k20: و عورات و بوكسرات و اندر وير و حوارااات كبيره اووووووووى
يعني يا اسلام انت داخل مشارك في الموضوع علشان تكدب الخبر وخلاص...ايه التفكير ده؟
سبحان الله يعني الاندر وير يبان شفتها ...والعوره لا يمكن تبان ...اصلك دقبق قوي ومتابع كويس الاندر وير من العوره:k49:
ومستغرب قوي حضرتك ان في حيوانات صغيره بتلعب بالموبايل كوره وسط الزحمه ...ومش مستغرب من العيال الي سايقه عربيات بمبلغ وقدره (محتاج ربع قرن علشان تحوش تمنها)وتلعب بيها اوتو كروس في شارع المطار و6 اكتوبر وغيره.
وأخيرا معلومتك القيمه ان لبس البنات ده مش بس في سيتي ستارز فقط وإنما في كل مكان ..فعلا مش عارف اشكرك عليها ازاي...فعلا معلومه قيمه وأفادت كثيرا :svengo:[/quote]
اعتقد ان اسلام قال رأى صحيح وانا متفق معاه بس ملهاش لزمه كل اللى حضرتك بتقوله انا حسيت انك بتتخانق معاه مش بتناقش وحاسس انك بتقلو انو هو اللى مسئول عن العيال اللى بتركب عربيات وحوارات غريبه !!!