أنا صلحته بنفسىاقتباس:
طب أصلحه فين وازاي ؟
وهل ينفع موضوع تطويل السلك والمشبك الحديد وأوصل بالبطارية علطول ولا لازم أعدل في حاجة علشان الفولت ؟ وهل هيفرق أصلا مسألة التوصيل من الولاعة أو من البطارية لأن مفروض الولاعة واخدة من البطارية برده ؟ معلش مش بفهم في الأمور دي خالص فياريت حد يفهمني واحدة واحدة
عارف حضرتك موتور العربية و الموتوسيكل, بستم طالع و نازل يسحب و يكبس, هيا دى نفس الفكرة.
اللى حصل عندك و ده الأغلب هتلاقى الغطا العلوى أتفك, ليه 4 مسامير تفكهم و تطمئن على الجوان و تربط تانى.
لو محتاج جوان , إملى مكانه بسيليكون حرارى و متشغلوش لتانى يوم (علشان السيليكون يشد شوية)
للأسف معنديش صور للمرحوم قبل ميتسرق كنت رفعتها, بس دى أقرب صورة للى هتقابله لما تفتح.
http://store2.up-00.com/2015-06/1433415504321.gif
طبعاً من غير صبابات و لا غيرة, بستم بذراع واصل للموتور و طالع على ساكس بلف للخرطوم اللى موصل للمؤشر و منه للخرطوم الخارجى.
بسم الله و هات مفك و فك المسامير بتاعة الغطاء البلاستيك هتبان معاك الدنيا دى كلها.
---------------------
تطويل السلك عادى خالص, و بدون أى تعديلات نهائى
مترين سلك 1 مم و تركب المشابك فيهم (الأحمر موجب و الإسود سالب)
و توصلهم مكان صباع الولاعة (البنز موجب و الجانبين سالب), و تعزلة بشكرتون (لو هتعرف تلحمة بكاوية و قصدير تبقى عنب مش هتعرف عادى)
الفرق بين التوصيل من الولاعة و البطارية, إن السلك بيسخن شوية مع التشغيل, و ده ممكن يأثر على توصيل الولاعة و الضفيرة كلها. إنما من البطارية دايركت أفضل و هتلاحظ الفرق فى التشغيل لما تدور العربية علشان التحميل بيكون على الدينامومش البطارية بس.
و أنا تحت أمرك.