سؤال و مناقشه لملاك الفيات سيينا

**EgyArmy** · 05-06-2015 03:07 AM

فى البدايه انا صاحب الموضوع دهhttp://www.nilemotors.net/Nile/466039-a.html

ملقتش حد خالص رد عليا بالايجاب او السلب
و السكوت علامة الرضا
قولت يمكن عشان انا كنت متغاظ منها فمحدش رضا يرد عليا لان النقاش وقتها لم يثمر فى نتائجه
فقولت افتح الموضوع ده لنهايه النقاش فى شأنها
وده لأسباب اولها انتشار العربيه ليس هين
ثانيا حجمها كويس جدا
ثالثا سعرها مقبول جدا

و لكن ينقص الرد فى جزئين و لكن يا ريت الرد يكون صريح و بما يرضى الله
الحرارة و دى كانت اول حاجه اكتشفتها و بعض الناس و انا منهم شوفت السيينا مرتفعه الحرارة جدا
البارومه فى الاربع ابواب بصراحة مرعبين
فسؤالى للملاك هنا هل بتعانى من الحرارة من بدايه شرا العربيه ؟
هل واجهت المشكلة و تغلبت على الحرارة ؟
هل كان فيه مشاكل حصلت بسبب الحرارة ؟
و هكذا فى بارومه الابواب
و بعيدا عن الميكانيكية ومساحة الحوض ايهما تفضل 1400 ام 1600

**besso33** · 05-06-2015 03:23 AM

بص حضرتك انا معايا سيينا 1400 موديل 2003 ومش بشتكي خالص من اي من المشاكل اللي حضرتك سردها واود في هذا الخصوص ان اشير اليك بالتوجه لجروب عشاق السيينا علي الفيس بوك وسوف تجد الكثير من استفساراتك

**EgyArmy** · 05-06-2015 05:02 AM

المشاركة الأصلية كتبت بواسطة besso33

بص حضرتك انا معايا سيينا 1400 موديل 2003 ومش بشتكي خالص من اي من المشاكل اللي حضرتك سردها واود في هذا الخصوص ان اشير اليك بالتوجه لجروب عشاق السيينا علي الفيس بوك وسوف تجد الكثير من استفساراتك

رجعتلى الامل فى العربيه مرة تانيه بس سؤال وجيه هل بتعتبر عربيتك حاله نادرة ؟
ولا شوفت كتير منها بالوضع ده ؟
لان ناس كتير بتقول ان الصاج غير معالج ضد الصدا و دى معرفهاش تقنيا لكن شوفتها بعينى كذا مرة
و للاسف معنديش فيس بوك

**rotanamasoud** · 05-06-2015 01:58 PM

بخصوص الحراره هى مع واحد صاحبى ومشتكاش من الحراره والتكييف شغال عنده يعنى لو عنده اى مشكله فى الحراره كان حيكلمنى خصوصا انه دكتور وملوش فى اى حاجه غير السواقه
شوف فى توقيعى حتلاقى موضوع خاص بالحراره واى عربيه ممكن تتظبط حرارتها باذن الله

**EgyArmy** · 05-06-2015 05:33 PM

المشاركة الأصلية كتبت بواسطة rotanamasoud

بخصوص الحراره هى مع واحد صاحبى ومشتكاش من الحراره والتكييف شغال عنده يعنى لو عنده اى مشكله فى الحراره كان حيكلمنى خصوصا انه دكتور وملوش فى اى حاجه غير السواقه
شوف فى توقيعى حتلاقى موضوع خاص بالحراره واى عربيه ممكن تتظبط حرارتها باذن الله

مفيش حاجه فى التوقيع غير جمله ربنا يحمى مصر

**rotanamasoud** · 05-06-2015 06:11 PM

http://www.nilemotors.net/Nile/467548-a.html

**م/مصطفى محمود** · 05-06-2015 06:48 PM

انا كنت بعاني من مشكلة الحرارة زمان ، بس غيرت الخلاطيم كلها والماسورة الخلفية ( نهيت موضوع التسريب من الآخر ) وأخدت هواء للدورة ، والحياة بفضل الله تعالى زي الفل

للأمانة عندي مشكلة بارومة في باب واحد

بس عموما العربية جميلة جدا جدا

وفعلا شوف الجروب على الفيس المتابعة علية اكبر بكتير

**magedmega** · 23-06-2015 08:39 PM

انا معايا 1400 موديل 2003 انا جبتها منغير تكيف الحرارة مكنتش بتوصل حتى النص على طول اقل بس انا الى شريها منو كان مركبلها مروحة لادا وترمستات عدية ولاغى الكرتة لما ركبت التكيف و بالاخص السربنتينة كانت زى مهيه لحد الايام لما درجة الحراره عدت 50 و على فكرة انا اعيد فى شرم الشيخ يعنى الحر كلو العربية بتوصل لحد النص وتنزل تانى , اما البرومة بالنزباى عادى انا كان معايا 127 قبل كدة والموضع واحد