دلوقتي العربية اتخبطت والسمكري ردها على السخن (جزء من الباب والرفرف) ولما رحت للبوهيجي عايز يمعجن الجزء اللي اللي اتعمل ويرش بويا على الجنب كلو فهل دا طبيعي ولا بيرش الجزء المخبوط بس؟؟
عرض للطباعة
دلوقتي العربية اتخبطت والسمكري ردها على السخن (جزء من الباب والرفرف) ولما رحت للبوهيجي عايز يمعجن الجزء اللي اللي اتعمل ويرش بويا على الجنب كلو فهل دا طبيعي ولا بيرش الجزء المخبوط بس؟؟
رش جزء من العربية مش بيكون زى بقية جسم السيارة ... و بالتالى ... لتقليل الفرق بين الاجزاء ... يتم رش الجانب الى فى الخبطة ... و لو الخبطة مساحتها كبيرة شوية ... بترش العربية كلها
هي ميتالك ولا مط ؟؟؟..عشان بتفرق
ميتالك بس انا قصدي لو رشيت الجنب كله هتبقى مشكلة لما ابيع ممكن المشتري يفتكر ان الخبطة كانت جامدة وان العربية عاملة حادثة قوية ومش هيقدر يحدد مدي قوة الخبطة
غير كده دا معناه ان هيبقى فيه فرق بين الجنب اللي هياخد بويا وبقية العربية
وعلى فكرة هوا عايز 450 جنيه على رش الباب والاكصدام وجزء من الرفرف فهل السعر معقول
السعر معقول ..وهي مشكلة الميتالك عموما إنك بتضطر ترش القطعه اللي فيها الشغل كله ..يعني تضطر ترش كبوت أو رفرف أو باب ..وفيه بعض البوهيجيه عشان يضمن إن اللون كله هيكون مياه واحده يقولك رش الجنب كامل ..بس هو لو بوهيجي صايع ..يرش القطعه بس اللي فيها المشكلة مع ضمان إن اللون بعد ما يخلص يبقى مياه واحده ..
اولا: معنى كده ان هيرش الجنب كله عشان ميبقاش فيه اي حاجة بقعة في العربية بس دا بردو معناه ان الجنب لونه هيكون مختلف عن باقي العربية
ثانيا: معنى كده مش هتفرق الخبطة صغيرة ولا كبيرة مادام كدا كدا هيترش الجنب كله واللي هيشتري هيكون خياله واسع في حجم الخبطة
بص ..هي حكاية اللون المخالف دي ترجع لصياعة البوهيجي ..يعني هو لو بوهيجي منحرف ..هيضبطها ليك ضبط السنييييييييييييييين ..ولو بوهيجي على ما تفرج ..هتحس كأن العربية مغيره نص ..عشان كده أنا بقول شوف شغله الأول وبعدين أحكم ...طبعا تشوف شغله في عربيات غيرك مش عربيتك.الموضوع ملوش أي مقاييس علمية ..الموضوع كله صنعه وحرفه ..لإن هو كده هيبص على اللون الحالي ..اللي هو المفروض لون قديم وتغير بفعل عوامل التعرية ..وبعدين يشوف اللون اللي لما يترش وهو لسه جديد يبقى مخالف سنه وبعدين لما ينشف يبقى نفس اللون القديم ..لأ ..عايزه بوهيجي صايع فعلا الحته دي ..مش أي حد يعرف يضبطها