راجع اجازة ومحتاج مساعدتكم واراءكم

اولا كل سنه وكلكم طيبين وربنا يتقبل منا ومنكم صيامنا وصلاتنا ودعائنا ويحفظنا ويحفظكم من كل شر
انا مقيم بره مصر من كام سنه وراجع اجازه لمصر اللى وحشتنى مووووووووت ونفسى ابوس واشوف كل ملى فيها
طبعا انتم عارفين اللى بيبقى عايش بره بتبقى الاشاعات اللى بيسمعها كتيره ومنها التثبيت فى الشوارع وسرقه السيارات وحاجه تقلق جدا وخصوصا لما تسمعها من مصرى راجع من مصر وعمال يوصف ويشرح فى الخطف والتثبيت وسرقه السيارات وكنت ناوى تنزل بسياره لمصر وخصوصا عربيتى اللى فى مصر بقالها 3 سنين ماترخصتش بس لما بسمع اللى بيحصل لغيت الفكره
انا عارف ان الكلام اكيد مبالغ فيه بس برضو مش معناه انه مافيش خالص
فاريت تقولو للى اخبار السفر على الطرق وانسب الاوقات للسفر بدون قلق وخصوصا لما تكون معاك اسرتك وبناتك
والطرق اللى الافضل الابتعاد عننها
اشكركم مقدما على مساعدتكم
وتحياتى

الدنيا زى الفل ياباشا والسفر فى اى وقت ماتقلقش

بص ..هو إحنا مش زي سوريا من حيث السوء ..يعني إحنا لسه موصلناش لمرحلة سوريا ...ومش زي جنوب أفريقيا من حيث الأمان ..يعني جنوب أفريقيا أسوأ مننا ..لكن برضه مش زي تونس أو زي لبنان من حيث الإستقرار ..تقدر تقول ليبيا أفضل مننا من حيث الأمان ..لكن مش قوي برضه

أنا بتكلم جد مش بتريق ...

الحكومة شداااا حيالها اوي الفترة دي
متخفش من حاجة بس احسن وقت طبعا للسفر في الصبح او العصر عشان النور و طبعا امان اكتر و ربنا يسترها علي الكل ان شاء الله
وقل لن يصيبنا إلا ماكتب الله لنا

الدنيا زي الفل ...... السفر والخروج عادي جدا