للمرة الثانية انا و البنك الاهلى و الدولار

**ali ashraf** · 03-06-2015 01:39 PM

خبر جديد من البنك الاهلى ( على الاقل بالنسبة لى) النهاردة رحت البنك الاهلى و طلبت تحويل مبلغ بالدولار من حسابى الى حسابى فى بنك خاص و دخلونى تانى على المدير و قال سيادته لأ مينفعش من فرعنا لازم تروح الفرع الرئيسى.....المهم رحت الفرع الرئيس و هناك قالو لى بالفم المليان مفيش تحويلات بالدولار بين البنوك داخل مصر و اما بالنسبة للسحب كنا راضيين بورق فئة 20 دولار المرة دى قالوا لى ورق فئة دولار ( واحد دولار ) و 10 دولار و طبعا بحد اقصى 10 الف دولار يعنى حضرتك تمشى بورق كوتشينة .....ما علينا قلت للسيد المدير طب و الحل ....اجاب سيادته مفيش مشكلة ممكن تشترى شهادات دولارية من البنك الاهلى و ممكن تتنازل عنهم للبنك و هنديك سعر اعلى من شركات الصرافة و ممكن تسحب عشرة الاف كل يوم و على فكرة فى الاول قبل ما اعرف انا و الموظف اللى كنت بتعامل معاه قبل مانوصل للمدير انك بتكتب اقرار توضح فيه الفلوس هتعمل بيها ايه.......الخلاصة ده مبقتش خدمة مصرفية ....و ياترى اللى جاى ايه

**amr011111** · 03-06-2015 01:48 PM

تعامل مع البنوك الاجنبيه لان البنوك الحكوميه او اى حاجه حكوميه مش هيجيب اجلها الا العقليات اللى بتديرها

الحاجه التانيه ابعت ايميل شكوى للبنك الاهلى وهيظبطوا الموظفين والمدير

**mk3** · 03-06-2015 01:52 PM

المشاركة الأصلية كتبت بواسطة amr011111

تعامل مع البنوك الاجنبيه لان البنوك الحكوميه او اى حاجه حكوميه مش هيجيب اجلها الا العقليات اللى بتديرها

الحاجه التانيه ابعت ايميل شكوى للبنك الاهلى وهيظبطوا الموظفين والمدير

تعليمات بتك مركزى
اه البنوك الحكوميه اكثرهم التزام بالتعليمات والروتين

**ali ashraf** · 03-06-2015 01:54 PM

المشاركة الأصلية كتبت بواسطة amr011111

تعامل مع البنوك الاجنبيه لان البنوك الحكوميه او اى حاجه حكوميه مش هيجيب اجلها الا العقليات اللى بتديرها

الحاجه التانيه ابعت ايميل شكوى للبنك الاهلى وهيظبطوا الموظفين والمدير

للأسف انا فعلا تقدمت بطلب للشكوى و انا مع المدير و ورانى تعليمات للبنك بالكلام ده و هو وقف التحويلات بالدولار بين البنوك و قال لى انا بنفذ التعليمات

**amr011111** · 03-06-2015 01:55 PM

المشاركة الأصلية كتبت بواسطة mk3

تعليمات بتك مركزى
اه البنوك الحكوميه اكثرهم التزام بالتعليمات والروتين

هى تعليمات بنك مركززى بس المشكله انه لما يديله 10 الاف دولار من فئه الواحد دولار فده علشان يخلى العميل مش يسحب فلوس كنوع ممن التطفيش

**ahmedwagdy03** · 03-06-2015 02:00 PM

فقط فى مصر 100دولار مجمد لا تساوى 100 دولار فكة . ده شيىء من الخيال فعلا

مش مهم كل اللى إنت قلته . مدير البنك كان مبتسم و قالك سيادتك ولا لا

**ali ashraf** · 03-06-2015 02:12 PM

المشاركة الأصلية كتبت بواسطة ahmedwagdy03

فقط فى مصر 100دولار مجمد لا تساوى 100 دولار فكة . ده شيىء من الخيال فعلا

مش مهم كل اللى إنت قلته . مدير البنك كان مبتسم و قالك سيادتك ولا لا

كنت حاسس انى لابس عمة كبيرة و افتكرت مسلسل اذاعى قديم كان اسمه تاج السلطانية ......

يعنى عندى فلوس و مش عارف اتصرف فيها.....عموما انا اتصلت ببنك خاص و قال لى مفيش مشكلة هات الدولارات كاش ان شاء الله يكونوا سنتات و هنخدهم معندناش الكلام الفارغ ده......بس بجد الوضع كده غير مطمئن كل مرة اروح البنك الاهلى الاقى تعليمات جديدة و محاولات لتطفيش العميل و الحقيقة كل الامور دى مكنتش واخد بالى منها و معرفتهاش الا عند احتياجى بعض الاموال لشراء سيارة جديدة

**أبو آسر** · 03-06-2015 02:24 PM

أنا كده هبدأ أفكر أشوف بنك أجنبي أتعامل معاه لأن البنوك الحكومية هتقرفنا آخر قرف
على فكرة أنا النهاردة كنت في ويسترن يونيون اللي في البنك العربي الأفريقي ولأول مرة منذ سنوات آخد الفلوس عشرينات وخمسينات مش ميات زي كل مرة (قبل كده حتى لو المبلغ 200 ولا 300 دولار كنت باخده فئة ال100 برده) ودي بيأكد الخبر اللي بيقول إن في تعليمات بعدم صرف ورق الدولار فئة ال100 !
ربنا يتوب علينا من البهايم اللي ماسكينا

**abou-yahia** · 03-06-2015 03:00 PM

اعتقد لو معاك دفتر شيكات دولاري

ممكن تكتب شيك لزوجتك مثلا وهي تودعه للتحصيل في بنك اخر

حتخسر بس العموله

علي جنب

انا شايف ان الاجرائات ديه مفيهاش ما يغضب

لان النظره الكليه ان مصلحه البلد اولي من مصلحه الافراد لان الدوله كده بتقوم بترشيد التصرفات بتاعتهم اللي بتؤدي الي اضرار للاقنصاد .

هي بلدك كده وعليك انك تتأقلم

حضرتك تقريبا مفيش فروق سعريه كبيره بين البنوك والصرافه دلوقتي يخليك تحب تبيع برهخ البنك

هوه بيعمل كده عشان الورق الفئات الكبيره بيستخدم في تهريب العمله

وده بيضر بلاقتصاد الوطني

وياريته كان اتخذ الاجرائات ديه من زمان بدل البهدله اللي احنا وصلنلها ديه

معلش اعذرني

انا مش ضد مصلحتك

لاكن انا بحب البلد ديه

تحياتي

الموضوع: للمرة الثانية انا و البنك الاهلى و الدولار

LinkBack

أدوات الموضوع

عرض

-

-

-

تاج السلطانية -

-

-

المواضيع المتشابهه

اعمل ايه مع البنك الاهلى المصرى

صرف الدولار من البنك للسفر

فيزا البنك الاهلى

سؤال فى البنك الاهلى المصرى

الكلمات الدلالية لهذا الموضوع

المفضلات

المفضلات

ضوابط المشاركة