يا جماعه خلو بالكم من سرقه العربيات اليومين دول
انهارضه الصبح صحيت على صريخ واحده فى الشارع بقول امسكوه امسكوه وركبت عربيه مع واحد فى الشارع وطلعوا
انا لحد كده مش عارف ايه الى حصل بالضبط
وانا طالع من الصلاه عرفت ان الست ده واحد عمل عليها حيله وسرق منها العربيه وطلع جرى بيها
الحقيقه انا مش عارف ايه الحليه بالضبط بس النتيجه ان العربيه اتسرقت
الموضوع ده لفت انتباهى لحاجه ان العربيه ده اتسرقت فى شارع متفرع من مكرم عبيد (شارع حافظ رمضان )
وكان فيه موضوعين قبل كده بيكلموا عن نفس الموضوع مع اختلاف الحيله
الاول كان عند رابعه العدويه لما عربيه زنقت عربيه الست وجه واحد متطوع انه يطلعها وسرقها والتانى بتاع المتوسيكل الى خبط عربيه فى مكرم عبيد وجه واحد سرق العربيه برضو
المشترك فى الحوادث ده انها فى كلها مدينه نصر وكلهم خلال الاسبوع وعلى الارجح ان فيه تشكيل عصابى بينظم الموضوع ده وبحرفنه شديده
فيارت يا جماعه تخلوا بالكم اليومين دول ومتسبوش مفتاح العربيه لاى سبب من الاسباب وتنزلوا منها او تسبوا مفتاح العربيه لحد
