السلام عليكم
انهاردا رحت ادفع فاتورة الكهرباء عن طريق فوري ولقيت فاتورة مايو سبعين جنيه ولقيت الراجل بيقلي فاتوره يونيو ربعماءه وشويه هو فاتوره يونيو نزلت اساسا ولا ماكينه فوري بتخرف احيانا وهل الوضع دا طبيعي كدا
عرض للطباعة
السلام عليكم
انهاردا رحت ادفع فاتورة الكهرباء عن طريق فوري ولقيت فاتورة مايو سبعين جنيه ولقيت الراجل بيقلي فاتوره يونيو ربعماءه وشويه هو فاتوره يونيو نزلت اساسا ولا ماكينه فوري بتخرف احيانا وهل الوضع دا طبيعي كدا
جالی مرة 450 قولت مرة مش مشكلة مرة تانية جه 480 روحت الشركة وجبت فنی قالی متراكم عليك ومش عارف ايه وقالی انا هديت سريان العداد ممكن يكون بيلف بسرعة
ومتستغربش الكهرباء بتحب تحصل فلوسها بدری بدری ده انا جالی وصل فی مرة اعلی من استهلاك العداد اصلا دول بيرحوا دماغهم ومبيقروش علی طول بيحطلك متوسط ولو فی متراكم بيتجمع وينزلك عموما شوف قراءة العداد وطابقه بالايصال وعلی فكرة ممكن تقسط الوصل لو مش عايز تدفعه مرة واحدة
يا جماعة للمرة المليون بلغوا قراية العداد بنفسكم كل شهر من يوم 15 ليوم 20 عن طريق الموقع ده
شركة شمال القاهرة لتوزيع الكهرباء
علشان مفيش كشافين بقوا بيروحوا الشقق ولو في بياخدوا برده قرايات عشوائية بمزاجهم ويفضلوا يفرحوك كام شهر بقراية قليلة ومبلغ صغير وفجأة تلاقي تراكمات من شهور وطبعا هتدخل أعلى شريحة وهتلاقوا الفواتير بينها تفاوت رهيب
بلغوا القراية بنفسكم كل شهر وهتلاقوا الدنيا مظبوطة ومستقرة ان شاء الله
ولو أي حد تابع لشركة تاني غير شمال القاهرة يتصل بالشركة التابع ليها وياخد منهم رقم تبليغ القراية ويبلغها بالتليفون
يعني المشكلة في قرايه العداد بس فعلا شركه عقيمه عايزين فلوس باي شكل
الكهرباء غليت رسميا ومع لعبه التراكمات اشكرك
تقصد ان القرايات الفعليه سليمه وكانوا ركنتها لحد لما تغلي الكهرباء
هي لعبتهم في انهم طول الشتا يسجلوا قرايات اقل من الاستهلاك الفعلي وييجوا في الصيف وخاصة شهر ٩ و١٠ يجيبولك القديم والجديد مرة واحدةاقتباس:
المشاركة الأصلية كتبت بواسطة احمد المصرى
والكهربا لسة هتزيد من اول شهر ٨ الجاي فاللي ملحقش نفسه يلحق نفسه من دلوقتي ويسجل قراياته قبل ما تجيلوا فاتورة شهر ٨ قرايات زايدة بسبب تراكمات قديمة زائد الاسعار الجديدة فتبقى المصيبة مصيبتين
حسبي الله ونعم الوكيل هي الناس ناقصه
الفاتورة جاتلي 5.25 جنية فقط فاتورة مايو بالرغم إن عندي تكييف 3 حصان ولما بصيت في العداد لقيت فيه 700 كيلو فرق عن الفاتورة يبقى ده أسمه إيه
على فكره العداد أمام الشقة مباشرة يعني ملهوش حجة في أخذ القرأءة
انا قاعد مستنى المحصل لما يجي علشان أعلقة في المروحة
وزارة الكهرباء وحرق دم المصريين
وعلى رأي العضو abou-yahia
مصلحة الوطن أهم من مصلحة المواطنين
الواحد مش عارف يعمل ايه يسرق يعنى علشان يعرف يعيش مثلا كل حاجه بقا فيها استهبال مش طبيعى الكهرباء والاكل وكل حاجه مصاريف عاليه جدا بدون اى عائد للقيمه الماديه المرتفعه ال بيتم تحصيلها