استشارة .. هشتري برسونا زيروا 2015 من عز العرب .. أكمل ؟

السلام عليكم
شوفوا بقا .. العربية دي انا حاببها جدا (بيرسونا 2015) و لكن قلقان من كذا حاجة و عاوز اخد رأيكم .

1. فيه ناس بتقول ان التوكيل بتاع عز العرب سيء جداااااااااا و أسعاره غالية موت يعني تغيير تيل الفرامل ب 1500 جنيه !! هل فعلا الكلم ده حقيقة و لا اتحسن و لا ايه ؟
2. الموتور الكامبروا الجديد الماليزي اللي كان انجليزي مش كويس !
3. تيل الفرامل فعلا بيصفر ؟ و فيه مشكلة كبيرة ؟ انا شايف الناس كلها عمالة تتكلم علي بدايل له !!
4. سعر العربية لو حبيت ابيعها بعد كده بينزل جامد و مش هعرف ابيعها ؟ يعني لقيت واحد بيقول عربية بيرسونا 2011 ماشية 65000 كيلو بتتباع ب 70 الف !! يعني اقل من سعر الزيروا ب 50 الف !! في اربع سنين !! ده سعر منطقي ؟
5. قطع الغيار فعلا متوفرة و لا الناس بتقعد تلف علي قطعه و مش بتلاقيها ؟!
6. في الاخر تنصحوني اشتري العربية دي و لا اخليني في البدايل التانية زي الصني و الشارك و كده ؟

شاكر لكم جميعا

طيب ما تخليك في الصني والشارك ..وخصوصا الشارك ..إيه اللي يرميك على المر

متابع

اقتباس:

---

المشاركة الأصلية كتبت بواسطة abo_mazen

طيب ما تخليك في الصني والشارك ..وخصوصا الشارك ..إيه اللي يرميك على المر

---

حضرتك معاك بروتون ؟

اقتباس:

---

المشاركة الأصلية كتبت بواسطة tito.proton

حضرتك معاك بروتون ؟

---

سيبك من موضوع انها معاه ولا ......الفكرة انه بينصحه بالصنى :))))))))

اقتباس:

---

المشاركة الأصلية كتبت بواسطة abo_mazen

طيب ما تخليك في الصني والشارك ..وخصوصا الشارك ..إيه اللي يرميك على المر

---

علي اساس ان الصني مش امر من البروتون؟؟؟

1-التيل ابو 1500 ده التيل البوش الالماني الاصلي وده بيعد حسب طريقة السواقة ... عموما مقعدش مع حد اقل من 20000. في انواع ب 150 جنيه زي الd-nao الكوري مش بيصفر او البوش الايطالي ب350 و مش بيصفر . انما التيل المصري بتاع التوكيل ده زبالة
2-الماتور مكانش انجليزي اصلا .... ده تصميم مشترك بين لوتس و بروتون و في النهاية تصنيع ماليزي
3-علي حسب التيل .... انا في الاوبل عندي التيل الريمسا بيصفر
4-هي كانت بكام اصلا في 2011؟؟؟ سعرها بدا يعلي جامد في 2012
5-قطع الغيار متوفرة جديد او استيراد عادي ... بس الموضوع افورة مصريين
6-اكيد مش الصني .. فيها مشكلة فرامل+الصفارة

اقتباس:

---

المشاركة الأصلية كتبت بواسطة omar mahmoud

1-التيل ابو 1500 ده التيل البوش الالماني الاصلي وده بيعد حسب طريقة السواقة ... عموما مقعدش مع حد اقل من 20000. في انواع ب 150 جنيه زي الd-nao الكوري مش بيصفر او البوش الايطالي ب350 و مش بيصفر . انما التيل المصري بتاع التوكيل ده زبالة
2-الماتور مكانش انجليزي اصلا .... ده تصميم مشترك بين لوتس و بروتون و في النهاية تصنيع ماليزي
3-علي حسب التيل .... انا في الاوبل عندي التيل الريمسا بيصفر
4-هي كانت بكام اصلا في 2011؟؟؟ سعرها بدا يعلي جامد في 2012
5-قطع الغيار متوفرة جديد او استيراد عادي ... بس الموضوع افورة مصريين
6-اكيد مش الصني .. فيها مشكلة فرامل+الصفارة

---

شاكر مرور حضرتك :)

عاوز اراء يا شباب :)

انتشارها ضعيف جدا جدا نادر لما تشوفها في الشارع
يمكن الجين 2 مسمعه عنها بمراحل
لو تعرف تخلص في شارك افضل
هي الحصان الرابح حاليا

اقتباس:

---

المشاركة الأصلية كتبت بواسطة tito.proton

السلام عليكم
و لا اخليني في البدايل التانية زي الصني و الشارك و كده ؟

---

لو مش هتجيب جين2 .....

يبقى
سوزوكى سياز افضل
وسواقتها روعة
وموفرة ف البنزين جدا جدا
وناعمة
وواسعة صالون وشنطة

وشكلها جميل

الفرق الوحيد (من وجهة نظرى) بين البيرسونا و الشارك هو سعر إعادة البيع وهو نفسه الفرق بين السياز و الشارك (لصالح الشارك) و لكن الرفاهيات فى السياز أفضل من الشارك

انا مش معايا بروتون بس قريت عنها كتير وكنت بفكر اشتريها
1 - اكيد مفيش تيل ب 1500 جنيه دا يتاع البي ام مش كدا يا راجل :D والله اعلم بس انا اتوقع انه سعره 300 وشويه مثلا انا كنت قريت سعره قبل كدا بس مش فاكر
2 - الماتور تصميم لوتس وانتاج ماليزي ومقرتش ان حد اشتكي منه بالعكس الناس بتشكر في السحب جدا
3- هو البروتون بينزل طبعا اكتر من الكوري بس انا واخد بالي انه بدا يمسك نفسه اكتر من الاول بكتير وعلي فكره مفيش عربيه 2011 ب 65 الف دي الا لو متهانه اوي يعني وعلي فكره العربيه اصلا في 2011 اعتقد كانت باقل من 90 الف
4- معرفش قطع الغيار اخبارها ايه بس من قرايتي مشوفتش حد مش لاقي حاجه يعني وفي حاجات كتير بتركب من اللانسر عليها

العربيه الناس بتشكر في الثبات والسحب جدا وعربيه محترمه وعلي الاقل فيها abs و airbags من اول فئه
عيوبها التقفيل والخامات واصوات التزييق

الشارك عربيه كويسه جدا برده ومحترمه جدا بس اسمع ان قطع الغيار غاليه جدا
السياز لحد دلوقت عربيه كويسه جدا وبتتجرب لسه
صلي استخاره وتوكل علي الله ال3 عربيات كويسين

انا كنت زيك بالظبط حتى كمان مغير من لانوس برضو.. والحمدلله جبت چين٢ مبدئياً إنت كده كده هتحس بفرق كبير من بعد الانوس لما تركب عربية زيرو أي موديل. بس بالنسبة للبيرسونا إللي هي هي الچين ٢ ماعدا إن العفشة ناعمة والصالون واسع لصالح البيرسونا وكام فرق بسيط كده. المهم في محلات كتير بتفتح تبيع حاجات بروتون فقط جديد وإستيراد وعلى فكرة مفيهاش تقليد كتير زي الكروي ومتوفرة. تقيمي الشخصي للعربية (ممكن يختلف من شخص لآخر) هي عربية قوية إعتمادية الفرامل ممتازة بس لما تتعود عليها (على فكرة الجري ملوش كبير ده قانون الطبيعة) الماتور ممتاز - التكييف زي الفل - بتاكل بنزين لما تجري وتعدي ١٢٠ وساعتها العربية نفسها بتبقى صاروخ - الثبات كويس جداً (معرفش تقييمك للثبات إيه) - التقفيل متوسط هو والخامات كان ممكن يزود في سعرها حاجة بسيطة ويقفل حاجة أحسن من كده (تختلف من شخص لآخر) - الأوتوماتيك سحبه أبطء بس بعد كده بتجيب معاك - الفتيس الأوتوماتيك بسيط جداً عادي بس في منتهى النعومية والإستجابة وصدقنى تحس إنه بيفهمك. مش عاجبني التابلوه. وسائل الآمان كويسة. إيه تاني؟؟ إحنا معاك عموماً ومتتسرعش وتشتري عربية مش مقتنع بيها

العربيه جامده جدااا واحسن من العك زي الصني لو عايز تعرف حاجه انا معايا برسونا ٢٠١٤ ومتصدقش كلام الكفتجيه
https://www.facebook.com/groups/ProtonClubEgypt
ادخل عليه لو عايز تعرف عنها كل كبيره وصغيره من ناس راكباها فعلا مش اي كلام