جربت تستخدمه خدمه Uber فى مصر ؟

**Secret-Man** · 30-06-2015 07:19 PM

المشاركة الأصلية كتبت بواسطة أبو آسر

اعتقد الشركة دي بتتهاجم لانها ناجحة وبتشهد اقبال متزايد وبتوفر خدمة جيدة بسعر منافس فلازم تتهاجم وتتشوه سمعتها زي الخبر بتاع حادثة الاعتداء الجنسي دي !! يعني علشان حادثة فردية من فرد واحد اوقف خدمة كاملة كانها هي اللي اعطت اوامر لمنفذ الجريمة بان يفعلها ؟! على كده بقى مفروض نوقف التاكسيات كلها والميكروباصات ونمشي على رجلينا علشان كل يوم في حادثة شكل من سواقين التاكسي والميكروباص !

+1

**Dr. Assem** · 30-06-2015 07:20 PM

اخر سفرية ليا لامريكا ما كانش معايا عربية و اصحابي اللي هناك قالولي اتعامل مع uber علشان نظامهم حلو واسعارهم كويسة.

بس ماجربتهمش بصراحة

**Forever.Leo** · 30-06-2015 09:12 PM

المشاركة الأصلية كتبت بواسطة أبو آسر

اعتقد الشركة دي بتتهاجم لانها ناجحة وبتشهد اقبال متزايد وبتوفر خدمة جيدة بسعر منافس فلازم تتهاجم وتتشوه سمعتها زي الخبر بتاع حادثة الاعتداء الجنسي دي !! يعني علشان حادثة فردية من فرد واحد اوقف خدمة كاملة كانها هي اللي اعطت اوامر لمنفذ الجريمة بان يفعلها ؟! على كده بقى مفروض نوقف التاكسيات كلها والميكروباصات ونمشي على رجلينا علشان كل يوم في حادثة شكل من سواقين التاكسي والميكروباص !

وجهة نظر معتبرة .. بس حضرتك مشكلة الشركة دي انها لما بتخرج للعالم .. بتخرج بسمعة مهزورة جوة الولايات المتحدة نفسها .. اما بالنسبة لموضوع حادثة الهند فالمشكلة ما كانتش في الحادثة في حد ذاتها بل كانت في عدم تدقيق الشركة في التاريخ الجنائي لسواقينها لان السائق المغتصب كان له تاريخ اجرامي بحوادث زي دي قبل كده .. الامر الاخير و ده من وجهة نظري .. ماينفعش تيجي شركة ضخمة لدولة كبرى تمارس ما يشبه الاغراق في الصناعة و تسبب كساد صناعة كثيفة العمالة في دولة تانية بدون اجراءات حمائية .. ممكن حضرتك او انا ما يفرقش معانا ده .. و يهمنا سعر المنتج النهائي .. بس ممكن نحسه لو ان الحكومة سهلت دخول افراد او شركات اجنبية بتقدم خدماتها بأسعار رخيصة ( مرحليا ) في مجال شغلنا . تحياتي .

ده رابط لتحقيق بمجلة تايم الامريكية عن موضوع الخصوصية ..
What Uber Still Isn’t Telling Us About Your Data