الاخوه الاطباء.. مأساة مع التكليــف.. افيدونا افادكم الله !!
السلام عليكم
المشكلة باختصار ان زوجتي طبيبة اسنان دفعة 2013.. وتم تكليفها بالوادي الجديد (حركة تكليف نوفمبر 2014) وبعدين عملت تظلم للحالة الامنية وتم نقلها لمحل سكنها (القليوبية)
المأساة تتلخص ف الاتي.. استلام التكليف تم بعد الزواج بأسبوعين بالقليوبية.. علي امل اننا نعمل انتداب لمحل اقامة الزوج اللي هوا انا ف القاهرة (كنا فاكرين العمليه سهله) وطبعا كإننا طلبنا نقل لواء اركان حرب من مكانه
استحاله.. مينفعش.. انسي.. لازم تعدي سنه عمل فعلي علي الاستلام..
حاولت بشتى الطرق وكل الوسايط الممكنه وخدت الموافقة من وكيل وزارة الصحه بالقاهره لكن وكيل وزارة القليوبية رفض لعدم مرور عام عمل فعلي
طب والحل يا جماعه ؟؟؟ حد وقع ف المشكلة دي قبل كدا ؟؟؟
وبالنسبة لنقل التكليف لجهة سيادية (جيش او شرطة).. حد يعرف معلومات عن الموضوع ده ؟؟
افيدونا افادكم الله
