-
خطأ فى عقد بيع سيارة
السادة الأفاضل ،
برجاء الافادة عن كيفية التصرف فى الحالة الآتية :
زوجتى قامت بشراء سيارة مستعملة وتم تسجيل عقد بيع فى الشهر العقارى من البائع مباشرة ولكن عند نقل الملكية بعدها بخمس شهور فوجئنا بأن اسم زوجتى فى العقد (المشترى) ناقص الاسم الثانى بمعنى انه تم كتابته (الاسم الاول - الثالث - اللقب) وطبعا لم تستطع نقل الملكية فى المرور.. وعند الذهاب للشهر العقارى افادوا ان البائع فقط يجب ان يصحح الخطأ .
أريد رأيكم فى التصرف الصحيح الآن ؟
وشكرا
-
الاتصال بالبائع و طلب عقد جديد
-
أولا وقبل أي شئ ..قدر الله وما شاء فعل ..الشهر العقاري بالذات لما تاخد منه أي ورقة سواء عقد أو توكيل أو أي حاجه لازم تراجع بياناتها كويس قوي قوي قوي قبل ما تمشي ..زي كده ما بتراجع فلوسك اللي إستلمتها من شباك الصراف في البنك أو من ماكينة الصرافه بتاعة البنك ..
ثانيا ..أنا مش محامي ..وكلامي ده إجتهاد شخصي مني وأنا كنت هعمل اللي هقولك عليه دلوقتي ..حاول تتصل بصاحب العربية وقوله تعالى صحح لنا العقد ..وده في حالة إنه راجل محترم ومش هيستغل الموقف ده لإبتزازك في فلوس ..ممكن في حل تاني إنك تلاغي الموظف في الشهر العقاري بحاجه كده ..فلوس يعني ..عشان يصحح الإسم ويحط لك ختم النسر مكان التعديل ..آخر حل بقى إنك ترفع قضية وتختصم الشهر العقاري وتقول إن دي غلطة كاتب الشهر العقاري ..وطبعا المحامي عارف هيقول إيه في القضية كويس ..هي قضية بإذن الله مضمونة ..ومش هتاخد وقت كتير ..يمكن أربع شهور بالكتير ..وممكن بالحكم ده تلزم الشهر العقاري بإصدار عقد جديد
في النهاية ..من وجهة نظر القانون ..حضرتك اللي غلطان ..لإن لازم المستندات كلها تتراجع كويس من صاحب المستند ..أنا عارف إن في ناس هتدخل تقولي يعني إيه صاحب المشكلة هو اللي غلطان ..يعني الموظف يبقى نايم ومش شايف شغله وإلناس هي اللي تتبهدل ..هقولك أيوه ..صاحب المصلحه هو اللي يشيك على ورقة ..وأظن في كلمة بنلاقيها موجوده في كل البنوك عند شبابيك الصرف ..برجاء مراجعة النقدية قبل مغادرة المكان ..عشان حضرتك لو مشيت وجيت قلت في شلن ناقص ..محدش هيسمعلك ...الكلمة دي المفروض برضه تتحط في الشهر العقاري ..برجاء مراجعة بيانات المستند جيدا قبل مغادة المكان ..ياما مشاكل حصلت نتيجة أخطاء موظفين في الشهر العقاري وفي المرور ..
معلش طولت عليك
-
الف شكر على الرد ... حكلم البائع وأشوف موضوع التصحيح ده
Content Relevant URLs by
vBSEO 3.6.0 PL2