الموضوع: عدادات تابلوه اللادا 1500

السلام عليكم
لو سمحتم انا عندى لادا 1500 روسى موديل 1975 ، لسة شاريها وكنت عاوز حد يشرحلى الخمس عدادات اللى فى تابلوه العربية دى عشان كمان اختصارات الحروف على العدادات بالحروف الروسى وانا مش فاهم منها حاجة .
وألف شكر لحضراتكم

المشاركة الأصلية كتبت بواسطة أسامة777

الف شكر على رد حضرتك
انا كتبت على ترجمة جوجل الكلمة اللى فى العداد اللى فى تانى صورة على الشمال طلع معناها الزيت .
وياريت لو مكنتش بتقل على حضرتك والأصدقاء فى المنتدى تقولولى :
ـ 1 ـ ايه فايدة كل عداد من العدادات دى ـ استفيد منه فى ايه .
ـ 2 ـ وكمان العداد اللى اسمه rpm ده فيه من تحت 3 لمبات ياريت تشرحولى كل لمبة بتاعة ايه .
ـ 3 ـ وبالنسبة للسهمين بتوع الإشارات اللى فى عداد السرعة اللى فى أول صورة مش المفروض لما ادى اشارة يمين السهم اليمين بس هو اللى ينور ، ولما ادى اشارة شمال السهم الشمال بس هو اللى ينور ولا ايه ، لان انا لما بدوس دراع الاشارات سواء يمين او شمال السهمين بينوروا مع بعض فمش عارف ده صح ولا كده يبقى فيه حاجة غلط .
اَسف على الإطالة ، وانا قسمت اسئلتى فى نقط (1 ، 2 ، 3) عشان يبقى سهل على أصدقائى فى المنتدى ان هما يجاوبوا عليها ، وكمان عشان مفيش سؤال يسقط فى النص وميتجاوبش عليه .
وشكرا جزيلا ،،،

سلام عليكم يا استاذنا :
بص يا سيدي زي ما زميلنا الفاضل تكرم وشرح لك العدادات , أنا هقولك بس فايدة العداد الأخير اللي هو معرفهوش , تقريبا دة مستوي شحن البطارية علي حسب ما أنا فاكر يعني.
أجابات اسئلتك بقي : 1 طبعا فايدة العدادات دي أنك تقدر تستفيد منها أنك تراقب حالة عربيتك وتشوف هيا في أحسن مستوي ولا لأ , وأن كانت العربية قديمة شوية وأنت شم ضامن ان العدادات تكون شغالة بكفاءة أو لأ , بس دي فرصة أنك تعود نفسك عليها وأن شاء الله لما ربنا يكرمك بعربية أحدث تبقي مهتم ومنظم أكتر .
2, ال 3 لمبات لو هما زي اللي كانوا في 2107 ف هما لمبة البطارية ولمبة البنزين ولمبة النور العالي علي حسب مانا فاكر , وبرضة لو صور هيفيدنا أكتر
المفروض أنهم بيظهروا مع فتح الكونتاكت بس بيختفوا بعديها .
3, السهميت بتوع الأشارات بينوروا مع بعض في التابلوة عادي , بس بينوروا برة العربية بالأشارة اللي انت عاوزها , ومتسألنيش لية الغباوة دي أنا حتي الأن مش فاهم الحكمة من أمها :d :d
أتمني أكون ساعدتك شوية والف مبروك وربنا يباركلك فيها