السلام عليكم
كل عام وانتم طيبين وبلغنا الله واياكم شهر رمضان المبارك
كنت عايز اعرف اشتراك العضوية في النوادي القريبة من المعادي في حدود كام؟ وهل في تقسيط ولا بنك ولا ايه النظام؟
انا عايز نادي اجتماعي اكتر منه رياضي...
وشكراً مقدماً للمساعدة
عرض للطباعة
السلام عليكم
كل عام وانتم طيبين وبلغنا الله واياكم شهر رمضان المبارك
كنت عايز اعرف اشتراك العضوية في النوادي القريبة من المعادي في حدود كام؟ وهل في تقسيط ولا بنك ولا ايه النظام؟
انا عايز نادي اجتماعي اكتر منه رياضي...
وشكراً مقدماً للمساعدة
وادى دجله
ب 10 الاف والباقى تقسيط على ما تذكر
تقسيط وادى دجلة عبارة عن قرض من البنك
ممكن تسأل في black ball
نادي القطاميه( بتروسبورت ) حاليا بستين الف تقسيط علي سنتين من النادي او 54 الف كاش
النادي من اول سبعه حيكون ب 75 الف
بلاش بلاك بول
شكلهم كدة نصابين
نادى الزهور بالتجمع الخامس تقسيط مباشر ب 60 الف 20 مقدم و 20 بعد سنة و 20 بعد سنتين
بلاك بول نادى صغير جدا و كله ملاعب اسكواش بس و حمام سباحة صغير جدا
فى كمان بلاتينيوم بس دة قدام شوية بعد الجامعة الامريكية بنفس سعر الزهور بس معرفش نظام التقسيط و اللى اسمعه انه هيبقى جامد لكن كل المرافق فيه غالية جدا
شكراً لردودكم يا شباب وربنا يبارك فيكم
في نوادي تانية؟؟
ابعد عن وادى دجلة
أسمع عن نادي الزهور انه واسع جدااا ونضيف بس الأسعار غير كده المقدم 40 ألف و40 على سنتين
http://www.elzohourclub.com/index.ph...-54&Itemid=106
هو فعلا لسة مفيهوش مساجد لحد دلوقتي ؟ وهل فعلا السبب ان أصحابه مسيحيين ؟!
كلام سمعته وعايز أتأكد
انا عضو في وادي دجله .... و فرع المعادي في مسجد كبير كمان ..
بصراحه النادي محترم - و عل الرغم من العيوب - بس انا شايف انها من اقل العيوب الموجوده
كمان حاجه مهمه جدااااااااااااااااااااااا اااااااااا:
في نوادي كتير في مصر بتكزن بؤره لادمان الشباب و الفتيات و النادي عباره عن غرزه و دعاره كبيره ... واكيد اغلبكم عارف الكلام ده
بصراحه وادي دجله منظم جدا و ما فيهوش الكالام ده .............. و كل طرقه فيها مشرف و مافيهوش اماكن مداريه..........الخ
بالنسبه للتقسيط عن طريق البنك - في منهم 5 بنوك اعتقد واحد منهم المصرف المتحد - المفروض انه اسلامي و بيكتب عقد اسلامي لان عنده لجنه شرعيه ...
انا فاهم و عارف ان اجراءات البنوك كلها واحده بسبب البنك المركزي .....
ربنا يوفقك
بص يا سيدى عندك الاتى:
- نادى القطامية جاردينز ودة نادى اجتماعى اكتر من رياضى واخر سعر لية كان ب 40 الف ودة مكانة جنب نادى الصيد القطامية
- نادى المعادى فرع القطامية وبرضوا نادى صغير وبحوالى برضوا حوالى 40 الف
- نادى صيد القطامية : بس بقى مزدحم ودة ب 75 كاش و90 على 3 سنوات
- نادى ايزى سبورت العبد : على مطلع المقطم من الدائري بس انا ماشفتهوش الصراحة بس شكلة صغير اوى وامكانياتة ضعيفة ودة بيعلنوا عنة ان التقسيط على 5 سنوات
النادي اكثر من رائع مقارنة بباقي النوادي كمنشئات و خدمات و العاب و اشراف و نظام و تطوير - زحمه شوية بس لما رحت الاهلي مدينة نصر علي سبيل المثال حسيت اني في سويقه مقارنه بوادي دجله- الاشتراك المفترض بيدخلك كل الفروع بس سمعت انهم هيغيروا النظام و هيبفي في اشتراك ب 75000 يدخلك فرعين بس و لو عاوز تخش كل الفروع هيبقي ب 125 الف - انا بروح فرع التجمع و كبروه دلوقتي جدااااااااااااا و بقي فيه قعدات اجتماعيه كتير و انشطة رياضيه و طوروا الجيم - بصراحه عاملين شغل فيه حلو اوي
الفروع الموجودة لحد دلوقتي المعادي - 6 اكتوبر - التجمع الاول - شيراتون و دلوقتي بيتعمل الفرع الجديد في التجمع الخامس في اللوتس جنب بلاتنيوم و بيقولوا في فرع هيتعمل كمان في المنصورة
كان في شوية كلام عن ان وضع الفروع - ما عدا المعادي - غير قانوني بس كل شوية الادارة بتاكد ان كل الاراضي مملوكه للنادي ما عدا فرع شيراتون حق انتفاع علشان جنب المطار و ممنوع تملك الاراضي هناك - فخد بالك من النقطه و اتاكد منها
بالنسبة للتقسيط اعتقد في نظام مباشر بس بيبقي علي سنه فنصيحه اسال حد من بتوع المبيعات هتلاقيهم في اي مول و برضه انزل خد لفه في باقي النوادي علشان تبقي علي نور
بالنسبة للمساجد الحمد لله في في شيراتون مسجد حلو جداا و في في فرع التجمع زاويتين للرجال و زاويتين للنساء و مقدمين طلب لعمل مسجد - و برضه في عضوات كتير في النادي منتقبات مش متاكد دة نفس الحال في باقي النوادي و لا لأ
مشكورين يا شباب على الردود
وفي انتظار رد الاخ wawamoha على استفسار أبو آسر - ربنا يبارك فيكم جميعاً
طيب يا شباب في اى نوادي أخري خارج نطاق المعادي؟؟ مدينة نصر / التجمع / وسط البلد
وجزاكم الله خيراً
وادى دجلة :
فرع المعادى مشهر فى وزارة الشباب والرياضة
الباقى لا
ده هيفرق مع العضو فى ايه :
1 -
فى دجلة : لو حصلت مشكلة بين العضو والادارة او موظف الادارة بتوقف العضوية حسب ما تحدد بعد تحقيق مع العضو من الشئون القانونية فى النادى ومن حقها كمان تلغى العضوية .
فى النادى المشهر : وزارة الشباب والرياضة من خلال المديرية التابع ليها النادى هى اللى تفضل فى الموضوع . قبالتالى فيه حيادية اكتر .
فيه اعضاء عملوا جروب على الفيس علشان يحسنوا احوال النادى وخدوا ايقاف والايقاف يعنى ممنوع دخول النادى هو والاعضاء التابعين من الزوجة والاولاد حتى التدريب الرياضى ليهم
تانى نقطة فى الاشهار بعد وفاة العضو الاعضاء التابعين بيورثوا العضوية وتتنقل لهم
دجلة مفيش الكلام ، العضوية تتنتهى بوفاة العضو
الاشهار للاولاد لو بلغوا سن الرشد بيكون 10 % من سعر العضوية الحالية
النوادى التانية اقصاه 5 الاف جنيه
يعنى اكتر من الضعف لكل ابن او ابنه
تالت نقطة فى الاشهار
النادى المشهر ما يقدرش يبيع ارضه او مبانيه الا بموافقة الشباب والرياضة
دجلة ممكن بكرة يتباع عادى والادارة الجديدة تغير لوائح وقوانين واسعار براحتها
رابع نقطة
المشهر فيه جمعية عامة ومجلس منتخب
والجمعية تتكلم فى تشغيل الكافيتريات ، الاسعار للاشتراكات والفصل وغيره
الكلام ده مش فى دجلة خالص
المجلس بيتعين من خلال مالك النادى اللى هو شركة دجلة للاستثمار وانت متعرفش اى حاجة عن الكلام ده
2 - المطاعم والاكل :
دجلة ممنوع تجيب اكل من بره ، ومفيش اى مطعم زى ماك ولا كنتاكى يفتح جوه ، اسعار الغدا جوة زى المطاعم ال 4 نجوم على الاقل يعنى ساندويتش اللحوم بحوال 15- 20 والبيتزا كذلك . الكانز بحوالى 4 او 5 .
لو حضرتك حبيت تتغدى مع الاسرة شوف هتدفع كام ؟؟؟؟
3- اسعار تدريبات الاطفال :
المقارنة مع النوادى التانية هتعرف ان اسعار دجلة اضعاف النوادى الاخرى
4 -الزحام :
جرب حضرتك تروح دجلة اى عطلة نهاية اسبوع بعد العصر
وتحدى لو لقيت كرسى
او عرفت تدخل ساونا او جيم
الجيم
دجلة بيجيب اجهزة كويسة اه
بس الصيانة مفيش
فيه اجهزة ممكن تعطل بالشهور وتسبب زحام
فرع اكتوبر 1 فيه مشايات عطلانة من الشتا
فرع اكتوبر حوالى سنة والاجهزة الاساسية ناقصة
كمان فرع اكتوبر 1 له قرار ازالة من جهاز المدينة لمخالفة شروط البناء
معلش يا استاذ ابو اسر ...انا مش متاكد من الاسعار دلوقتي و فعلا زي ما الاخ الفاضل قال انهم عاوزين يخللوا عضويه نادين - فرعين - بس ب 75 و لكل الفروع ب 125 - سمعت برضه الكلام ده بس مش متاكدين منه ..
مش عارف هما بيعملم تقسيط مباشر و للا ... بس عل ما افتكر كانم عاملين نظام خاص مع القضاه مره و مع نقابه المهندسين ....الخ فحضرتك محتاج تسال ..
معلوماتي اللي اتعاقدت عليها ان العضويه بتورث بس الاولاد بيدفعم فلوس - بصراحه مش متاكد كام بالظبط
الفروع كتير - يعني انا كنت ساكن في اكتوبر كنت بروح فرع اكتوبر 1 - و بعدين نقلت المعادي و الاولاد برضه مكملين رياضه ...
لازم ماننساش انه مش نادي واااااااااااااااااااووو عل اساس ان حياتنا كلها في مصر مش واااااااااااااااااااو خالص ..و لازم نفهم انهم نسبيا يعتبرم من افضل الانديه .. للاسبا ب اللي قلتها :
1-الرياضه فيه مقبوله جدا ان ماكنتش ممتازه في بعض الرياضات
2- مافيهوش غرز ...................................
3- مش ممكن طفل يطلع من النادي من غير حد كبير معاه - و مره وديت ابني 14 سنه يجيب حاجه من العربيه مارضيوش يطلعوه ... امان يعني و الحمد لله
4- المستوى بتاع اعضاء النادي - يعتبر متوسط اجتماعيا - و انا بصراحه برتاح اكتر مع الفئه دي و مابحبش التناكه اساسا - خصوصا الكدابه . انا عشت فتره برره و شعوب العالم كلهم ماعندهمش اعتبار للسلطه زي عندنا ..... ممكن تعرف جارك 20 سنه و بعدين تفاجا انه اكبر منصب امني لما يموت مثلا .....
على فكره المدام عندي منتقبه و ما فيش اي مشكله اطلاقاااااااااااااااا في اي فرع - بل عل العكس كانت في واحده في فرع اكتوبر بتحقق منها و هيا داخله - في المعادي بصراحه لأ ..ودي حاجه مابتضايقنيش شخصيا لانه امان لينا كلنا - و طالما واحده هيا اللي بتتاكد...
عموما دي قناعاتي الشخصيه .........زز و لازم كلنا نفهم ان اي حاجه ليها ميزه و عيب .... فلازم نشوف العيوب الاول و نقرر اذا كنا قادرين نطنشها و نتعامل معاها .... اذا اه --- نشوف المميزات و نقرر هاتفيدنا و للا للأ ...وهكذا
فيه فعلا جروب وادي دجله عل الفيس ممكن تسالهم و تستفيد من خبراتهم ....
ربنا يوفقنا جميعا ......
ألف شكر أخي wawamoha على الإفادة
طيب معلومة كده عالماشي أكدهالي أحد إخوانا الأفاضل عضو في نادي القطامية بتروسبورت بالتجمع الخامس
الاشتراك فعلا دلوقتي 60 ألف مقدم 6000 والباقي 54 ألف على سنتين أقساط ربع أو نصف سنوية بس من أول 1 / 7 هيبقى ب77 ألف
أنا حاليا بفاضل بينه وبين الزهور لأن الزهور أكبر وأفضل حسب ما سمعت بس مشكلته ان المقدم 40 ألف لو 20 كان الموضوع هيبقى أسهل لكن 40 مقدم أوفر أوي بصراحة فلو كده هشوف القطامية و6000 مقدم ممتاز كده وربنا المستعان
ياريت برده لو حد يقدر يفيدنا عن نوادي تانية في نطاق التجمع الخامس تكون أسعارها مقبولة ونوادي كويسة بعد إذن أخونا mkaram84 صاحب الموضوع بدل ما الواحد يعمل موضوع جديد ويبقى في تشتيت
نادي وادي دجلة بكل فروعه مساحاته
فرع المعادي ٣١ فدان
فرع النخيل ٢٦ فدان بعد التوسعات الاخيرة
فرع الشيراتون ١٦ فدان
فرع اكتوبر ١ الروضة ١٠ فدان
فرع اكتوبر ٢ الجهاز ١٧ فدان
باجمالي مساحة تقريبية للفروع الخمسة ١٠٠ فدان
باجمالي عضويات تقريبا ١٣٠ الف عضوية ف خلال ١٠ سنوات لجيل واحد فقط
ويعنى بعد اولاد الاعضاء ما يكبروا ويتفصلوا شوف هيكون العدد كام ؟؟؟......
النادي الاهلي المصري
فرع الجزيرة ١٨،٥ فدان
فرع م نصر ٥٢ فدان
فرع الشيخ زايد ٢٨ فدان
اجمالي المساحة ٩٨،٥ فدان للفروع الثلاثة
باجمالي عضويات تقريبا ١٢٠ الف عضوية ف خلال ١٠٨ سنة يعني تقريبا ٦ اجيال متعاقبة
.........
نادي الصيد المصري
فرع الدقي ... ٥٥ فدان
فرع القطامية ١٦ فدان ومحدد عدد الاعضاء بها بعدم تجاوزها ١٠ الاف عضوية فقط
فرع اكتوبر ٦٣ فدان
اجمالي المساحة التقريبية ١٤٤ فدان للفروع الثلاثة
باجماي عدد عضويات ٧٦ الف عضوية منذ تاسيسه سنة ١٩٣٩ يعني حوالي ٤ اجيال
.........
نادي الشمس
فرع مصر الجديدة فقط ٤٥٥ فدان
عدد الاعضاء ١١٨ الف ف خلال تاريخه كله
وادى دجله كل الناس بتشتكى من زجمته
بتروسبورت نادى ميت شوية..بعانى عشان اعرف الاقى محل اكل جوه بسبب ان معظ المحلات بتقفل لضعف الاقبال
بلاتينوم اسمع انه هيباه على اعلى مستوى وفيه اسطبلات خيل وحركات
والزهور برضه اسمع انه كويس
شكراً جداً لكل الاخوة اللى ردوا على الموضوع
انا صرفت نظر خلاص عن وادي دجلة لانه كده هيبقى كتير عليا اوى 125 الف
وشكراً تاني للاخ A.Saad و الاخ wawamoha على ردودهم الوافرة
اتفضل طبعاً أخي الكريم أبو آسر وشرفت الموضوع
كنت عايز اعرف بس من حضرتك معلومات اكتر عن نادي القطامية بترو سبورت.. وهل التقسيط مباشر معاهم ولا من خلال بنك؟
واستفسار تاني من فضلكم: لو عايز بس ادخل الولد عندي (4 سنوات) في اى نشاط رياضي داخل أى نادي.. ينفع الاقي حاجة زي كده في المعادي؟ لحد ما اقدر اشترك للاسرة في نادي كويس
والله المستعان
وجزاكم الله خيراً
ربنا يكرمك أخي محمد
أنا حدود معلوماتي عن نادي بتروسبورت هي الأسعار اللي ذكرتها واللي قالي عليها أخونا الشيخ خالد باعتباره من أعضاء النادي والتقسيط اللي على سنتين مباشر معاهم لكن في تقسيط 5 سنين مع بنوك وبفوايد (ربا) وده لا يجوز علشان كده مذكرتوش
أنا روحت النادي مرة واحدة مع الشيخ خالد وهو يعتبر واسع وكويس بس فعلا مفيهوش مطاعم كتير وموضوع الأكل هيبقى صعب غالبا بس ده حله إن الواحد يجيب أكله معاه وهو جاي وخلاص اهم حاجة الوسع والملاعب والتراكات وصالة الجيم وفيه مكان اجتماعي راقي جدا وفيه كافي شوب كويس وحمام السباحة شفته في فيديو على يوتيوب يبدو انه كويس وكمان ملاحظتش انه زحمة يمكن علشان روحت في يوم مش أجازة بس غالبا مش هيبقى زحمة برده لأنه مقام على مساحة 50 فدان ودي مساحة كبيرة طبعا
https://www.youtube.com/watch?v=pf0uCKV2w2w
النادى الاهلى
بحس انى مع مؤسسه محترمه رغم كل المشاكل
انا عضو في بترو سبورت النادي كويس وفعلا حيغلي ل75 الف
بالنسبه لاكل في مطاعم جوه بس انا جربتها في البيتزا بس وكانت كويسه لكن اكل اكل مجربتش. و بعدين ممكن تطلب ديلفري من اي مطعم و يوصله للبوابه عادي انا شفت ناس بتعمل كدا
النادي اسمه الرسمي نادي القطاميه الرياضي و له جروبات علي الفيس ممكن تشوفها
علي صفحه نادي بتروسبورت بيقولوا الاشتراك الشهر ده ب 55 الف
المقدم 4 الاف والباقي بتقسيط علي 3 سنين