مغير لزادو من 10 ايام مشيت اكتر من 300 كيلو ...
السياره اوبترا 2013 عداد 34 الف كيلو
الزيوت السابقه ...شيل ...كاسترول ايدج ..موبيل
الملاحظات ...اولا من حيث هدوء الموتور كاسترول و زادو في المقدمه ثم شيل واخيرا موبيل
ثانيا التسارع...كاسترول اولا ثم زادو ثم شيل واخيرا موبيل
استهلاك البنزين ...مش فارق تقريبا فيهم كلهم
طبعا ..محتاج وقت اطول عشان احكم عليه لكن مبدئيا هو يلي كاسترول مباشره ولو اثبت كفائه في اخر 3 الالف كيلو ربما يتساوي معه او يتفوق عليه
رأيك يحترم و إحب أحتفظ برأيى لنفسى
عافاك الله من كل سوء و رزقك من حلال
لا طبعا ...لازم تقول رايك و تعلنه للناس كلها ....انا بقول وباكتب عن اي شئ جربته ..و بكون حريص مع اي زيت استخدمه لاول مره وتقيمي له الله هيحدد هستخدمه تاني ولا ﻷ...لكن حتي الان كويس وان كانت اجمل الذكريات مع كاسترول الجبار
بدون الدخول في نقاش عن أي ماركة زيوت... ياريت تجاوبني على الأسئلة دي:
هو حضرتك بتجرب بناء على إيه؟؟؟
فين المرجع اللي بترجعله لما بتجرب زيت جديد في العربية؟؟
وإيه هي مواصفات الزيت اللي حضرتك حطيته واللي كنت بتحطه قبل كده؟؟
هل حضرتك مستعد تجرب حاجة ممكن تضيعلك موتور عربيتك لمجرد إن فلان قاللك إن الزيت ده كويس؟
لو كان حد قاللك تجربه.. هل معاه نفس عربيتك؟؟
...
كتالوج السياره فيه مواصفات الزيت المتاسب للسياره ....ماركه معروفه ....ناس مجربينها ..طبعا مش كله هيتفق علي جوده الزيت ده عشان كده بجرب عشان انا اقيم
لو عند حضرتك سابق تجربه ليه قول لينا .....انا ملاحظ ان الناس منقسمين ما بين منبهرين بالزيت و مشككين فيه ..حتي الان هو معقول ..انا متابع مستواه و سحب العربيه و استهلاك الزيت و الحراره لاني اول مره اجربه
في مهندس او استشاري في كليه هندسه اسمه م.مناهري تقريبا علي الموقع هنا شكر فيه جدا و هو كلامه علمي وواضح مش مجرد قال الزيت حلو ده شرح عن خصائصه و مميزاته ..وفيه اخ تاني بيستخدمه في كل سيارات العائله و بيشكر فيه جدا..و طبعا في اخريين بيؤكدوا انه عمل ليهم مشاكلر...الحل ..التجربه مع الحرص
طيب... بما إن حضرتك قلت كتالوج العربية.. يبقى لازم حضرتك لما تتكلم عن زيت موتور (أي زيت) تقول مواصفاته كمان اللي المفروض تكون زي الكتالوج.
ولازم كمان نعرف إيه العربية اللي حضرتك جربت فيها ونعرف مواصفات كتالوجها إيه. علشان نعرف إذا كان أصلا الزيت اللي حضرتك استخدمته مناسب لموتور عربيتك ولا لأ.
الكلام عن الماركة لوحدها غير صحيح إطلاقا سواء بالسلب أو الإيجاب.. لإن ده إسمه تضليل.
أكيد مقصدش إن حضرتك بتضلل.. ولكن للأسف فيه ناس كتير ما تعرفش إن شركات الزيوت يبيبقى عندها أكتر من نوع زيت وكل واحد منها ليه مواصفات مختلفة علشان توفي متطلبات المواتير المختلفة.
وفي الآخر تلاقي الناس عمالة تتخانق علشان ماركة زيت.. واحد يقول دي ممتازة والتاني يقول إنها زفت... وهما الاتنين مش فاهمين إن واحد اختار الزيت الصح بالصدفة وبقى شغال معاه تمام.. والتاني اختار الزيت الغلط بردو بالصدفة.. وبهدل له العربية..
وبعد كده تطلع سمعة على ماركة إنها كويسة أو وحشة بسبب جهل الناس.... وما حدش فاهم حاجة.
فعليا.. لو اخترت الزيت زي مواصفات الكتالوج.. مش هتلاقي فرق بين أنواع الزيوت المختلفة.. طبعا بعد التأكد من عدم الغش.. وده تحديدا اللي بيخلي الواحد يفضل الماركات المعروفة والمضمونة.. مش أكتر
بس لما تيجي تقارن.. اتأكد إن الزيوت اللي بتقارنها زي بعض تماما في المواصفات... علشان تبقى المقارنة صحيحة...
وصدقني... مش هتلاقي فروق في الأداء... وأنا باتحدى أي حد يقوللي إنه لقى فرق بين زيتين ليهم نفس المواصفات تماما.
...
انا متاكد ان حضرتك مش قصدك اني بضلل او بقوم بدعايه ...اكيد حضرتك شفت تاريخ مواضيعي و شفت البروفايل بتاعي عن وضعي و عملي ....انا استخدمت زادو 10...40 اكسترا دريف متوافق مع الاوبترا عداد اقل من 100 الف كيلو .....بالنسبه للفرق بين الزيوت فاختلف معك لان كاسترول ايدج كان جميل جدا معي و حبيته جدا بس اخر 3 الالف كيلو وقع شويتين نفسي الالقي زيت يبقي زي كاسترول للاخر
السلام عليكم ورحمه الله وبركاته ....
ارجو الافادة بخصوص زيت زادو 10...40 اكسترا دريف...... انا اول مرة اجربه واعمل بيه تقريباً 2000 كم حتى الان صوت الموتور جيد بس ملاحظ نقص فى الزيت ودة اول مرة لأحظ فىها نقص للزيت ...
انا بكلم على سياره كيا ريو 2009 عامله 152000 حتى الان واول مره اغير عن شيل ......
اقتباس:
المشاركة الأصلية كتبت بواسطة د.عماد صلاح
حضرتك بردو ما قلتش مواصفات الزيت إيه.. والمواصفات ماهياش لزوجة بس
فيه حاجة مهمة جدا جدا إسمها Service Level.. ودي ليها كودين مشهورين (كود الـAPI وكود الـACEA).. ولو ما بصتش عليهم يبقى حضرتك عامل زي ما تكون بتشتري بطيخة وانت وحظك.
أنصحك تقرا الموضوع ده علشان تعرف قصدي إيه:
http://www.nilemotors.net/Nile/341680-a.html
...
الزيت Xado extra drive ...10-40 ....API-Nا
الزيت حاصل علي موافقه استخدام في شركات قويه مثل مرسيدس و فولكس فاجن ...
ممكن حضرتك توضح اعتراضك او تجربتك معاه ...لاني حاسس اني في امتحان من كتر الاسئله واللي اعرفه ان المنتدي لتبدال الاراء مش لاختبار المعلومات والقدرات ...ياريت حضرتك توضح وجه نظرك وتجربتك مباشره وذلك للافاده