السلام عليكم و رحمة الله و بركاته

كل سنة و كل أعضاء المنتدي طيبين و بخير

بعد تقريبا 5 سنوات من تاريخ شرائي للعربية (لوجان mcv موديل 2009) الحمدلله عملت بيها180 الف كم

الحمدلله العربية حالتها كويسة

طبعا معروف ان صيانات ال 60 الف كم صيانات جسيمة و بيتغير فيها طقم الكاتينة و سير المجموعة و باقي الحاجات العاردية زي الزيوت و الفلاتر

انا قررت اني اغير كمان طلمبة الميه لأنها متغيرتش من صيانة ال 60الف كم يعني عامله حاليا 120 الف كم و انا شايف انه كدا كفايا عليها و كتر الف خيرها

سؤالي هل لازم اغير طقم بلي الدينامو كمان ؟؟
انا بالفعل غيرته في صيانة ال 120 الف كم
بس مهندس قطع الغيار في التوكيل بيقول انه لازم يتغير كل 60 الف كم !!! هل دا فعلا كلام صحيح ؟؟

انا سألت علي أسعار قطع الغيار و كانت

طلمبة ميه 710
طقم كاتينه 840
طقم بلي دينامو 1770
طنابير فرامل امامية 1330
تيا فرامل امامي 660
طنابير فرامل خلفية بالبلي 2075
تيل فرامل خلفي 525

يعني تقريبا 8000 جنيه

انا عندي الطنابير الامامية خلاص استهلكت و اعتقد انها محتاجة تتغير
الطنابير الخلفية مش عارف ايه حالتها بس انا بسمع صوت صفارة لما ارفع رجلي من الفرامل و العربية واقفة لكن الفرامل عموما مش وحشة

انا بفكر اغير الكاتينه و طلمبة الميه بس من التوكيل
بس مش عارف هل لازم اغير بلي الدينامو كمان ؟؟ و مش عارف ليه هو غالي كدا


بالنسبة للطنابير هل فيه منها برا و ايه اخبار الجودة و الاسعار ؟؟

تعليقاتكم ايه يا رجالة