الموضوع: 7 من أفضل الكتب إللي الناس إللي عايزة تاخد mba أو تدخل عالم البيزينس أو التمويل والشر

7 من أفضل الكتب إللي الناس إللي عايزة تاخد MBA أو تدخل عالم البيزينس أو التمويل والشركات لازم تقراهم.


1. As a Man Thinketh
الكتاب دا بيعرفك إزاي تغير حياتك كلها عن طريق تغيير عقلك أولًا ومتعتمدش على فكرة إن حياتك نتاج لصدفة أو قدر أو ظورف مش هتقدر تغيرها، ومصنف من أفضل الكتب التشجيعية على الإطلاق.

2.. Rich Dad Poor Dad,
دا بيعلمك مبادئ المصرفيات والماليات، وبيشرح ليه إقتناء بيزينس خاص هو أفضل طريقة عمل ثروة وبيدمر فكرة إن الوظيفة الثابتة هي أفضل وأأمن طريقة للحياة.

3. Who Moved My Cheese?
من أفضل الكتب على الإطلاق إللي بتشرح دور الإبداع في تغيير بيئة الشركات والتمويل بسرعة كبيرة جدًا.

4. "The Elements of Style,"
الإيميلات والتكستات والسوشيال ميديا هي أساس وجوهر تواصل البيزينس دلوءتي ولذلك مهارات الكتاب من أهم الحاجات، الكتاب دا هيخليك مهاراتك الكتابية أحسن بكتير جدًا مما هي عليه وهيخليك أحسن من أي حد مقراهوش.

5. The One Minute Manager
الكتاب دا من أفضل الكتب على الإطلاق في معنى ووصف وتصرفات المدير الجيد، الكتاب بيحتوي على حكمة ومعلومات بيزينس أكتر من مكاتب كاملة من الكتب والدراسات المالية. أي حد بيخطط إنه يبقى مدير لازم يقراه.

6. How to Lie With Statistics
من أهم الخصائص لأي بيزينس حاليًا هي إستخدام المقاييس والإحصاءات، بس الأهم من الإحصاءات والقياسات نفسها هي إزاي تفسرهم، الكتاب دا بيعلمك شوية خدع تقدر تتلاعب بيها بالحقيقة، وتسيب الإنطباع إللي انت عايزه، ومن الكتب إللي لازم أي رجل أعمال يقراها.

7. The Greatest Salesman in the World
لو مبتعرفش تبيع فكرتك أو منتجك، عمرك ما هتنجح في عالم البيزينس، ممكن تقرا عشرات الكتب عن الموضوع دا وعن إزاي تبيع فكرتك، بس في الأخر هتكتشف إن الكتاب دا ملخصها كلها بطريقة سهلة وبسيطة ورائعة ولذلك من أنجح الكتب مبيعًا على الإطلاق، وهيخليك أنجح في الحياة كلها مش في البيزينس فقط.


اهم حاجه تكون اللغه بتاعتك كويسه علشان تستفاد وياريت الناس تقرا كتير افضل

لا طبعا هى كلها PDF وموجوده فى جوجل والمقال انا مترجمه من موقع Business Insider

من اكتر المواقع الى بتابعها يوميا الصبح