-
السوزوكي سياز
معلش يارجاله انا عارف ان انا تعبتكوا من من كثر اسئلتي بس انا كنت بفاضل بين النيو لوجان والسوزوكي سياز وان شاء الله استقريت علي السياز فهل حد عنده اي تعليق على السياز من حيث قوة الصاج او العفشه او الموتور او عموما العربية بشكل عام لان دي تحويشه العمر ومش هينفع اعوضها لا قدر الله وياريت لو ممكن فيديوهات اختبار التصادم للعربيتين ضروري واخر حاجة لو ممكن الكتالوجات العربي للعربيتين
وشكرا جزيلا لكم
-
-
استاذ مصطفى واضح اننا هنفضل متابعين فترة كبيرة
محدش عايز يرد عليا واضح ان سؤالي كان غلطه
-
المشكلة ان العربية لسه جديدة وملاكها مش كتير عشان يردو بس فين الخبراء ؟؟
-
هتلاقي في أصوات بتنادي باللوجان ..وفي أصوات تانيه بتنادي بالسياز عشان كمية الأوبشن الرهيبة اللي فيها
-
بسم الله الرحمن الرحيم
الإخوه الأفاضل طالبى النصح الرشيد
ما أظن أن أحد ما يبخل عليكم بشىء ما أيآ كان ولكن الإخوه يتحرون الدقه فى الرد و الأمانه فى إعطاء المعلومه. قبل أن أبدأ أود أن أبلغكم بأننى لست من ملاك السياز و لكننى من ملاك السوزوكى. و عن إجابة أسئلتكم فلكم ما يلى:
1 - حتى لا أكثر فى الكلمات و لا أطيل فى الحوار فإن السياز كسياره فيها إمكانيات تزيد عن سعرها بكثير لذلك قيمتها أعلى من سعرها بكثير
2 - السياره جديده و الكل متشوق لتجربتها على أرض الواقع و معرفة أخبارها فى كل الأحوال و الظروف و لكن هذا شىء ليس بالسهل و لا باليسير لأن من يشترى سياره جديده (و خاصة إن كانت مثل السياز) لن يعرضها لشتى ظروف العمل و التشغيل بل سيخاف و يحافظ عليها و ربما يطيل فترة التليين الأوليه لأكثر من 1000 كم
3 - و لكننى أن و بشكل شخصى أمنح السياز درجه عاليه فى الإعتماديه إستنادآ على تاريخ سوزوكى المشرف الذى لم يعرف الفشل ولو فى موديل واحد من موديلاته. إن كانت أقل و أصغر سياره فى عائلة سوزوكى (الماروتى) إعتماديه جدآ و محركها عمره طويل (بغض النظر عن إمكانياتها أو حجمها أو قوة محركها) فما ظنك بالأعلى؟
4 - حقيقة لا يشغل بالى السياز كسياره بل يشغل بالى الوكيل الذى ينفذ عمليات الصيانه للسياره و بكل أسف لن تستطيع مهما عملت أن تبتعد عن الوكيل (على الأقل فى الفتره الأولى من عمر السياره) وذلك بسبب السوفت وير الذى لن تجده إلا عند الوكيل. . . . . . الوكيل فاشل
5 - فى الوقت الحالى لايمكن أن تصل إلى الآداء الفعلى للسياره تحت شتى الضغوط و مختلف الظروف (ببساطة لأن الوقت من شراء السياره حتى الآن لا يكفى للتأكد من ذلك ما لم يحدث أن وجدت الشجاع الذى يعرض سيارته الجديده لذلك).
6 - إن عزمت الأمر على الشراء فضع نصب عينيك أن ستحتمل الوكيل و فشله (ربما يصلح الله له حاله . . من يدرى!)
هداك الله لأرشد أمرك و أقومه
السلام عليكم و رحمة الله و بركاته
-
ربنا يباركلك وييسر لك امورك
انا فعلا نويت علي السياز وفعلا روحت شوفتها النهاردة وزاد تعلقي بيها وان كان المندوب نصحني بالسي اليزيه الا انني مقتنعتش بيها بس هي المشكلة في التقسيط مش لاقي سعر فائدة قليل
-
العربيه بدأت تعمل انتشار كويس .. تقريبا بشوفها يوميا
وده شيء مبشر
Content Relevant URLs by
vBSEO 3.6.0 PL2