الف مبروك على صيانه ال10000كم وعقبال ماتشوف العداد عامل500000 كم مش بعيد عن الجين 2 العربيه دى انا بموت فها
..mokhtar..
الف مبروك على صيانه ال10000كم وعقبال ماتشوف العداد عامل500000 كم مش بعيد عن الجين 2 العربيه دى انا بموت فها
..mokhtar..
الف مبروك يا باشا و عقبال صيانه 10000000000000 كم .
انا بعمل ال10000 كم فى شهر او شهر و اسبوع انا جايب العربيه يوم 28/12/2005 و ماشيه دلوقتى 112 الف كم هههههههه.
Many Congratulations to the Gen2 's First Defender in this forum for the first 10k KMs , wishing you the smoothest ride in your quest for the next 10,000 Kms
الف مبروك ياباشا وعقبال ال50000 :victory:
تصدق يا استاذ توت
انا بقيت احب العربيه دي جدا بسببك
لو بفكر اغير في رنج سععرها هجيبها بلا تردد
كفايه ياراجل نكون اصحاب عربيات واحده
ربنا يباركلك فيها
الف مبروك يا باشا و عقبال صيانه 200000
والله يا توت باشا قسم بروتون يعنى انت انا بستنى تعليقك على كل موضوع لانة فى الافادة وانا إن شاء الله ناوى عل الجين 2009 بس ادعولى
منور يا أبو صيام ......... العفو يا حبيبي
و ربنا يهدي الناس .......و يهدينا جميعا
و شكرا يا عسل على كلامك الجميل
بيشو بك ........ شكرا على دعائك الجميل و لك مثله
يا باشا ألف شكر و إن شاء الله نعمل بيها ال 500 ألف في الخير ان شاء الله
الله يسهلك يا عم ....... و أنت حسن بك خليل
طايحين فينا ........ ده أحنا غلابة يا جدعان
واحدة واحدة علينا
و ربنا يباركلك في عربيتك
و شكرا ياباشا على التهنئة
بس أنا يا جماعة شغلي و سكني قريبين من بعض علشان كدا مش عامل عدد كيلومترات كبير
ألف شكرا ياباشا ....... و بعدين أحنا بنتكلم برضه :gun_bandana: أوعى الجين 2 ........
شكرا على التهنئة و الدعاء و الأمنيات الجميلة
ربنا يباركلك
آمين يارب و يكونوا في الخير
شكرا يا عسل على المداخلة الحلوة دي
الله يكرمك يا دكترة .... و كفاية ذوقك و أخلاقك العالية من ساعة ما دخلت المنتدى
و ربنا يديم المعروف ما بينا جميعا ...... و أحب أسجل اعجابي بالفيرنا
بجد عربية حلوة و مش علشان الكلام ده
لاءة بجد عربية كويسة قوي و عيوبها بسيطة و محلولة
ربنا يباركلك فيها و يبارك فيك و تتخرج على خير من الكلية بإذن الله :ymca:
ألف شكر يا أوبا باشا ..... ربنا يباركلك في سوبارتك الجميلة
الله يكرمك يا عم بطوط و يارب نكون عند حُسن الظن دائما و يستفيد أكبر كم من الناس المقبلين على شراء العربية الحلوة دي
و شكرا على مداخلتك العسل دي و ربنا يكرمك في الجين 2 موديل 2009
ممدوح باشا أنا رديت عليك قبل كدا .......بس و أنا براجع الكلام لقيت ردي عليك أختفى
و الله ياباشا أنا يكون لي الشرف أني أقابل ناس محترمة زيك
و نعديلك المانش يا معلم ....... مش المحور
يلا ......ننط في البحر .....زبس بقى ان غرقنا ........ عليك تتطلعنا :K15:
يالهوي........ المية ساقعة قوي :boat:
الف الف مبروك يا استاذ توت وعقبال يارب صيانه ال100 الف والعربيه على خير معاك وانت مبسوط منها
وبجد شركه برتون لازم تعملك تخفيض اكتر من 10% ده
ده انت خليت نص المنتدى يشتريها:k6: والنص التانى يحبها:k1:
أولا متشكر على مرورك على الموضوع و إبداء رأيك
بالنسبة للعربية
هو أنا لازم أطلع عين العربية علشان أثبت أنها حلوة !!!!!!!!!!!!
أنا عمري ما قلت أن انا قاسي على العربية و بدشدش فيها
بالعكس أنا في كل مشاركاتي بقول أن انا من النوع اللي بيحافظ على حاجته و يعاملها بحنية
و أعتقد ان انا كنت أمين في نقل كل معلومة عندي و عمي ما هولت حاجة
و إن كنت وصفت العربية بأوصاف أنت شايفها مبالغ فيها
فطبعا أنت حر في رأيك
و لكن الناس اللي هنا فاهمة أنا أقصد أيه
لا أنا قلت العربية أتحولت ل 200 حصان و لا غشيت حد
أنا بأوضح اعجابي بالعربية برأيي و بطريقتي الخاصة و عمري ما هولت على العربية و عملت منها اللي مش فيها
كل كلمة قلتها عليها ده احساسي بيها و معاها و أكيد الناس اللي راكبة الجين 2 عارفة أنا بتكلم على أيه بالظبط
أما من ناحية العشرة الاف كم اللي حضرتك مستقللهم
أغلب الناس ........ بتعمل في معدل 10 إلى 15 الف كم في السنة
يعني أنا مش شاذ عن القاعدة
و بالنسبة للوصف للسيارة
أنا دائما كنت أخذ بعض اصدقاء لي ممن يستعملون السيارة كثيرا كأمثلة و ليس أنا فقط و لا أنا من يقف يدافع عن الباطل و يضلل الناس
و مرة تانية شكرا لمرورك
و شكرا لقراءة التقريرو شكرا لوقتك
انا مقولتش انك لازم تطلع عين العربية عشان تثبت انها حلوة ...دة مش رد!!!
ولا قلت انك قلت انها 200 حصان ...انا قصدي ان يبقي فيه تصحيح دة تقرير 10000 كم مش تقرير سنة استخدام ....انت استخدامك للعربية اقل من العادي ماشي ده مش عيب وانا مش اول واحد يرد علي الموضوع يقول لك ان 10000 كم في سنة قليل... عد اللي قلولك كدة كويس...
وممكن تعمل استطلاع بكدة ...هتلاقي معظم الناس عاملة اكتر من كدة مرتين او تلاتة مش من 10000 ل 15000 زي ما حضرتك ذكرت
علي فكرة ...ضمان العربيات بيبقي 3 سنيين او (100000) وساعات (60000) اظن الناس اللي بيبيعوا عربيات مش بيخترعوا الارقام دى.., دول شافوا متوسط استخدام الشخص للعربية و وضعوا الارقام دى....
بالنسبة لحكاية التهوييل ...انا قلت كدة لان العربية معايا ...و ياسيدي العربية كويسة و زي الفل ...شكلها حلو و موتورها عفي
بس في عربيات تانية كتيير حلوة برضه ...شكل و موتور
وعشان الناس عرفة كدة مش هتلاقيهم بيقولوا لا (جميلة الجميلات )ولا (الجميلة و الوحش ) ولا جميلة بو حريت حتة و علي العموم دي حاجة ترجعلك ...بس الشعب المصري اللي هو انا وانت والناس اللي حضرتك بتقول انة مينفعش معاه غير الشومة او العصاية من عيوبة انة (بيهول)و بيعمل من الحبة قبة و اسف لو كنت شوية هجومي بس مش بحب اللي يحور كلام واضح ...شكرا
أخى توت أدعو المولى عز وجل لك بدوام التوفيق
تقييمك رائع وخدماتك مفيدة للجميع
ربنا يجازيك خير على خدماتك الكثيرة جدا لأعضاء المنتدى وبصراحة أنا من أكثر المستفيدين من تجاربك وآرائك
واضح من الردود حب الناس ليك :seeya:
rbna ybraklak ya man
:toot::toot::toot:
أخويا وحبيبي
أنا بقى مش هقوللك الف مليون مبروك والكلام دا زى ما كتيييييييييييييييير قالوهالك
أنا هقوللك اني بشكر شركة زى شركة بروتون انها عرفتنا على شخصيه جميلة زيك .
ربنا يكتر حبايبك زى منا شايفهم كتير اهه كمان وكمان
عايز أقوللك كلمه
سيبك من الناس اللى بيتتكللم كتير وبتهاجم على طريقة كلامك لانه أنا شايف انه كلامك مقنع وموضوعى وحتى اذا كان فى شوية انبهار بالعربيه فا دا الطبيعى جدا من واحد بيحب عربيته زى منتا بيتحب الجين 2 ويحب كمان يوصل احساسه للناس بكمية حبه لمعشوقتنا الجين 2 .
وحتة المحافظه على العربيه دا درس المفروض كل واحد يتعلمو ولكن للاسف انه فى ناس بيتعمل عمايل بالعربيه تخليك تحزن على العربيه واللى بيتعمل فيها .
وأسف على الاطاله
ودى فرصة حلوه انى خليتنى اشوف حبيبنا كلهم بتوع جروب الجين 2 زى
mazagnge و mino و momenhamdy و elmadawy و Rafraf و hamada_sivo و MohabSaeed و MOMOBARAK و Ayman_52 و khpopo و ahmedsiyam .
وكل اللى ذكرته واللى مذكرتوش
وشكرا ليك يا كبير
أستاذ محمد عربي أهلا بيك ياباشا و منور و ألف شكر على تهنئتك الجميلة
و شكرا على كلامك الجميل
طيب نبدأ بسم الله
أولا أنا محورتش كلامك ........
ثانيا أنت علقت على تعليقاتي و إستخدامي لألفاظ مُعينة لوصف السيارة
مش عارف انت ليه متضايق ...... مع أني مش بهول
دي تعبيرات مجازية و الناس هنا فاهمة أنا أقصد أيه بكل كلمة زي جميلة الجميلات و اللي هي فعلا جميلة الجميلات و في رأيي المتواضع من أجمل السيارات الموجودة في مصر و بشهادة كل الأسواق اللي نزلت فيها مش مصر بس
و شكرا على الأستهزاء من طريقة كلامي !!!!
أما بالنسبة لعدد الكيومترات
أنا مش عارف حضرتك زعلان ليه إني كاتب تقرير إستخدام عام و موضح بجانبه أني عامل 10 الاف كم
بصراحة مش فاهم أنت زعلان ليه ؟؟؟
لا أنا غشيت الناس و قلت أني طاحن العربية و لا نكرت عدد الكيلومترات المقطوعة بالسيارة
أنا وضحت المدة الزمنية بالاضافة لعدد الكيلومترات .... أعتقد أني كنت وضاح جدا
أما بالنسبة للإستهلاك العادي
الإستهلاك العادي ده نسبي
أنا شغلي قريب من بيتي ....... يبقى أكيد إستهلاكي أقل من واحد تاني شغله في محافظة و هو ستكن في محافظة تانية
و طبعا هايكون إستهلاكي أقل من واحد بيسافر بالعربية كل يوم
و أنا شايف إن أغلب الناس بتعمل من 10 إلى 15 الف و ده الطبيعي و اللي مش طبيعي
اللي بيعمل أكتر من كدا ....... و ده رأيي
لأن بيكون عنده ظروف تانية زي سفر كتير ....... و مشاوير كتيرة بالعربية
لتالت مرة حضرتم بتتهمني بالتهويل و بتقول ان العربية فيه عربيات قوية زيها
طيب هو أنا قلت حاجة غير كدا و لا أصلا جيبت سيرة عربيات تانية في التقرير
طيب ما أنا عارف ان فيه عربيات أقوى منها و ماليين السوق كمان
بس أنا مجبتش سيرو عربية تانية غير الجين 2 و برضه مقلتش أن الجين 2 أقوى عربية في السوق أو في فئة 1600
بل بالعكس
كنا بنتكلم في موضوع العربيات و السحب و قلت أن فيه بتاع فيرنا طلع مني في الأول و كان فارق و مكنتش قادر اجيبه
يعني لو أنت متابع المنتدى كويس كنت هاتعرف أنا بقول أيه و أيه هي طبيعة كلامي قبل ما تبدأ تهاجمني بدون داعي
بس على العموم المسامح كريم و أنا من ناحيتي مفيش أي مشكلة و مش زعلان من هجومك و طريقة كلامك
بس ياريت تقرأ كلامي قبل ما تعلق علىه بطريقة هجومية
ألف شكر يا أبو عمر
و ربنا يزيد المحبة بين الأعضاء جميعا
و بصراحة أغلب الأعضاء أخر أحترام زي حضرتك و شكرا على التهنئة الرقيقة الجميلة دي و ألف شكر مرة أخرى
شيكووووووووووو باشا
شكرا يا جميل و ربنا يباركلك يا باشا
مايكل حبيبي
أولا أحب أشكرك جدا على مداخلتك الجميلة دي و اللي ملانة ذوق و أدب و أخلاق و فوق ده كله ...... رفع للروح المعدنية
يا حبيب قلبي ربنا يباركلك و تنضم لقافلة الوحوش ...... بروتون جين 2
و بالنسبة للتعبيرات اللي أنا أستخدمتها لوصفي للعربية
جميلة الجميلات ...... تعبير غير مبالغ فيه بالمرة و لم أجد شخص واحد يقول عكسه
الموتور فيه عفريت ...... ده تعبير مجازي عن قوته و صوته اللي يخليك تحس أنك في سباق على اي سرعة !! و أنا بحب صوت الموتور جدا
أنا بس عايز أضيف حاجة
المحافظة على السيارة من اهم أسباب طول عمر القطع الميكانيكية و السيارة نفسها
و الحفاظ على ما تملك شئ جميل و بيحافظ على استثمارك في الشئ و يطول عمره الإفتراضي
و مش معنى أن الواحد بيحافظ على حاجته ....... أنها قابلة للكسر و اضعف
و لكن من باب الحفاظ على الإستمثار
و بأشكر الأستاذ مايكل أنه فتح النقطة دي للحوار
شكرا مرة أخرى على الروح الجميلة دي و التهنئة و الكلام الأجمل
و بأشكر المنتدى أنه لم أحلى رجالة في مصر علشان يتقابلوا على الأنترنت و يتعلموا من بعض
شكرا يا مايكل .....شكر :smartass:
مبروك يا استاذ توت علي صيانه 10 الاف كم للجين 2 و اعبال صيانه ال 100 الف
وربنا يحفظهالك
اولا ..العفو
ثانيا ...انا متابع للمنتدي كويس
و علي فكرة انت لما قلت بتاع الفيرنا طلع منك كنت بتقول كدة مش عشان تعرفنا ان موتور الفيرنا جامد...لكن كان قصدك انه طلع منك عشان فرق الوزن اللي هو لصالح الفيرنا(تبرير برضه للجين 2 )
وعلي فكرة لتاني مرة انا بقول ان مش لازم ابهدل العربية عشان اثبت انها حلوة
و علي العموم انا ها حاول احافظ عليها كويس زيك علي شان الاستثمار و الحياة و الناس وهبقي اركن عربيتي حبيبتي (عميلة العمبلات) اصلي شغاال في مخابرات الصومال
هبقي اركنها اصلي مش بحب الزحمة برضه وهاركب المترو اصلة فاضي وانا بحبة
وبلنسبة لعدد الكيلومترات ....متزعلش يا سيدي اصل الناس اللي انا اعرفها معملتش الرقم ده الا البواب بتاعنا اصل عنده عجلة ....بس هاحاول اعرف حد عمل الرقم دة و هجيبة هجيبة (مخابرات الصومال)
ونصيحة مني يا عم تووت شييل الامضاء بتاعك اللي فيه اهانه للناس و بيعتبرهم شوية همج عايزين الضرب
أنا طول عمري ملتزم و الناس كلها تشهد بكدا و عمري ما غلطت في حد
حتى مع كل مداخلاتك اللي مليانة إهانات
برضه أتلزمت بأداب الحوار كويس قوي و محدش يقدر يغلطني
و حضرتك من أول تعليق و انت نازل تريأة و إستهزاء
بس عادي
كل إناء بما فيه ينضح ......... و حضرتك طلعت كل اللي عندك
مفيش أي مشكلة ...... أنا مبسوط قوي أنك مبسوط و فرحان علشان أتريأت و طلعت كل اللي في نفسك و بقيت كمان عميل مخابرات للصومال
هنيالك يا عم .........
طب لو انت ملتزم عايز الناس تتضرب لييييه ..ده اسلوب المفلس الضعيييف ..قصدي طبعا علي طريقة الحل اللي سيادتك عارضها و هي الضرب
وعي العموم انا مبسوط اكتر منك لانك حطيت مبرر تحت الصورة لسبب وضعها
مع ان ده ميبررش وضع الصورة السخيفة اللي تحتها تعليق اسخف
علي امل انك تشيلها
مع اني مش متوقع انك تعمل كده لان العند سيد الاخلاق طبعا
وبخصوص المخابرات ....لو عايز تيجي يبقي يا مرحبا يا مرحبا
بس خلي بالك الشغلانه ديه كلها لف ودوران يعني حتعمل اكتر بكتييييير 10000 كم في السنة :wheelchair:
انذار للعضو مع ايقاف لمخالفتة القاعدة 13 من قواعد المنتدى
مشرف القسم
الاستاز توت هنا من اكتر العضاء احتراما والكل يشهد بكدة وانا اولهم وبعدين بلاش مشاكل
والله مش عارف لية السلوب دة مع الاستاز توت اللي يضرب بية المثل في الالتزام والاحترام و اخلاقة يشهد بيها المنتدي كلة
توت
الف مبروك
وعلى فكره انا عملت صيانة ال 10000 امبارح
وانا طبعا اشتريت العربيه 22 /8/2008
وعقبال صيانة 1000000 كلم
على خير
سبحان الله الراجل بيحب عربيته ومبسوط منها ومالو لو عمل 10000 في سنه يعني لو كتب تقييم السياره بعد 6 اشهر و 10000 كيلو كنت هديت؟
انت تحولت من السياره للانتقاد الشخصي لمجرد الاختلاف في الراي وشوف توقيعك ومش توقيعك على طريقة اهو انت
يا أخي Pinkone من قراءتي لتعليقاتك و ردودك الحادة على أخونا "توت" أستطيع أن أرى أن هذة الحدة في كلامك ليس سببها الجين2 ولا المبالغة في وصف السيارة ولن من الواضح أن الصورة في توقيع الأخ توت مدايئاك جامد.
كان من الأفضل لو تكون صريح و مباشر . يعني لو كنت بعت له رسالة من الأول توضح وجهت نظرك في الصورة و تطلب منه يشيلها كان أحسن.
أما لو كنت أنا غلطان و كان غضبك فعلا بسبب المبالغة في وصف العربية كنت ممكن تكتب وجهت نظرك دي من غير السخرية إللي بين السطور.
أنا مش مستنيك ترد عليا أنا بس عايزك تعرف إن باللين و الهدوء كان ممكن توصل لنتيجة أحسن.
وأسال الله أن يهدينا لأحسن الأخلاق لا يهدي لأحسنها إلا هو.
مبروووك أ / توت
عقبال 100 سنة
و مليون كيلو
مش عارف الجين 2 هيا اللي جميلة الجميلات
و لا حضرتك اللي نجم نجوم المنتدي
سبع صفحات للتهنئة بصيانة العشرتلاف
بسم الله ما شاء الله ،،
ايه دا ليه المشاكل دى كلها ؟
على ايه يا جماعه التعصب والنرفزه دى؟
يا استاذ Pinkone انا شايف انه الاستاذ تووت مغلطش معاك وانت اللى ابتديت بالهجوم والكلام اللى مداري ؟
لان الاستاذ تووت لو غلط كنا احنا أول ناس نعاتبه على غلطه
انت ابديت رأيك وهو وضحهولك بعد كده دخلت انه بيهول فى طريقة كلامه !! طيب هو حر ومبسوط بعربيته
بعد كده دخلت على موضوع التوقيع طيب ما فى ناس عندها توقيعات اكتر من كده ومحدش بيتكلمو معاهم ثم اى واحد ممكن يحط التوقيع اللى هو عايزه
وأنا معاه الصراحه فى توقيعه وانه الشعب مبيجيش غير كده فعلا للى مش محترم ومش ماشي بما يرضى الله ومراعى ضميره.
أنت داخل سخن وانا مش عارف ليه؟؟؟؟؟؟؟؟؟؟؟؟
على العموم احنا ناس كبار ومحترمه ومينفعش بيننا يكون اسلوب الحوار او المناقشه بالشكل دا .
أنا متهيألى موضوع الخلاف خلااااص كده ومنبتديش نكبره اكتر من اللازم يا جماعه .
صديقي الحبيب الملك الذهبي ...كالعاده يا باشا كلامك كله موزون و عقلاني ....ألف مبروك عليك سنة و ١٠ الآف كيلو مع جميلة الجميلات .....كل سنة و هي طيبة ... ربنا يحفظهالك و يكفيك شر الطريق يا جميل :flowers:
على فكرة حكاية أن المرء يتعلق بالعربية ديه مكتوبة فيها كتب :)
على فكرة أنا شغلي في تورنتو على بعد ١٠ دقائق مشي من البيت ....أول سنة مع كرملة (إسم عربيتي الكورولا ) عملت حوالي ٧ الآف كيلو بس ....أما تريو (إسم عربيتي الكليو) عملت حوالي ٦ الآف أول سنة ...استخدامي في الأجازات و ساعات أختي أو والدتي بيستخدموها .....العربية اللي قبليها الله يمسيها بالخير فيلي (إسم عربيتي الفيليشيا ) كانت برضه بتعمل متوسط ١٠ الاف كيلو في السنة .....بعتها بعد ١٠ سنين عملة تقريبا ١٠٠ ألف كيلو
و العربيتين اللي قبل كده ال-١٢٨ و ال-١٢٧ شرحه ;)
شكر يا أسد البيجو ....... ربنا يباركلك في البيجو و يجعلك فيها الخير و البركة
ألف شكرا على شهادتك يا أخي يا أوبا و ربنا يباركلك يا شيخ
و الله و مش عارف يا أخي الكريم .......مع اني معملتش حاجة لحد و مش بضايق حد و بحترم الكل .... بس ربنا يشفينا جميعا
و شكرا على المداخلة دي يا باشا
الله يكرمك مرة تانية يا أوبا يا عسل .... و ربنا يديم المحبة ما بينا يارب
تويتي يا عسل ......... مبروك عليك صيانة 10 الاف و ربنا يباركلك في عربيتك يارب و يطرحلك فيها البركة
شكرا يا أستاذ وليد على شهادة الحق و الكلم المظبوط
و ربنا يهدينا يارب
أستاذ وليد سنج ....... بجد ألف شكر للتوضيح الجميل ده و فعلا الدخول في مناقشة موضوع بطريقة مستقيمة بدون لف و لا دوران كان سيكون أفضل
مع أني مش بكدب و لا مفبرك الصور
الناس اللي عندها وطنية قوي
تنزل تقعد في الشارع ربع ساعة و تشوف الجنان على أصوله
و أول ما ييجي الظابط
الكل يتلم و يدارى و يحترم نفسه
يعني أنا مش بفتري على الناس و لا بتقول عليهم و لا بألف كلام و لا أنا بخترف و أحنا عايشين في باريس و أنا مشواخد بالي !!!!!!!!
شكرا يا أستاذ وليد مرة تانية و ربنا يباركلك يارب و يجعلك دايما في فعل الخير
أحمد باشا أنور
و الله أنت منور بجد و ربنا يكرمك يا باشا على الكلام الجميل اللي مش بيطلع إلا من شخص جميل زيك
ربنا يباركلك في الفيرنا يارب و يهنيك بيها ....
و يحفظك من الطريق
مايكل باشا ..... شكرا يا عسل على المداخلة دي و بجد شكرا مرة تانية
و الناس كلها عرفت أني بتهاجم بدون داعي و بدون ما أضايق حد و من غير ما أغلط في حد
لن أقول غير حسبي الله و نعم الوكيل
و بجد أحب أشكرك مرة تانية على كلامك الموزون العاقل ده
روح يا شيخ .........ربنا يباركلك في جميلة الجميلات لما تستملها إن شاء الله تعالى ...... و يحفظك من شر الطريق و يحفظلك عربيتك
حبيب قلبي المختفي ...
سفيرنا العزيز في كندا .......
سفير نايل موتورز في تورونتو
فينك يا باشا ..... عايزينك دايما منور صفحات المنتدى
و شكرا يا عسل على المشاركة الجميلة دي و الكلام العسل ده
و ربنا يباركلك في عربياتك و يجعلك فيهم البركة و يحفظك من الجليد الكندي
شكرا يا جميل
الاخ Pinkone
انا موش فاهم ايه سبب هجومك السخيف على الاخ توت
الراجل يعنى لا غلط فى حد و لا زعل حد و الناس كلها ماشاء الله بتحبه و حتى فى ردوده عليك راجل محترم لا يتجاوز اداب الحديث
الناس كلها بتهنيه و انت طالع من وسطهم بتعلق على كلام له مطلق الحرية فى انه يقوله و موش عاجبك و لا عاجبك تعليقه
للاسف المنتدى بدء يظهر فيه ناس سلبية زيى حضرتك تخش فى موضوع بناء ظريف و تروح مضايقة الناس بكلمتين مالهومش لزمة زيى سعادتك كده
ياريت تحتفظ بردوك لنفسك علشان ماتزعلش حد منك و تدخل كده تتناقش بموضوعية بلاش استفزاز
ألف مبروك يا أستاذ توت
وعقبال صيانة الـ 300 ألف :)
والله انا علشان التاتش اللى حصل بين الاتنين الاخوة الاعضاء حمتنع عن التعليق على موضوع الخلاف لكن احب ابارك للاخ توت واقلة سيبك سيبك وكبر كبر وعيش بالجين 2 واهم حاجة ان الناس اللى بتساندك وتهنيك اكتر بكتير من الطرف الاخر الزعلان اوى من فراغ والف مبرووووووووووووووووووك عليك الجين 2 ياباشا وعقبال 1000000 كم .