مواصفات زيت المحرك

**Off-roader** · 03-06-2015 11:16 AM

رجاء الإفادة عن أفضل انواع زيوت المحرك للجيب و مواصفاته؟ و هل يفرق در جة اللزوجة لو غيرت زيت فى الصيف عن الشتاء؟ و لو حد بيغير فى التوكيل يا ريت يقلنا التكلفة كام و النوع ايه؟
مع الشكر.

**borio1704** · 03-06-2015 08:06 PM

أفضل زيت هو اللي مواصفاته مكتوبة في الكتالوج.. أو أحسن منها

موضوع زيت صيفي وزيت شتوي ده مالوش أي معنى لإن الموتور لما بيشتغل بتبقى حرارة الموتور واحدة سواء في الصيف أو الشتا.. وبالتالي الزيت اللي يشتغل في الصيف هو نفسه اللي يشتغل في الشتا.

باختصار.. حضرتك هتفتح الكتالوج في قسم الصيانة صفحة الزيت.. وتشوف مواصفات الزيت إيه .. وبعدين تشتري أي زيت تكون مواصفاته ماشية مع الكتالوج.

دور على مواصفات الزيت الأول وبعدين ابقى دور على الماركة.. لإن فعليا .. مفيش فروق محسوسة بين ماركات الزيوت لما تقارن زيوتها اللي ليها نفس المواصفات.

مواصفات الزيت بتبقى حاجتين..

أول حاجة: اللزوجة
تاني حاجة: مستوى الخدمة (تقدر تسميه مستوى الجودة)

ما ينفعش أجيب اللزوجة صح وأسيب مستوى الخدمة.. ولا أجيب مستوى الخدمة صح وأسيب اللزوجة... لازم الاتنين مع بعض.

لو عايز تعرف إزاي تفهم أكود اللزوجة ومستوى الخدمة.. أنصحك تدخل على الموضوع ده.
http://www.nilemotors.net/Nile/341680-a.html

...

**م/أحمد عبد الفتاح** · 03-06-2015 09:39 PM

مواصفات كل الزيوت موجوده فعلاً فى كتالوج العربية - بس بصفة عامة معظم طرازات الجيب 5w30 - واحسن نوع هو شل هيلكس الترا - ولو عربيتك رانجلر بموتور بنتاستار ٣٦٠٠ سى سى ( من ٢٠١٢ إلى الأن) ماتستخدمش موبيل ١ لأن كرايزلر حذفته من قائمة الزيوت الموصى بها لمواتير البنتاستار

**احمد فهمى** · 04-06-2015 03:54 AM

المشاركة الأصلية كتبت بواسطة م/أحمد عبد الفتاح

مواصفات كل الزيوت موجوده فعلاً فى كتالوج العربية - بس بصفة عامة معظم طرازات الجيب 5w30 - واحسن نوع هو شل هيلكس الترا - ولو عربيتك رانجلر بموتور بنتاستار ٣٦٠٠ سى سى ( من ٢٠١٢ إلى الأن) ماتستخدمش موبيل ١ لأن كرايزلر حذفته من قائمة الزيوت الموصى بها لمواتير البنتاستار

بعد مكسر مواتير الناس بس البنتا ستار انا بعتبرو كارثه لو استمرو عليه

**Off-roader** · 07-06-2015 11:01 AM

طيب يا جماعة بالنسبة للبوجيهات الواحد يشتريها من التوكيل أحسن و لا من برا. و ايه أحسن نوع بوجيهات يمشى مع ال KK و طبعا حيكون نفس مقاس البوجيهات بتاعه العربية. و هل الأيريديوم مناسب لأن فيه موضوع قريته عن واحد اشترى الايريديوم و سحب العربية تأثر سلبا و اللينك تحت للاستفسار:-

http://www.masrmotors.com/vb/showthread.php?t=56272

"تغيير السحب بعد بوجيهات الإيريديوم

البوجيهات من فترة كان وصلها زيت لان الراجل اللى غير زيت زود نصف كيلو وطبعا دة كتير

المهم روحت شفط الزيت الزبادة ونضفت البوجيهات لحد ماجيب طقم جديد

لما لقيت ان البوجيهات الإيريديوم حسب الأراء افضل من العادية وبتوفر فى البنزين اشتريت طقم ايريديوم NGK

بس لاحظت حاجة ان السحب قل او بمعنى أصح التسارع بقى ضعيف جداا جداا

وبمون بنزين 92 على طول والموتور حالتة حلوة جدا

وشوفت الفلتر لقيتة نظيف

فمش عارف اية السبب "

**stonecoldmido5** · 08-06-2015 03:41 AM

حضرتك واثق انهم بيغيروا زيوت شل ؟ لا ن في توكيل الطارق بالاسكندرية بيغيروا توتال

**Off-roader** · 08-06-2015 10:02 AM

المشاركة الأصلية كتبت بواسطة stonecoldmido5

حضرتك واثق انهم بيغيروا زيوت شل ؟ لا ن في توكيل الطارق بالاسكندرية بيغيروا توتال

حضرتك انا كلمت التوكيل و قالولى كده و من الملاحظ ان علامة شل التجارية دلوقتى تبدلت بعلامة توتال فى كل محطات البنزين فى مصر.

**م/أحمد عبد الفتاح** · 09-06-2015 11:45 AM

البوجيهات بتاعة ال kk الاصلية هى ال NGK حتى لو جبتهم موبار من التوكيل او من اى مكان بيكون NGK واهم حاجه يكون الرقم اللى مكتوب ZFR6F-11G وعموما الجيب مش بتشتغل كويس مع البوجيهات الايريديوم مش عارف ليه واحسن اداء واستهلاك للبنزين بيبقى البوجية النحاس العادى - بس البوجيهات الاصلية بتاعتها اللى فى التوكيل او بره بتبقى بلاتينيوم تقريبا - بس شغالة كويس جدا - وعموما فيه ناس بتركب انواع تانية وبتحس ان العربية اتاثرت وده نتيجه لان البوجيه مش بيبقى بنفس مواصفات الاصلى بتلاقى فى الغالب طول الجزء الابيض بتاع الشمعه اللى فى البوجيه اطول شويه زى مثلا التشامبيون فيه محلات كتير بتبيعه بديل للبوجيهات الاصلية بس طول الشمعه بتاعته اطول شويه من الاصلى فبياثر شوية على السحب وعلى استهلاك البنزين - ولما تشتريهم من التوكيل او من اى حته اتاكد ان العلبة موبار وعليها الرقم وجواها ٦ بوجيهات كل بوجيه فى علبه لوحده وعليه غطا بلاستيك صغير من ناحية الشمعة

الموضوع: مواصفات زيت المحرك

LinkBack

أدوات الموضوع

عرض

-

-

-

-

المواضيع المتشابهه

العلاقة بين سعة المحرك وعدد الإسطوانات والسرعة والعزم وشكل المحرك

كامل مواصفات الفئة الاولي للa7>>,و كيف تعرف مواصفات سيارتك بنفسك.

المحرك اليابانى ضد المحرك الالمانى ... كلمه واحده

)حصريا( ::.أول صور و مواصفات لإمبريزا 2012 بمحركها الجديد 1600 ..مواصفات ::.worldWide

اجزاء المحرك وكيف يعمل واسماء قطع المحرك فيديو

الكلمات الدلالية لهذا الموضوع

المفضلات

المفضلات

ضوابط المشاركة