للمرة الثانية انا و البنك الاهلى و الدولار

**Abo_Mazen** · 03-06-2015 10:27 PM

المشاركة الأصلية كتبت بواسطة afndina

وحضرتك البلد الاعلي حتديها ايه علشان تديك تأشيرة ؟؟؟
حتدي ايه لبلد زي امريكا لو عشت فيها ؟؟؟
البلاد دي مش بتدي التأشير الا لفعلا ممكن يفيد البلد وتتستفاد منه
فطالما حضرتك مش حتقدر تسافر لانك مش قادر تدي امريكا والدول الاوروبية اي فايدة , يبقي شفلك بلد تعيش فيها متكنش طالبه منك مصلحة , علشان كدا انا قلت للي مش عجبه يروح الصومال ولا اوغنده وبالمناسبة معتقدش انهم حيسمحولك تشتم في بلدهم زي ما انت قاعد بتشتم في مصر هنا .

طيب هي بلدي إدتني إيه أصلا ..إديتني شهاده ؟؟؟...ملهاش أي قيمة في أي جامعة ..شوف ترتيب الجامعات المصرية كام ..إديتني فلوس؟؟ ..من شغلي ..وياريت واخد حقي ..إديتني أمن؟؟ ..طيب راحة بال ؟؟..طيب صحه؟؟ زي أي حد في أي بلد كويسة ..أنا أقولك بقى بلدي إديتني إيه ..وعلى فكره ..اللي بلدي إديتهولي لو حضرتك خدته ..أكيد كان هيبقى ليك موقف آخر ..بلدي إديتني مرض ..أيوه مرض ..أنا مريض بمرض شائع قوي بين المصريين ..وعلى فكره مصر مصنفه بإنها أكبر بلد في نسبة إصابة بالمرض ده ..وده كان بسبب إهمال مستشفى تخضع لإشراف حكومي كامل ..يعني العبد لله لو دكتور جامعه ..يعني ممكن أنفع كتيييييييير وليا أبحاث في كل حته مش هقدر أسافر ..لإني وبمنتهى البساطة من وجهة نظر الدول المحترمة ..مريض ..أو تقدر تقول مش هقدر أسيب البلد وقاعد فيها ..مش بمزاجي ..ده ..غصب عني..تقدر تقولي بلدي عملتلي إيه ؟؟طيب أنا صرفت قد كده على المرض ده وعلى حسابي عشان أقدر أجيب علاج نضيف ما يقضيش عليا بدل ما يعالجني ...تقدر تقولي بلدي عملت لي إيه ؟؟؟ ..ها ...إيه رأيك ؟؟؟...تقدر تقولي بقى أسافر إزاي وأسيبها ؟؟....طيب تقدر تقولي أقدر أرجع أو أرد اللي البلد إدتهولي إزاي ؟؟؟أنا واحد من كذا واحد ..يمكن نصيبي إني أدخل هنا وأتكلم معاك ..بس برضه أنا مش عاوزها تخرب ..مش عشان بحبها ..لأ ..عشان أنا عايش فيها بس ...وما أتمناش ليك إنك تاخد اللي بلدي إديتهولي ..لإنه وحش قوي ..

**monamize4** · 03-06-2015 11:55 PM

المشاركة الأصلية كتبت بواسطة abou-yahia

اغلب نقاشات الشعب المصري تهدف الي ااثيم الاخر وتجهيله

مش بهدف الوصول للمصلحة

ولو المصلحه حتكون فيها جزء من التضحيات الشخصية

علي طول يعلي الصوت و تبدأ المعارك

من اول الكوره الي الدين الي السياسه

يا راجل ده مفيش سكان عماره فيكي يا مصر الا ومختلفين علي 10 جنيه

هو انا من بلد تانيه

فكرتنى بجلال عامر لما قال
(( نحن ديمقراطيون جداً… مناقشاتنا بتبادل الآراء فى السياسة والاقتصاد وتنتهى بتبادل الآراء فى الأم والأب))

**أبو آسر** · 04-06-2015 07:13 AM

بتعجب أوي من الناس اللي عايزانا نرضى بالأمر الواقع الحالي على ما فيه من بلاوي ومصايب لا ينكرها إلا مكابر أو واحد لابس نضارة سودا على رأي أخونا أبو يحيى وهما هما نفس الناس دي من سنتين بس مكنوش راضيين بالأمر الواقع اللي كان أحسن من دلوقتي بمراحل على الرغم من أن الظروف كانت وقتها أصعب من دلوقتي كمان وكانوا بيهاجموا أي حد كان بيقولهم نفس الكلام اللي بيقولوه لينا دلوقتي بتاع الصبر وبكرة تبقى أحلى ونديله فرصة والبلد واقعة وشعارات الوطنية والمهلبية والملوخية إلى آخره !
كفاية شيزوفرينيا بقى الواحد تعب بجد ومش هتكلم أكتر من كده علشان متوقفش بس ارحمونا شوية بالله عليكـوا كفاية اللي الواحد فيه بدل ما تخلوا الواحد يدعي ان ربنا يدوق كل واحد مش دايق باللي الناس بتدوقه وتتجرعه كل يوم من ظلم وبطش وقهر وفجور محصلش قبل كده ولا في أسوأ أيام المخلوع

**abou-yahia** · 04-06-2015 09:47 AM

المشاركة الأصلية كتبت بواسطة أبو آسر

بتعجب أوي من الناس اللي عايزانا نرضى بالأمر الواقع الحالي على ما فيه من بلاوي ومصايب لا ينكرها إلا مكابر أو واحد لابس نضارة سودا على رأي أخونا أبو يحيى وهما هما نفس الناس دي من سنتين بس مكنوش راضيين بالأمر الواقع اللي كان أحسن من دلوقتي بمراحل على الرغم من أن الظروف كانت وقتها أصعب من دلوقتي كمان وكانوا بيهاجموا أي حد كان بيقولهم نفس الكلام اللي بيقولوه لينا دلوقتي بتاع الصبر وبكرة تبقى أحلى ونديله فرصة والبلد واقعة وشعارات الوطنية والمهلبية والملوخية إلى آخره !
كفاية شيزوفرينيا بقى الواحد تعب بجد ومش هتكلم أكتر من كده علشان متوقفش بس ارحمونا شوية بالله عليكـوا كفاية اللي الواحد فيه بدل ما تخلوا الواحد يدعي ان ربنا يدوق كل واحد مش دايق باللي الناس بتدوقه وتتجرعه كل يوم من ظلم وبطش وقهر وفجور محصلش قبل كده ولا في أسوأ أيام المخلوع

هوه فعلا

الحال من سنتين كان احسن من دلوقتي

ومن 5 سنين كان احسن واحسن

**abou-yahia** · 04-06-2015 09:50 AM

المشاركة الأصلية كتبت بواسطة أبو آسر

بتعجب أوي من الناس اللي عايزانا نرضى بالأمر الواقع الحالي على ما فيه من بلاوي ومصايب لا ينكرها إلا مكابر أو واحد لابس نضارة سودا على رأي أخونا أبو يحيى وهما هما نفس الناس دي من سنتين بس مكنوش راضيين بالأمر الواقع اللي كان أحسن من دلوقتي بمراحل على الرغم من أن الظروف كانت وقتها أصعب من دلوقتي كمان وكانوا بيهاجموا أي حد كان بيقولهم نفس الكلام اللي بيقولوه لينا دلوقتي بتاع الصبر وبكرة تبقى أحلى ونديله فرصة والبلد واقعة وشعارات الوطنية والمهلبية والملوخية إلى آخره !
كفاية شيزوفرينيا بقى الواحد تعب بجد ومش هتكلم أكتر من كده علشان متوقفش بس ارحمونا شوية بالله عليكـوا كفاية اللي الواحد فيه بدل ما تخلوا الواحد يدعي ان ربنا يدوق كل واحد مش دايق باللي الناس بتدوقه وتتجرعه كل يوم من ظلم وبطش وقهر وفجور محصلش قبل كده ولا في أسوأ أيام المخلوع

بس يا حج أسر

مترضاش بلامر الواقع انت حر ماشي موافقك

هاه مطلوب اعمل ايه

وياريت ميكنش كلام عام

قولي خطه واحد واتنين ثم 3 , 4

وكل خطوه قولي النتائج المرجوه منها

يمكن اشاركك

عشان بصراحه انا مش فاهم عدم الرضا بلامر الواقع ده يكون عنايله اذاي

**أبو آسر** · 04-06-2015 10:11 AM

المشاركة الأصلية كتبت بواسطة abou-yahia

بس يا حج أسر

مترضاش بلامر الواقع انت حر ماشي موافقك

هاه مطلوب اعمل ايه

وياريت ميكنش كلام عام

قولي خطه واحد واتنين ثم 3 , 4

وكل خطوه قولي النتائج المرجوه منها

يمكن اشاركك

عشان بصراحه انا مش فاهم عدم الرضا بلامر الواقع ده يكون عنايله اذاي

أنا شخصيا معنديش أي خطة ولا أمل إن حاجة تتصلح لأن الناس نفسها أثبتت إنها بتحب الأمر الواقع وبتحب تتعايش وتتأقلم على الأوضاع السيئة ومعندهمش أي رغبة في التغيير للأحسن فالحل من وجهة نظري لأي واحد زيي مش عايز يرضى بالأمر الواقع إنه يخلع من البلد
هتقولي طب ما تخلع ياعم قاعد فيها ليها ما تسيبها وتمشي وتحل عن سمانا يا أخي

هقولك بحاول والله مش ساكت بس الموضوع مش بالسهولة والبساطة دي أنا مش هدور عربيتي وأدوس بنزين وأمشي ألاقي نفسي في بلد تانية ! لكن الواحد أهو بيعمل اللي عليه وبيعافر والتساهيل على ربنا وربنا يوفق الناس بتاعة الأمر الواقع ويعينهم على المزيد من التأقلم والتحمل والصبر والرضا بالأمر الواقع

**abou-yahia** · 04-06-2015 11:34 AM

المشاركة الأصلية كتبت بواسطة أبو آسر

أنا شخصيا معنديش أي خطة ولا أمل إن حاجة تتصلح لأن الناس نفسها أثبتت إنها بتحب الأمر الواقع وبتحب تتعايش وتتأقلم على الأوضاع السيئة ومعندهمش أي رغبة في التغيير للأحسن فالحل من وجهة نظري لأي واحد زيي مش عايز يرضى بالأمر الواقع إنه يخلع من البلد
هتقولي طب ما تخلع ياعم قاعد فيها ليها ما تسيبها وتمشي وتحل عن سمانا يا أخي

هقولك بحاول والله مش ساكت بس الموضوع مش بالسهولة والبساطة دي أنا مش هدور عربيتي وأدوس بنزين وأمشي ألاقي نفسي في بلد تانية ! لكن الواحد أهو بيعمل اللي عليه وبيعافر والتساهيل على ربنا وربنا يوفق الناس بتاعة الأمر الواقع ويعينهم على المزيد من التأقلم والتحمل والصبر والرضا بالأمر الواقع

ربنا يوفقك للخير

بس ليه طلب عند حضرتك

ياريت متنشرش طاقتك السلبيه عند الناس
طالما معندكش خطه ولا حلول

وعلي فكره والله مكنتش حقول سيبها وامشي

ديه بلدنا كلننا للي مقتنع بيها

ذي ما فيه مثل بيقول حب ما تعمل لكي تعمل ما تحب

هي وطنك كده برضه

مش عاجبك ماشي يبقه لا تنتظر منه اللي يعجبك

افتكر ان حضرتك من زمان هارب من الخدمه العسكريه لبلدك

فاللي فيك ده من زمان مش وليد الاحداث الماضيه حسب ادعاءك

عموما ربنا يجيب الخير

وان شاء الله ربنا يخلف ظنك واللي جي يكون احسن

قول امين

**afndina** · 04-06-2015 01:04 PM

المشاركة الأصلية كتبت بواسطة abou-yahia

ربنا يوفقك للخير

بس ليه طلب عند حضرتك

ياريت متنشرش طاقتك السلبيه عند الناس
طالما معندكش خطه ولا حلول

وعلي فكره والله مكنتش حقول سيبها وامشي

ديه بلدنا كلننا للي مقتنع بيها

ذي ما فيه مثل بيقول حب ما تعمل لكي تعمل ما تحب

هي وطنك كده برضه

مش عاجبك ماشي يبقه لا تنتظر منه اللي يعجبك

افتكر ان حضرتك من زمان هارب من الخدمه العسكريه لبلدك

فاللي فيك ده من زمان مش وليد الاحداث الماضيه حسب ادعاءك

عموما ربنا يجيب الخير

وان شاء الله ربنا يخلف ظنك واللي جي يكون احسن

قول امين

هو الاستاذ هربان من الخدمة العسكرية !!!
وبعدين يرجعوا يقولوا ايه ادتنا مصر
مش غريبة فعلا , مهو البلد مليانه ناس كتير من اللي بيشتموها ليل نهار وفي الاخر يطلعوا اكتر ناس عايشين حياتهم ومتمتعين وبيخالفوا القانون وبيهربوا من الضرائب ويهربوا من الخدمة العسكرية ولما تقعد معاهم يقعد يشتكيلك من حال البلد والفساد وهو من صناع هذه الفساد .

**abou-yahia** · 04-06-2015 01:35 PM

المشاركة الأصلية كتبت بواسطة afndina

هو الاستاذ هربان من الخدمة العسكرية !!!
وبعدين يرجعوا يقولوا ايه ادتنا مصر
مش غريبة فعلا , مهو البلد مليانه ناس كتير من اللي بيشتموها ليل نهار وفي الاخر يطلعوا اكتر ناس عايشين حياتهم ومتمتعين وبيخالفوا القانون وبيهربوا من الضرائب ويهربوا من الخدمة العسكرية ولما تقعد معاهم يقعد يشتكيلك من حال البلد والفساد وهو من صناع هذه الفساد .

مكنتش اقصد اشخصن الحوار

بعتذر للحاج أسر

ممكن اكون مخطئ لاني مش متذكر الموضوع بالضبط

ياريت منخلطش الورق ارجوك

كان قصدي بذكر الواقعه ان كانت صحيحه ان ضيقه من البلد ليه اسباب اخري غير الوضع السياسي .

تحياتي

الموضوع: للمرة الثانية انا و البنك الاهلى و الدولار

LinkBack

أدوات الموضوع

عرض

-

-

-

-

-

-

-

-

المواضيع المتشابهه

اعمل ايه مع البنك الاهلى المصرى

صرف الدولار من البنك للسفر

فيزا البنك الاهلى

سؤال فى البنك الاهلى المصرى

الكلمات الدلالية لهذا الموضوع

المفضلات

المفضلات

ضوابط المشاركة