استشاره هندسيه

**أبو آسر** · 02-06-2015 02:03 AM

منصحكش خالص تعمل كده ومتعتمدش على بتوع الغاز علشان هما بيخرموا في أي حتة وخلاص ويخلعوا
في يوم كنت قاعد في شقة إيجار وجم يوصلوا مواسير الغاز فلسة بيشغل الهيلتي وبيخرم فوق باب الشقة قام الباشا قاطع كابلات الكهربا العمومية اللي جاية من برة والكهربا قطعت ومشفتش خلقته وفضلت طول اليوم حيران على ما جبت كهربائي صلحها والزفت اللي قطع الكابلات ولا كأنه عمل حاجة وخد بعضه وخلع !

**zarkoor** · 02-06-2015 08:07 AM

المشاركة الأصلية كتبت بواسطة punisher

بس مفيش حديد افقي ورأسي لما كسرنا

يعني اللي باين حديد افقي فقط

مبدءيا ربنا يباركلك وانك سالت ومعملتش زي اغلب الناس ما بتعمل قال ايه ياعم ده سيح وللا اتنين لو قطعناهم حيحصل ايه. وبعدين لا قدر الله الكمرة تتكسر مع اول زلزال او هبوط ارضى وما شابه
حضرتك اللى صمم الكمرة عارف انها محتاجة التسليح ده ولو كان ينفع كان حيكون اول واحد حيوفرهم
هل ماينفعش المدخنة يتعملها كوع وتنزل تحت الكمرة او ان السخان ينزل شويه
تحياتي و جزاك الله خيرا على ضميرك الحي

**amr011111** · 02-06-2015 08:51 AM

المشاركة الأصلية كتبت بواسطة punisher

بس مفيش حديد افقي ورأسي لما كسرنا

يعني اللي باين حديد افقي فقط

مفيش حديد راسى موجود لان اللى منفذ العماره مقاولين وعاملين شغل تجارى (وده موجود فى اغلب المبانى فى مصر) فبيوفروا
فكده كده مصلحه انك هتحفر ومش هتلاقى حديد راسى تضطر تقطعه

**punisher** · 02-06-2015 09:54 AM

ازاي ارفع الصور للمنتدي عشان عايز اصورها تشوفوها

**punisher** · 02-06-2015 09:58 AM

ربنا يباركلم علي سرعه الرد ومساعدتكم

انا هطلع اشوف لو ممكن الفتحه تنزل شويه بس للاسف السخان مينفعش يتحرك من مكانه خالص

**punisher** · 02-06-2015 10:25 AM

تب دلوقتي سؤال محدد... انا معاكم ان القمر والحديد اكيد مهمين جدا.. بس هل لو واحد قطع في الحديد في الدور الاول زي واحد قطع بس في الدور العاشر؟

يعني انا فوقيا 3 ادوار فقط ف اكيد الاحمال عندي اقل من اللي ف الدور الاول

السؤال التاني ليه السقف ممكن ينهار... امال ايه فايده العواميد؟

السباك هوا اللي بيعملي الفتحه وكلمته دلوقتي قالي دي قمره صغيره 22 سم ومفيش فوقيك ادوار كتير

انا محتار بجد والمشكله اني مغير سيراميك الحمام كله ومفيش منه متوفر او زياده عندي

**amr011111** · 02-06-2015 10:42 AM

المشاركة الأصلية كتبت بواسطة punisher

تب دلوقتي سؤال محدد... انا معاكم ان القمر والحديد اكيد مهمين جدا.. بس هل لو واحد قطع في الحديد في الدور الاول زي واحد قطع بس في الدور العاشر؟

يعني انا فوقيا 3 ادوار فقط ف اكيد الاحمال عندي اقل من اللي ف الدور الاول

السؤال التاني ليه السقف ممكن ينهار... امال ايه فايده العواميد؟

السباك هوا اللي بيعملي الفتحه وكلمته دلوقتي قالي دي قمره صغيره 22 سم ومفيش فوقيك ادوار كتير

انا محتار بجد والمشكله اني مغير سيراميك الحمام كله ومفيش منه متوفر او زياده عندي

الاعتقاد السائد والخاطىء ان فوقك 3 اداور فقط فالحمل قليل
بالنسبه للسقف ويسمى ( البلاطه ) والكمرات فديه بتشيل كل سقف لوحده يعنى الحديد الموجود فى الكمره اللى فى الدور الاول زى الحديد الموجود فى الكمره اللى فى الدور الاخير
لان السقف بيتصمم على وزن الناس والاثاث والتشطيب من بلاط ورمل واسمنت متحملين على السقف وبالتالى كل سقف بيتصمم على نفس الاحمال سواء فى الدور الاول او فى الدور الاخير

بالنسبه للاعمده فهى اللى الحمل عليها بيقل كل لما تطلع لفوق يعنى عمود الدور الاول شايل احمال الـ 11 دور اللى فوقه
وعمود الدور التانى شايل احمال الـ 10 ادوار اللى فوقه وهكذا

بالنسبه انك بتقول ان عمقها 22 سم فديه ممكن تكون عتب فوق شباك مش كمره
فياريت تحط صورة للتوضيح

بالنسبه للسؤال التانى ان ليه السقف ممكن ينهار
لان السقف بيبقى شايل اوزان الناس واوزان السيراميك والاثاث والرمل والاسمنت اللى تحت السيراميك
والوزن ده بيتنقل للكمرات ومنه للاعمده
فلو انت قطعت اسياخ الكمره يبقى اخليت بمنظومه نقل الحمل وبالتالى السقف والكمره ينهاروا والعمود يفضل زى ما هوه

**punisher** · 02-06-2015 10:52 AM

انا شاكر لحضرتك جدا علي التوضيح انا هحاول ارفع الصور ف خلال ربع ساعه ان شاء الله بس المشكله اني بدخل علي nileup ورفع الصوره وبعد كده مش عارف اعمل ايه عشان تظهر في الموضوع

وهيا فعلا فوق الشباك بس بردوا هصورهالك لانه مش مجالي ف اكيد حضرتك هتفهم اكتر مني

**punisher** · 02-06-2015 10:58 AM

اللي فهمته من كلامك ان العواميد هيا اللي بتشيل الاحمال الكليه للعماره بس القمر بيشيل الوزن بتاع السقف اللي فوقيه فقط وينقله للعواميد... يعني القمر اللي عندي ف الحمام هوا اللي شايل حمل السقف بتاعي وبس... صح كده؟

-

الموضوع: استشاره هندسيه

LinkBack

أدوات الموضوع

عرض

-

-

-

-

-

-

-

-

المواضيع المتشابهه

الالتفاف للخلف (U turn) نظرة هندسيه

استشاره هندسيه فى المبانى

مكتب استشارات هندسيه

كتب هندسيه تجنن

استشاره هندسيه لأهل الخبره

الكلمات الدلالية لهذا الموضوع

المفضلات

المفضلات

ضوابط المشاركة