الموضوع: الزجـاج الامـامى اتكـسر .. بفعل فاعل

انت ضامن انك هاتاخد نفس المبلغ اللى هاتدفعه من الشركه تانى ؟

هو لو هاروح للاسمه الدغيدى ده مش هادفع ولا مليم .. لو التوكيل ممكن ادفع الضريبه وكلام من كده يعنى مش هايقى مبلغ كبير

انا اهم حاجة عايز اعرف فى كبير بين الاتنين ؟ وفى حد اتعامل مع الراجل اللى اسمه الدغيدى ده قبل كده ؟

معلش يا ياريساوى قدر الله وما شاء فعل

الحمد لله بسيطه وتغير الزجاج بسهوله

انا معنديش فكره عن الدغيدى ده ان شاء الله حد هيساعدك من باقى الاعضاء

انا لسة حاصل معايا الموضوع دا بس عيل حدف طوبة من فوق العمارة

المهم

اكيد في فرق بين الزجاج الاصلي واي زجاج تاني والا مكانش بقي في فرق سعر

انا ركبت زجاج دكتور جريش هو كويس بس مش زي الاصلي طبعا

نصيحة ركب الزجاج الاصلي بتاع التوكيل ولو مش هاتركبو يبقي ركب الزجاج بتاع دكتور جريش احسن من النوع التاني اللي زي الاصلي شكلا فقط

شكرا يا دموع كثيرا على مشاركتك والحمد لله طبعا انها جت على الزجاج فقط

شكرا ليك يا اسلام بس مش عشان فى حاجة اغلى تبقى احسن , مهو ده زجاج وده زجاج ونفس السمك هاتفرق فى ايه, واى واحد منهم تترمى عليه طوبه هايتكسر .. !!!

انا مش بفهم خالص فى الزجاج والكلام ده ومش عارف حد ليه هنا خبرة فى الموضوع ده ولا ايه

خليك في الزجاج الاصلي خصوصا انه الأمامي ..

عزيزى حسام

هناك نوعين من زجاج السيارات

الاول هو " السيكوريت " و هو عندما يتعرض لصدمة شديده يتحول الى اجزاء صغيرة و هذا النوع يصلح للأبواب. و هو قليل السعر

الثانى هو " تريبلكس " و هو عندما يتعرض لصدمة شديدة ينكسر و لكن يظل متماسك لانه مكون من طبقتين من الزجاج و بينهم طبقة من البلاستيك المرن و لا يتحول الى اجزاء اطلاقاَ و هذا النوع يستعمل اساسا للزجاج الامامى و الخلفى حتى يحمى الركاب فى حالة حدوث مكروه لا قدر الله . و هو مرتفع السعر

فى التوكيل سوف يتم تغيير الزجاج بأخر تويوتا اصلى من نوع " تريبلكس " و سوف ترجع الامور الى ما كانت عليه باذن الله.

خارج التوكيل اغلب الظن ان الزجاج لن يكون تويوتا اصلى - و الله اعلم هل سيكون " سيكوريت " و هو نوع شديد الخطوره اذا تم تركيبه للزجاج الامامى ام " تريبلكس " ؟؟؟؟؟؟

عزيزى لا داعى للمخاطره فبفضل الله انت مأمن على السياره

توكل على الله و غير الزجاج فى التوكيل مهما كان .