-
عن تسجيل المولود
أن شاء الله انا في انتظار مولود قريبا ...
عندي سؤال لبكم ياجماعة للأن ده المولود الأول ليا .أزاي أسجلة مع العلم.
أن المستفى هتكون غالبا في العباسية.
أن بطاقتي العبور&ماماته مصر الجديدة & أقامتنا العبور.
السؤال هنا:
-هل مش هينفع يتسجل غير في العباسية
-ايه الأوراق المطلوبة للتسجيل وأزاي نسجلة
- هو البيبي لازم يكون موجود عند التسجيل علشان ياخد التطعيم
-لو اتسجل مصر الجديدة مثلا هل ده هيأرفنا مستقبلا لو عوزت أدخلة مدرسة في العبور.
-
بتاخد المفروض اخطار من المستشفى فيه تاريخ ميلاد المولود والاسم
والمستشفى بتديه ليك مليان بالبيانات من نفسهم وخد صورة البطاقه احتياطى
وبتطلع على الصحه ممكن اللى تبع مكان المستشفى وممكن اللى تبع بطاقتك عادى جداً وتسجله فى اى مكان
والف مبروك
-
التسجيل بيكون في منطقة المستشفى
والا ممكن تاخد من الدكتور ورقة تفيد أن الولادة كانت في البيت
وتروح بيها اي سجل مدني وتسجل الطفل ان شاء الله
-
الطفل أثناء التسجيل بياخدوا منه عينة دم من كعب الرجل
وبتكون في الأيام الأولى من الولادة ان شاء الله
-
متاااااااابع انا فى انتظار المولود الشهر دا
-
الف مبروك مقدما
البيبي بيتسجل على حسب مكان ميلاده مش على حسب سكنك او محل اقامتك في البطاقة
المستشفي بتديلك اخطار مكتوب فيه بيانات الاب و الام زي البطاقة و هو الللي بتروح بيه السجل المدني
لو عايز يتكتب على عنوان البيت يبقى تطلب من دكتور الولادة جواب ان البيبي اتولد في البيت. و تروح بيه بدلا من اخطار المستشفي
و انت في السجل المدني مطلوب منك اصل و صورتين من بطاقة الاب و الام و قسيمة الزواج. مع اصل خطاب الدكتور او المستشفى و تركز قوي و هما بيكتبوا البيانات علشان اخطاء الاسماء. و تشوف عايز البيبي يبقى اسمه في شهادة الميلاد رباعي وللا خماسي. علشان اللي بيتكتب في شهادة الميلاد الورق مش حيتصلح الا بمعجزة.
و انت هناك حددلهم مكتب الصحة اللي عايز تتابع فيه التطعيمات و حتستلم دفتر المولود مثبوت فيه مكتب الصحة و مش ضروري يكون تبع نفس لبسجل المدني اللي متسجل عليه المولود
ابق طمنا عملت ايه
-
بعد إذن صاحب الموضوع لو فية طفل مولود برة مصر وحاصل على جنسية دولة اجنبية ازاى اثبات الجنسية المصرية للطفل لما يجى مصر الاب والام حاصلين على الجنسية المصرية
Content Relevant URLs by
vBSEO 3.6.0 PL2