-
من وجهه نظري مع احترامي للجميع
الاسكورت افضل بكتير من الاكسيل مفيش مقارنه
الاسكورت اوسع من الاكسيل والشنطه اوسع وموتور اقوي واسرع
عيبها انها واطيه شويه بس ده بيدلها ثبات علي السرعات
اختيار موفق للموتور 1600 بس يكون الانجيكشن الزي تك لانه الماني كانت معاي وكنت بجيب بيها 170 عادي جدا وموفره في البنزين
بالنسبه لقطع الغيار قليله فعلا وده موضوع متعب في الاول
انا من دمياط والعربيه ملقيتش ليها هنا مسمار
بجيب قطع الغيار بالتليفون من بورسعيد او اسكندريه او القاهره
وعلشان قطع الغيار قليله بتديلك ميزه ان مفيش قطع مش اصليه
قطع الغيار معمره جدا جدا
بالنسبه للاوبل لو عايز تقارن قارنها بالفيكتراb مش a
الاسكورت اعلي من الفيكتراa واقل من الفيكتراb
ومن الاخر الاسكورت احسن عربيه بفلوسها بدليل انك هتلاقي معظم اعلانات البيع مالك اول
الاوبل القديم مهروس ومهلوك في السوق قطع غيارها متوفره بس فيه مغشوش كتير
الاكسيل لو هتدخل المقارنه هيبقي لسبب واحد وهو اعاده البيع واي ميكانيكي عامل فيها دكتوراه وقطع غيار رخيصه ولكنها غير معمره
الاسكورت اعلي في الاعتماديه والاداء بكتير
ده بصوره عامه وليك حريه الاختيار
-
بالنسبه لاستفسارك اساسا
الفبريكه بيبقي رقم الموتور نفس الشاسيه لو متغيير بس مثبوت في الرخصه مش مشكله المهم كفاءته
الموتور بييتغير لاسباب كتير
عدم خبره السائق والاهمال وده هيبان من حاله العربيه عاماته لو متبهدله ابعد عنها
لو متغير والعربيه اساسياتها سليمه يبقي عمره الافتراضي
بالنسبه للاختبار من اهم الحاجات اللي تبص عليها
لون الدخان ايا كان اللون فده معناه انها عايزه شغل لان دخانها يعتبر عديم اللون
دور العربيه وشوف لو صوتها بيعلي ويوطي لواحده يبقي عايزه فحص كمبيوتر
العفشه سهله اطلع بالعربيه وجربها
الصاج انزل بص علي العربيه من تحت والقوايم والحوض واللحامات
وبالتوفيق
-
ربنا يباركلي فيكوا جميعا وفي نصايحكم وارشادتكم بس انا الحمد لله ربنا قدر لي اجيب اوبل فيكترا 95 وبصراحه للني دوخت علي الاسكورت فاختارت الفيكترا لا تقريبا في نفس مستواها وشاكر ليكوا مره تانيه
Content Relevant URLs by
vBSEO 3.6.0 PL2