الموضوع: تقييم موقع whatcar البريطانى العالمى للسياره جين 2

المشاركة الأصلية كتبت بواسطة sa3dawy

يعنى كلامهم كلة صح .. صح ؟

ايوه كلامهم صح ، لأن فعلا العربيه ناقصه فعلا يتحسن فيها الحجات دي وتبقى فعلا ممتازة بسعرها ، وعلى فكره هي واخده نجمه واحده مش 2 ، وممكن طبعا التقييم يكون غير دقيق في حجات ، لكن احنا متفقين على نقاط الضعف المذكوره واللي هي لسه موجوده لحد 2009 من ساعة ما التقييم نزل ، ومعتقدش ان اللي بيقيم منحاز لعربية عن الأخرى او لشركة عن الأخرى ، يعني مثلا الموقع ده مدي ال C4 أربع نجوم ومدي ال 308 ثلاث نجوم مع انهم تقريبا واحد لكن فيه اختلافات في الخامات والكماليات والتصميم خلاهم ميخدوش نفس التقييم مع ان بيجو وسيتروين شركة واحدة ولو فيه تحيز كانو الأثنين خدو أربع نجوم ، وعندك مثلا الجولف واخده اربع نجوم والليون بنت عمها واخده اربع نجوم يعني مش لازم عشان الجولف هي البريم بتاع المجموعة انها تكون اعلى من الليون ، والخلاصه ان ده منطقي يا جماعة ومحدش يزعل ومعتقدش ان اي حد فيكم لو ركب اي عربيه من اللي انا ذكرتهم وركب الجين 2 انه مش هيحس بفرق رهيب في كل حاجه والا مكنش حد اشترى غير الجين2 :) ، وطبعا انا مش بقلل من الجين2 وكلكم عرفين اني من مشجعيها بس هيه محتاجه تتمسك من شركة ليها خبره في الكواليتي كونترول وتظبطها وتغير الخامات اللي مستخدمه فيها وتحسن التقفيل عشان الحلو يكمل وتبقى فعلا ممتازه بسعرها وحتى كمان لو زادة شويه لما يستخدمو خمات نضيفه ويصرفو على موضوع الجودة
، وتحياتي لكل قسم بروتون وكل حبيبي اللي في القسم

المشاركة الأصلية كتبت بواسطة tutankhamoun

يا يا جماعة الناس بتقيم عربيات كتيرة جدا جدا
و لذلك لما الراجل ينزل من عربية ب 300 ألف و يجرب عربية ب 100 ألف أو 150 ألف
لازم ينزل يقول الكلام ده على العربيات الرخصية
أرجوا أن الناس تفهم عقلية الناس اللي بتجرب و قواعد التجارب

هما لما بيقيمو العربية بيقيموها بالمقارنة بفئتها وسعرها هما مش بالسذاجة انهم يكونو لسة سايقين jaguar فيمسح بكرامة ال-3rd series الأرض أو يكون مجرب ال-3rd series فيمسح بكرامة ال-gen2 الأرض وهكذا... أكيد بيقارن بالعربيات الزيها والدليل على كدة إن فيه عربيات كتير رخيصة و واخدة تقييمات معقولة زي الياريس وال-i10 والبيكانتو ولو على كلام حضرتك كان زمنهم ادو كل العربيات دي نجمة عشان بيبكو مجربين عربية ب-300 ألف قبلها ! وبردو مش معنى إن أي عربية وخدة 3 نجوم تبقى أحسن من الوخدة نجمة وحدة لازم يكونو نفس الفئة يعني مش عشان ال-i10 وخدة 3 تبقى أحسن من ال-gen2 الواخدة نجمة عشان كل واحدة فيهم وخدة نجوم بالمقارنة بمنافسنها

المشاركة الأصلية كتبت بواسطة mandooo

على فكره انا مش ضد الجين 2 بالعكمس انا بحبها جدا وبقدر شكلها الرياضى وموتورها كويس جدا وثباتها معقول جدا بالنسبه لفئتها
ولكن بصراحه مش عاجبها الخامات خالص بحس انها بلاستيك قوى والتقفيل مش جامد وصوتها موتورها عالى قوى فى الشد ولكن اللى لازم بروتون تهتم بيه قوى الخامات الخامات لان دى بتخلى ناس كتير تكره العربيه

و الله يا استاذ ماندوا في عاربيات اقل في التقفيل و البلاستيك و الكلام الي بتقوله ... و في نفس الوقت الناس مش بتتكلم عليها و شوف العزل بتاع العربيات دي عامله ازاي ...... و انا اسف مش حقدر اقولك العربيات دي ماركاتها ايه ( احتراماً لملاكها )
بالنسبة الموتور صوته عالي طبيعه العربية رياضية ( ما فيش موتور عزمه عالي مش بيكون كدا )

المشاركة الأصلية كتبت بواسطة momenhamdy

و الله يا استاذ ماندوا في عاربيات اقل في التقفيل و البلاستيك و الكلام الي بتقوله ... و في نفس الوقت الناس مش بتتكلم عليها و شوف العزل بتاع العربيات دي عامله ازاي ...... و انا اسف مش حقدر اقولك العربيات دي ماركاتها ايه ( احتراماً لملاكها )
بالنسبة الموتور صوته عالي طبيعه العربية رياضية ( ما فيش موتور عزمه عالي مش بيكون كدا )

ملحوظة بس صغيره ، العزم ملوش علاقه بصوت الموتور ، عندك ال C4 عزمها 150 نيوتن عند 4000 لفة وصوتها متسمعوش اصلا ، واعتقد ان الجين2 صوتها اتحسن شويه في موديل 2009