بخصوص شراء سلعة من موقع برة مصر هل يبقي في جمارك ولا تكلفة شحن بس !

**omar khaled** · 03-06-2015 01:52 AM

سلام عليكم

كنت عايز اشتري موبايل lenovo k3 note الموب دة لسة منزلش مصر وعايز اجيبو من موقع برة مصر اسمو gearbest هل بيبقي في تكلفة جمارك غير تكلفة الشحن و تكلفة السلعة ولا ايه و لو في تكلفة جمارك بتبقي كم كدة الموبايل سعره ب 160 دولار وتكلفة الشحن للقاهرة بتكون كم كدة !
و هل في موقع تاني مجربينو اشتري منه الموبايل دة غير gearbest عشان عايز حاجة موثوقة و الناس عرفاها !! وشكرا

**مُصْطٓفٓى** · 03-06-2015 03:13 AM

توجد جمارك على الهواتف تقدر بحوالي 10% من قيمة الفاتورة
وتقريبا يوجد مصاريف جمركية أخرى على الهواتف للتأكد من أن الجهاز مجرد هاتف مش حاجة تانية
بالإضافة لمصاريف الشحن
وخطوات هذه العملية أنك ستقوم بشراء الهاتف من خلال الموقع ودفع قيمة الهاتف وقيمة الشحن
وعدما يصل إلى مصر ستتصل شركة الشحن لتقوم بإستلام المنتج وحينها ستدفع قيمة الجمارك وأي قيمة أخرى مطلوبة إن شاء الله

الأمر الآخر أنه يوجد بعض المواقع التي تقدم خدمة استيراد المنتج وإنهاء الإجراءات الجمركية بالكامل
مقابل مصاريف خدمة قد تصل بسعر هاتفك إلى 234 دولار بدلا من 160 دولار فقط مثل موقع إدفعلي

**Secret-Man** · 03-06-2015 03:53 AM

انك تشترى موبايل من اى موقع بره مصر سهل جدا ومش محتاج اى حاجه

كل الى هتعمله هتشترى الموبايل عادى من الموقع بالفيزا بتاعتك وبالتالى انت بتدفع سعر الشراء والشحن

لما يوصل مصر حسب شركه الشحن او البريد المفروض بيكون معاك Tracking Num بتابع بيه حاجتك طبعا

لما يوصل ومعاه الفاتوره بيتاخد ضريبه مبيعات 10% من قيمه الفاتوره لان قانون التليفونات معلهاش اى جمارك زى الابتوب كده
ولكن هتحتاج تصريح NTRA او وزاره الاتصالات الى فى مدينه نصر

يعنى الخلاصه احسب 10% على سعر فاتورتك هو ده كل مصاريفك وخلاص كده
ونصيحه متشحنش اى الكترونيات مع البريد لانهم مورفين جدا فى الاجراءات وبالاخص تصريح الاتصالات خليك مع شركه اكسيريس خاص افضل

**kazamodia** · 03-06-2015 04:27 AM

المشاركة الأصلية كتبت بواسطة secret-man

انك تشترى موبايل من اى موقع بره مصر سهل جدا ومش محتاج اى حاجه

كل الى هتعمله هتشترى الموبايل عادى من الموقع بالفيزا بتاعتك وبالتالى انت بتدفع سعر الشراء والشحن

لما يوصل مصر حسب شركه الشحن او البريد المفروض بيكون معاك tracking num بتابع بيه حاجتك طبعا

لما يوصل ومعاه الفاتوره بيتاخد ضريبه مبيعات 10% من قيمه الفاتوره لان قانون التليفونات معلهاش اى جمارك زى الابتوب كده
ولكن هتحتاج تصريح ntra او وزاره الاتصالات الى فى مدينه نصر

يعنى الخلاصه احسب 10% على سعر فاتورتك هو ده كل مصاريفك وخلاص كده
ونصيحه متشحنش اى الكترونيات مع البريد لانهم مورفين جدا فى الاجراءات وبالاخص تصريح الاتصالات خليك مع شركه اكسيريس خاص افضل

بلاش موبايل من بره عشان ممكن يتسرق من الشحنة

**omar khaled** · 03-06-2015 05:00 AM

طب هو لو حد مسافر و جبهولي من برة مثلا هيدفع جمارك بردو !!

**مُصْطٓفٓى** · 03-06-2015 05:05 AM

المشاركة الأصلية كتبت بواسطة omar khaled

طب هو لو حد مسافر و جبهولي من برة مثلا هيدفع جمارك بردو !!

معظم اللي بيشتري موبايل من الخارج بيجيبه من غير الكارتونة
عشان بيكون استخدام شخصي

**omar khaled** · 03-06-2015 05:19 AM

مش فاهم !! هو هيجبهولي انا قصدك لازم هيفتح العلبة عشان متتحسبش جمارك وهو راجع !!

**sherifahmed** · 03-06-2015 10:39 AM

ياباشا استخدم الcalculator اللى على edfa3ly.com من الاخر. دا اقرب حسبة

**Secret-Man** · 03-06-2015 01:33 PM

المشاركة الأصلية كتبت بواسطة kazamodia

بلاش موبايل من بره عشان ممكن يتسرق من الشحنة

مفيش الكلام ده انا بشحن موبيلات شخصيه كتير من بره لمصر ولا مره موبايل جالى حتى فى خدش ولا العلبه مفتوحه

لو عندك تجربه استثنائيه قولها نستفيد منها

**afndina** · 03-06-2015 01:48 PM

تجربتي سيئة اشتريت كذا حاجة من علي اكسبرس ,
مره اشتريت منتج تمنه علي الموقع 2 دولار
تخيل ادفع عليه 60 جنية جمرك !!!
وتمن توصيل بريد 20
كرهوني في اني اشتري حاجة من بره خالص