الموضوع: تقييم شامل لمركزهيونداى قليوب ....مفاجأت!

السلام عليكم ورحمة الله وبركاته

بداية اخص بالشكر ادارة المنتدى على هذا القسم الخاص بهيونداى والذى كان له تأثير قوى جدا فى اختيارى لشراء سيارة هيونداى وذلك بعد ما قرأت موضعات اخوانى الاعضاء المحترمين جدا والتى كانت تتسم بالموضوعيه والوضوح لكى تعم الاستفاده ........ فشكرا لهم جميعا ولادارة المنتدى لاشاعتها هذه الروح الجميله والبنائه وادعوا الله ان يجعل ذلك فى ميزان حسناتهم

من خلال اطلاعى لموضوعات الاعضاء بالمنتدى قررت شراء سياره هيونداى فيرنا فيفا وحولتها لتاكسى الاسماعيليه لاعمل عليها بعد الظهر فأنا مهندس زراعى صباحا وبالطبع ذلك الاختيار جاء بعد بحث ودراسه والتى اكدت مدى كفائت هذه السيارات للعمل كتاكسى خاصة عندنا بالاسماعيليه.......

فى صيانة ال15000 والتى اجريتها عند ابو غالى العبور كان فى صوت صفاره فى الموتور وتختفى عند الضغط على الدبرياج وايضا يوجد صوت خشونه بسيطه فى الموتور وقال لى المهندس المختص يجب ان اجرى الصيانه القادمه فى احدى مراكز غبور قليوب او ابو رواش لان مثل هذه العيوب لا يتم اصلاحها الا فى هذه المراكز فقط .. وبالفعل اتصلت بالمهندس عاطف هنا فى المنتدى وحددت ميعاد لزيارة مركز قليوب واجراء صيانة ال20000 وعمل اللازم.. واليكم وصف شامل لكل ما حدث فى قليوب بمنتهى الامانه والموضوعيه فى محاوله منى لرد جزء ولو قليل من جميل اعضاء المنتدى الكرام........ وهذا ما حدث بالفعل :

ذهبت يوم الاحد الموافق 9\11\2008ذهبت لمركز قليوب وكان رقم الحجز 31 الساعه 11صباحا وتم استقبالى بحفاوه شديده من موظف الامن فى باب الدخول وايضا تم تكييس السياره ووضع دواسات من الكرتون للمحافظه على نظافة السياره

وبدات اولى مقابلاتى مع مهندس الاستقبال هناك وهو المهندس / مينا وهو شخص على خلق عالى جدا وقام باستقبالى وتحرير امر الشغل وسمع كل ملاحظاتى وسجلها وطلب منى تسليم صوره من امر الشغل بعد التوقيع عليه الى غرفة الاستقبال واستلم منى السياره لتأخذ دورها وذلك كان الساعه 11.30 صباحا

ثم انتظرت بعد ذلك فى الاستراحه الخاصه بالعملاء وهى فى الدور الثانى وبعد انتظار ساعتين احسست بالجوع والعطش فانا تحركت من الاسماعيليه منذ التاسعه صباحا فقررت شراء باكو باسكوت وكانز سبرايت وكانت المفاجأه الاولى كانوا ب 8جنيهبالطبع جانى فضول لمعرفة سعر سندوتش الفول مثلا عندهم كام تخيلوا كان ب2جنيهولو اتهورت وفكرت فى همبرجر او هوتدوج هيكون من 5 الى 6 جنيهده غير ثمن الشاى والقهوه وعلى فكره المكان الى قعدنا فيه عادى جدا ارضيته بلاط فقط وفيه كام كرسى وانتريه جلد عاديين جدا وتلفزيون يعنى مفيش حاجه اوفر علشان ادفع 8جنيه فى باكو بسكوت وكانز تمنهم بره بالضبط 4 جنيه ولا سندوتش فول ب2جنيه ثمنه بره ميزدش عن 1جنيه

وفى الساعه ال4عصرا تم الانتهاء من السياره ونادوا علي فى الازاعه الداخليه لاستلام السياره وبالفعل قابلت المهندس/ عادل الذى شرح لى ما تم عمله فى السياره لصيانة ال20000 وتم تغيير فلتر البنزين والهواء ومسمارالميزان الخلفى

وسالته عن صوت الصفاره بالدبرياج قال لى تم اصلاحها وبالفعل لم اسمع صوت الصفاره فسالته هو انتوا غيرتوا البليه فال لى لا بس احنا شحمناها فقط!!
ولما سالته عن صوت الخشونه الخفيفه بالموتور قال لى احنا مش سمعين حاجه فادرت السياره واسمعته الصوت هو واحدى الفنيين هناك فحدثت المفاجأه وقالو لى انت متهيألك لاكن مفيش صوت احنا سمعينوا فبلطبع احسسست بالاحراج منهم وفهمت علطول ان اعراض مرض التهيأت الى كان بيجيلى قبل الزواج ظهر من جديد بعد هذا العمر وبالفعل استلمت السياره وذهبت للاسماعيليه وانا حزين على اصابتى بهذا المرض اللعين من جديد بعد ذلك العمر ولكن ..........

حدثت المفأجأه وانا بركن السياره بجوار البيت فسمعت صوت الصفاره من جديد ولكن بشكل اقوى وايضا سمعت صوت الخشونه وبالفعل حمدت الله على انى لم اصب بهذا المرض اللعين واننى بخير..............

وعلى الفور اتصلت بالاستاذ عاطف وحكيت له ما حدث وثار الرجل جدا واخذ يحدثنى بمنتهى الاسف وطلب منى ان احدد موعد لزيارة المركز من جديد وسيتم عمل اللازم دون اى مصروفات اضافيه ما عليك الا ان تتصل بالمهندس/ ثروت مدير المركز فور وصولك هناك
وبالفعل ذهبت يوم الاربعاء واستقبلنى من جديد المهندس/ مينا واتصلت بالمهندس ثروت والذى رحب بى واوصلنى بالمهندس عزت بالورشه الذى استلم منى السياره واسمعته صوت الخشونه ( والتى عرفت بعدها انه كان صوت بلي التكييف وسير الدينمو ) ولله الحمد سمعه معى ( وهذا دليل جديد على انى سليم عقليا ) وايضا صوت صفارة الدبرياج واستلم السياره وقال لى انها ستحتاج لعدة ساعات لعمل اللازم وبالفعل حضرت للمركز الساعه الثامنه مساء فوجدت السياره خالصه واستلمتها ولله الحمد حاسس انها احسن مما كانت زيرو

ولكى يكون تقييمي موضوعى لمركز قليوب وحبا فى هيونداى وغيرتى الشديده عليها قررت ان الخص هذه الزياره فى نقاط سلبيه وايجابيه ليستفيد القائمين عليها لتقوية النواحى الايجابيه ومحاربة السلبيه

اولا السلبيات التى واجهتنى فى مركز قليوب :

1-مدة اجراء الصيانه كانت من 11صباحا حتى ال4 مساء وديه مده كبيره جدا وبالطبع ده بسبب العدد الكبير من السيارات التى دخلت فى نفس اليوم لذلك يجب ان يوجد حل لهذه المشكله كأن يتم تخفيض عدد الحالات التى يستقبلها المركز يوميا

2- موضوع الكافتريا الى اسعارها 100% زياده عن الطبيعى لازم تتلغى لان ده بيدى انتطباع للعميل انه بيستغل استغلال كبير وبعدين اعتقد انه مكان كبير زى ده وفى منطقه مقطوعه مفيهاش محلات على الاقل تكون اسعار المشروبات والاطعمه زيها زى السوق بره وبصراحه المفروض ان كل عميل يروح لغبور يكون له كرم ضيافه وعلى الاقل مشروب ووجبه حتى ولو كانت بسكوت لانه هيعقد ساعات فى هذا المكان فى ضيافة اكبر توكيل فى مصر

3-اسلوب الاستخفاف بعقلية العميل من قبل بعض الفنيين وايهامه انه متهيأله اصوات غريبه مش موجوده بالواقع يجب ان تلغى تماما ويحترم اى رأى للعميل حتى ولو خاطأ ويتم الايضاح بصوره واقعيه

ثانيا الايجابيات فى مركز قليوب

1-الاستاذ عاطف هو اكبر مكسب لهيونداى فانا لم اقابل فى حياتى انسان غيور كل هذه الغيره والحب لهيونداى فهو انسان مهذب جدا وله القدره على امتصاص غضبك وله قدره خياليه لاقناعك واى شخص سيتعامل معه سيشعر بأن هذا الانسان جدير بأن تعطيه ثقتك الكامله وتصدق كل حرف يقوله لانه بالفعل قادر على تنفيذ كل ما يعدك به

2-الاستقبال بمركز قليوب رائع من اول رجل الامن وتكيس السياره وعبارات الترحيب التى تقابلها من كل من يقابلك

3- المهندس/مينا وهو من يحرر امر الشغل للسياره فهوانسان خلوق ويعطى للعميل الشعور بالاهميه القصوى لديه ويساعد العميل على تذكر كل ملاحظه صغيره او كبيره فى كل جزء من السياره فانت تشعر معه بالفعل انك حقا فى توكيل محترم جدا جدا

4-المهندس/ثروت مدير الصيانه هو رجل المهام الصعبه والذى استقبلنى عند زيارتى الثانيه للمركز وهو عباره عن دينمو مركز قليوب والذى تشعر هناك ان كل شىء يسير بانضباط وبالترتيب مثل الساعه وهو لا يرغب بالتحدث كثيرا فقط عليك ان تقول طلباتك وتتأكد من تنفيذها بأسرع ما يمكن ( يعنى مفيش عنده هزار راجل جد جدا )

5-المهندس/ عزت وهو من استلم منى السياره بتكليف من المهندس/ ثروت فى المره الثانيه وهو من قام بعمل كل الاصلاحات اللازمه وتعامل معى بمنتهى الامانه والجديه فى العمل والدقه فى كل قول او فعل يقوم به

6- انسانية غبور وشعوره بالعملاء / يا جماعه انا بتكلم بجد انا فعلا من الى قراته من بعض الاخوه بالمنتدى كنت واخد فكره خطأ لحد لما جيت ادفع الحساب لصيانة ال20000 ولقيت انه تم خصم 20% من الفاتوره !!!!!!!!!! فطبعا سألت وكانت المفاجأه عندما حدثنى موظف الحسابات
وقال لى يا فندم عربيتك اجره ؟
فقلت له نعم ......... فقال لى ان غبور هو الى بيخصم 20% من السيارات الاجره لانه عارف ان الناس ديه بتشتغل بالعربيه وهو بيحاول يساعدهم بأى طريقه علشان هو عارف ظروفهم وحاسس بيهم
طبعا انا حسيت اده ايه الراجل ده انسان وعمل الى معملهوش اى توكيل تانى فى مصر مع العلم ان الهيونداى كل السائقين بيطلبوها للاجره لانهم عارفين مميزاتها واد قيه تعتبر هى افضل الموجود بالسوق من حيث سعرها ورخص قطع غيارها وتحملها لظروفنا فو مصر

اخيرا ارجو ان يحوز هذا التقييم على رضاكم وان افيدكم يه كما افدتونى كثيرا بموضوعاتكم الرائعه من قبل

تحياتى وتقديرى

م/ محمد السيد


[/SIZE]

المشاركة الأصلية كتبت بواسطة arch_peter

استاذى العزيز اولا الحمد لله على استلامك السيارة بدون مشاكل
ثانيا عاوز اعرف عملت ايه فى قصة الصفارة اللى بتروح مع الدبرياج لانى عندى المشكلة دى فى الفيفا برضه باسمع احيانا الصوت ده؟؟
ورحت مرة وشحموه ولكن رجع تانى بعد فترة؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟

شوف يا غالى لو عربيتك مكملتش 20000كم همه هيغيرولك مجموعة الدبرياج كلها او الجزء البايظ فيها وعلى العموم المجموعه ديه بتشمل الاسطوانه والبليه والفرش
ولازم ترحلهم تانى وتشرح للمهندس هناك ان التشحيم معملش نتيجه وان البليه لازم تتغير واى شىء اخر بايظ

وبالنسبه لعربيتى همه فى اول مره شحموا البليه بس بعد مارجعت بيها البيت الصوت رجع تانى ولما رحتلهم فى المره الاخرى تقريبا غيروا البليه والفرش بس المهم ان الصوت اختفى ومرجعش تانى

ونصيحه منى لو عربيتك عدت ال20000 غير البليه واى حاجه بايظه فى مجموعة الدبرياج عند اى ميكانيكى شاطر لانها هتكون ارخص بكتير جدا جدا من التوكيل

تحياتى