انا ساكن ف برج مكون من 13 طابق وانا في الدور العاشر
المهم في الحمام هركب سخان غاز ولما بتوع الغاز علموا مكان فتحه المدخنه للسخان لقيت انها قمره وفيها 4 سياخ حديد ف طبعا لازم يتقطعوا بالصاروخ
هل في مشكله لو اتقطعوا عشان اعدي المدخنه؟
عرض للطباعة
انا ساكن ف برج مكون من 13 طابق وانا في الدور العاشر
المهم في الحمام هركب سخان غاز ولما بتوع الغاز علموا مكان فتحه المدخنه للسخان لقيت انها قمره وفيها 4 سياخ حديد ف طبعا لازم يتقطعوا بالصاروخ
هل في مشكله لو اتقطعوا عشان اعدي المدخنه؟
http://www.homekw.com/bet/archive/in...p/t-22082.html
http://www.almuhands.org/forum/archi.../t-108196.html
المشكلة قد تكون في صدأ الأسياخ الحديدية بعد ذلك
بالإضافة إلى ضرورة حساب الحمل على هذا الكمر
ايه التعقيد ده؟
انا مش مهندس ف مش هفهم اي حاجه من المكتوب هوا الوضع اني عايز اعمل فتحه بس طلع مش طوب.. لقيت اسمنت و4 او 5 سياخ حديد ف هل لو اتقصوا في مشكله؟
الفتحه طبعا صغيره يادوب ع مقاس المدخنه
يعني هل تلات طوابق يعتبر حمل كبير؟
الأسياخ الأفقية عادة بتكون فى قاع الكمر فلو امكنك الارتفاع قليلاً
و تفادى الأسياخ و بعدين تعمل الترميم المناسب يكون أفضل.
لو الاسياخ فى بطنية الكمره يعنى اسياخ ماشيه افقى فده خطر جدا انك تقطعها
انما لو اسياخ ماشيه رأسى فديه تسمى كانات فممكن تقطع الكانه الوسطى وترحل الكانتين التانيين يعنى تكسحهم واحده ناحية اليمين والاخرى ناحية الشمال
مره تانيه الاسياخ الافقيه سواء اللى فى بطنية الكمره او فى اعلى الكمره من الخطر جدا قطعهم فقد يؤدى الى انهيار جوء من السقف
الاسياخ تعتبر افقيه مش رأسيه
تب ايه الحل دلوقتي انا كسرت بس لسه مقطعتش ف الحديد ومفيش مكان للمدخنه غير ده
لا يجب قطع حديد شدات الكمرات مطلقاٌ و يراعى جيداٌ ترميم المنطقة
التى تم كشف حديدها بمونة اسمنتية خالية تماماَ من الجبس .
منصحكش خالص تعمل كده ومتعتمدش على بتوع الغاز علشان هما بيخرموا في أي حتة وخلاص ويخلعوا
في يوم كنت قاعد في شقة إيجار وجم يوصلوا مواسير الغاز فلسة بيشغل الهيلتي وبيخرم فوق باب الشقة قام الباشا قاطع كابلات الكهربا العمومية اللي جاية من برة والكهربا قطعت ومشفتش خلقته وفضلت طول اليوم حيران على ما جبت كهربائي صلحها والزفت اللي قطع الكابلات ولا كأنه عمل حاجة وخد بعضه وخلع !
بس مفيش حديد افقي ورأسي لما كسرنا
يعني اللي باين حديد افقي فقط
مبدءيا ربنا يباركلك وانك سالت ومعملتش زي اغلب الناس ما بتعمل قال ايه ياعم ده سيح وللا اتنين لو قطعناهم حيحصل ايه. وبعدين لا قدر الله الكمرة تتكسر مع اول زلزال او هبوط ارضى وما شابه
حضرتك اللى صمم الكمرة عارف انها محتاجة التسليح ده ولو كان ينفع كان حيكون اول واحد حيوفرهم
هل ماينفعش المدخنة يتعملها كوع وتنزل تحت الكمرة او ان السخان ينزل شويه
تحياتي و جزاك الله خيرا على ضميرك الحي
ازاي ارفع الصور للمنتدي عشان عايز اصورها تشوفوها
ربنا يباركلم علي سرعه الرد ومساعدتكم
انا هطلع اشوف لو ممكن الفتحه تنزل شويه بس للاسف السخان مينفعش يتحرك من مكانه خالص
تب دلوقتي سؤال محدد... انا معاكم ان القمر والحديد اكيد مهمين جدا.. بس هل لو واحد قطع في الحديد في الدور الاول زي واحد قطع بس في الدور العاشر؟
يعني انا فوقيا 3 ادوار فقط ف اكيد الاحمال عندي اقل من اللي ف الدور الاول
السؤال التاني ليه السقف ممكن ينهار... امال ايه فايده العواميد؟
السباك هوا اللي بيعملي الفتحه وكلمته دلوقتي قالي دي قمره صغيره 22 سم ومفيش فوقيك ادوار كتير
انا محتار بجد والمشكله اني مغير سيراميك الحمام كله ومفيش منه متوفر او زياده عندي
الاعتقاد السائد والخاطىء ان فوقك 3 اداور فقط فالحمل قليل
بالنسبه للسقف ويسمى ( البلاطه ) والكمرات فديه بتشيل كل سقف لوحده يعنى الحديد الموجود فى الكمره اللى فى الدور الاول زى الحديد الموجود فى الكمره اللى فى الدور الاخير
لان السقف بيتصمم على وزن الناس والاثاث والتشطيب من بلاط ورمل واسمنت متحملين على السقف وبالتالى كل سقف بيتصمم على نفس الاحمال سواء فى الدور الاول او فى الدور الاخير
بالنسبه للاعمده فهى اللى الحمل عليها بيقل كل لما تطلع لفوق يعنى عمود الدور الاول شايل احمال الـ 11 دور اللى فوقه
وعمود الدور التانى شايل احمال الـ 10 ادوار اللى فوقه وهكذا
بالنسبه انك بتقول ان عمقها 22 سم فديه ممكن تكون عتب فوق شباك مش كمره
فياريت تحط صورة للتوضيح
بالنسبه للسؤال التانى ان ليه السقف ممكن ينهار
لان السقف بيبقى شايل اوزان الناس واوزان السيراميك والاثاث والرمل والاسمنت اللى تحت السيراميك
والوزن ده بيتنقل للكمرات ومنه للاعمده
فلو انت قطعت اسياخ الكمره يبقى اخليت بمنظومه نقل الحمل وبالتالى السقف والكمره ينهاروا والعمود يفضل زى ما هوه
انا شاكر لحضرتك جدا علي التوضيح انا هحاول ارفع الصور ف خلال ربع ساعه ان شاء الله بس المشكله اني بدخل علي nileup ورفع الصوره وبعد كده مش عارف اعمل ايه عشان تظهر في الموضوع
وهيا فعلا فوق الشباك بس بردوا هصورهالك لانه مش مجالي ف اكيد حضرتك هتفهم اكتر مني
اللي فهمته من كلامك ان العواميد هيا اللي بتشيل الاحمال الكليه للعماره بس القمر بيشيل الوزن بتاع السقف اللي فوقيه فقط وينقله للعواميد... يعني القمر اللي عندي ف الحمام هوا اللي شايل حمل السقف بتاعي وبس... صح كده؟
IMG_20150602_100114
IMG_20150602_100000
Simple File Sharing and Storage. /IMG_20150602_095932.jpg
الصور مرفوعه علي اللينكات دي
هوا في 4 اسياخ
2 مكملين بطول القمر
2 مش مكملين واخرهم بعد نصف الفتحه
فيه حلين
الحل الاول انك تستغنى عن جزء من الكورنيشه وتطلع بالفتحه لفوق ومتقطعش الاسياخ
حل اخر وهوه انك تفتح الفتحه تحت الاسياخ وهوه ده الحل الافضل واللى اعرفه ان بتوع الغاز بيشترطوا ان السخان يكون بينه وبين السقف على الاقل 60 سم فهما ياما يقصوا من الصاعد بتاع المدخنه او انك تنزل السخان شويه وبالتوفيق
تب حضرتك لاحظت ان الاسياخ الاول والرابع اصلا مش كاملين؟
التاني والتالت بس هما اللي مكملين مع بعض
السخان صعب اوي ينزل اكتر من كده
الفتحه لو عملتها تحت يبقي لازم ادور ع نفس السيراميك عشان يركب مكان اللي اتكسر
بخصوص قطع حديد التسليح اللى ف الصوره
السيخين اللى مش مكملين دول ده حديد اضافى ومفيش مشكله انك تقص منهم 30 سم
اما الاسياخ المكملين ده حديد رئيسى وغلط جدا انك تقطعهم وبالذات واضح ان الفتحه بجوار عمود
الافضل حضرنك تطلع الفتحه لفوق بحيث تكون اعلى من الحديد
او تخلى الفتحه تحتهم
ده الطبيعى ان نص الحديد بيوصل للاعمده والنص التانى مش بيوصل للاعمده
اللى هوه سيخين واصلين للعمود وسيخين لاء
فمش هينفع تقطع فى السيخين اللى واصلين للعمود نهائى
لو السخان صعب انه ينزل اكتر من كده علشان تحته المحابس بتاعة البارد والسخن
ممكن تنقل السخان فى الحيطه اللى فيها الشباك
وتجيب وصلتين نيكل طوال عن اللى راكبين وتوصلهم بيه
او متنزلش السخان وتسيبه فى مكانه وتفحت فوق الاسياخ وتستغنى عن جزء من الكورنيشه زى ما قولتلك