ساعدونى بوابه الانجكشن وحساس الشكمان

**midoazzam** · 05-06-2015 02:55 PM

العربية عندى ابيزا 98 دلوقتى لما بشيل رجلى من البنزين العربية بتبطل علطول ..ولو انا ماشى فى طريق مفتوح بلاقيها اتكتمت مرة واحدة ومش راضية تسحب خالص غير لما ببطل العربيه واشغلها تانى تروح ساحبة كويس وترجع تتكتم تانى ...روحت لمركز الصفا كشف بالكمبيوتر وقالى هانغير البوابة وحساس الشكمان وهانشوف بعد كده هاتتظبط ولا ﻻ..الصراحه مستريحتش ..وخصوصا انو ققالى نعير البوابة مع ان اعرف ان ممكن تتنضف ونشوف الحساس ...عايز رايكم ياترى اغير الحجات دى واروحلو .ولا اشوف حد فى الحرفين ..ولو تعرفو حد فى الحرفين ياريت حد يقولى علية .وهل ده تخصص كهربائى ولا بتاع انجكشن احسن

**SYD** · 05-06-2015 03:27 PM

تشيك علي كل الخراطيم والوصلات الخارجة من البوابة
كمان اكشف كمبيوتر وشوف التقرير هيقولك مشكلة فين بالظبط

**mr.khaial** · 06-06-2015 12:42 AM

ممكن اعرف مركز الصفا ده فين لو سمحت

**mahmoud ghanem** · 06-06-2015 01:50 AM

ميكانيكى مش حد بتاع كهرباء
وميكانيكى متخصص فولكس

**midoazzam** · 17-06-2015 11:38 AM

المشاركة الأصلية كتبت بواسطة sala7

سيبك من حساس الشكمان دلوقتي .... مابيأثرش على السحب .. كل تأثيره ان العربية هتستهلك بنزين شوية

اللي فحصلك قالك بوابه !!! ما تعرفش ايه الرقم اللي ظهر ع الفاحص ؟؟
الراجل ده متخصص يعني ولا عنده كمبيوتر ؟؟؟ علشان لو مش متخصص تروح تسأله بس ع الرقم اللي ظهر و انا هقولك العيب ده بوابة ولا حاجه تانية

عموما البوابة بتنضف صحيح .. لكن نضفتها غير مؤثرة بالشكل المطلوب .. ليه بقولك كدا ؟؟ يعني ما تفتكرش ان لما هنضفها و شيل الاوساخ منها انها هترجع تشتغل تمام و خصوصا انها ليها طريقه صحيحة في التنظيف
نقطه مهمة - التأثير هتحسه لما تنضف صح و تغير جوان جديد و تبرمج مظبوط .
خليني معاك انك هتفك بوابة و ترجه تركبها على طول بدون ما تغير الجوان هل تضمن انها ما تهربش هوا ؟؟؟
هتقولي البوابة بتاعة العربية و متبرمجه عليها اساسا ما تشتغلش ليه ؟؟ طيب ما انت فكيت عنها الكهربا فترة التنظيف هتضمن منين ترجهع تشتغل عادي ؟ و ده على افتراض ان البوابة سليمة محتاجه تنظيف فقط ... يعني هي اصلا مش خربانه

بص البوابه خربها في 1- الميكانيزم بتعها الكهربي بالاضافة الى 2- الحساس المدمج فيها اللي بيستشعر بالوضع الصحيح لفتحة البوابة و بيكون عطل في دائرته الكهربية اللي بيستوجب استبداله بالاضافة الى 3- الجسم الانبوبي اللي البوابه بتتمحور جواه و ده بيكون نتيجة اوساخ متراكمه و اتربة بيخربش الجسم الانبوبي ده .

طلما جيت تستشير .. يبقا لازم يبقا معاك شوية معلومات .. اقلها انك تقولنا ظهر ايه بالظبط على شاشاة الفاحص علشان نديلك الخلاصة و ما تفضلش تلف حولين نفسك

تحياتي

انا متشكر جدا للمعلومات دى وحالا هاجيب لحضرتك الاكواد عشان هة عملى تقرير بعد الفحص بالكمبيوتر ..

**midoazzam** · 18-06-2015 07:32 PM

المشاركة الأصلية كتبت بواسطة sala7

سيبك من حساس الشكمان دلوقتي .... مابيأثرش على السحب .. كل تأثيره ان العربية هتستهلك بنزين شوية

اللي فحصلك قالك بوابه !!! ما تعرفش ايه الرقم اللي ظهر ع الفاحص ؟؟
الراجل ده متخصص يعني ولا عنده كمبيوتر ؟؟؟ علشان لو مش متخصص تروح تسأله بس ع الرقم اللي ظهر و انا هقولك العيب ده بوابة ولا حاجه تانية

عموما البوابة بتنضف صحيح .. لكن نضفتها غير مؤثرة بالشكل المطلوب .. ليه بقولك كدا ؟؟ يعني ما تفتكرش ان لما هنضفها و شيل الاوساخ منها انها هترجع تشتغل تمام و خصوصا انها ليها طريقه صحيحة في التنظيف
نقطه مهمة - التأثير هتحسه لما تنضف صح و تغير جوان جديد و تبرمج مظبوط .
خليني معاك انك هتفك بوابة و ترجه تركبها على طول بدون ما تغير الجوان هل تضمن انها ما تهربش هوا ؟؟؟
هتقولي البوابة بتاعة العربية و متبرمجه عليها اساسا ما تشتغلش ليه ؟؟ طيب ما انت فكيت عنها الكهربا فترة التنظيف هتضمن منين ترجهع تشتغل عادي ؟ و ده على افتراض ان البوابة سليمة محتاجه تنظيف فقط ... يعني هي اصلا مش خربانه

بص البوابه خربها في 1- الميكانيزم بتعها الكهربي بالاضافة الى 2- الحساس المدمج فيها اللي بيستشعر بالوضع الصحيح لفتحة البوابة و بيكون عطل في دائرته الكهربية اللي بيستوجب استبداله بالاضافة الى 3- الجسم الانبوبي اللي البوابه بتتمحور جواه و ده بيكون نتيجة اوساخ متراكمه و اتربة بيخربش الجسم الانبوبي ده .

طلما جيت تستشير .. يبقا لازم يبقا معاك شوية معلومات .. اقلها انك تقولنا ظهر ايه بالظبط على شاشاة الفاحص علشان نديلك الخلاصة و ما تفضلش تلف حولين نفسك
الاكواد هى..
00s16 closed tps
00sg1 mix adaptatisu add not readn
00s24 lcuock
00s24 o2
0l0 87 basic lcuy
00s33

تحياتي

**sala7** · 23-06-2015 02:38 AM

هي الاكواد دي ضهرت على جهاز خاص بفحص سيارات مجموعة vag ؟؟
الاعطال اللي حضرتك حاطتها دي تحسها بلغه اسباني او ايطالي
و مش صحيحة كما هو معروف عن اكواد الفحص و على وجه الخصوص مجموعة vag
لكن اللي نستشفه من الاعطال دي ان فيه خلل في حساس وضعية البوابه و فيه عطل في حساس الاكسجين
مش هقدر افيدك بالصور اللي بعت بيها الاكواد كدا