عرض للطباعة
السلام عليكم ورحمة الله وبركاته
سؤالى لﻷعضاء اللى كان عندهم النترا 2007 . 2011 وجابوا النترا 2012 . 2016
هل حسيتم انها صفقه رابحه
ايه المميزات اللى لاقيتوها فى ال md ومش موجوده فى ال hd
والعكس طبعاً ايه اللى افتقدتوه فى ال hd وهل بعد التغيير حسيتم بأنها صفقه رابحه ولا ﻷ
وهل لو رجع بيكم الزمن هل برضو كنتوا اخدتم الخطوه ديه
انا معايا 2015 بس ركبت ال 2008 و 2009 كتير
ال 2015 احلي في الاوبشن و الشكل و الثبات و الفرامل و الدركسيون و اوسع في الصالون
ال hd تتميز انها جراية عن ال md بس مش اوي
ال md عربية احسن بكتير من hd .. و هي فعلا ثفقة كويسة و بعدين الجديد جديد برضة
الـ hd تتفوق في الاداء و النعومة
الـ md تتفوق في الشياكة و الاوبشن والشكل الجديد
ايه يا رجاله
مفيش اى خبرات تانيه
انا مركبتش md بس انا ميال الى hd
كل واحده بتتكلم عن نفسها
بس ال md حكايه فى كل حاجه
بنسبالى احلى عربيه فى الجيل الجديد
ربنا يباركلو اللى عملها ونفذها
و عليكم السلام يا ابو مروان
اه يا سيدى انا واحد من اللى كان معاه ال hd 2010 و بعدين ال md 2013
الموضوع بإختصار المميزات فى الاتى بالنسبة لل md
1- تصميم داخلى و خارجى اعلى من ال hd
2- التكييف اقوى
3- العربية عموما اعلى من الhd مبتحكش زيها
4- الدريكسيون تقل عن hd ده مكنش مسببلى مشكلة إطلاقا بس هنقول ان التقل ده كويس على السرعات العالية اقصد فوق 160
بالنسبة للى افتقدته فى ال hd و مش موجود فى ال md الاتى:
1- بعض الخامات فى ال hd اعلى من ال md زى الكوتش الخاص بالبيبان بره و جوة و زى اللزق الاسمر على داير الابواب بصراحة مفيش مقارنة و كمان الكرسى نفسه مش مخدوم فى الحشو بتاعه زى hd
و بالتالى قعدت كرسى hd احسن بكتيرز
2- التسارع فى ال hd اعلى بكتير وده راجع للفتيس 6 غيار انا بكلم على الاتوماتيك عن تجربتى
3- النعومة اعلى وعدم الاحساس بتفاصيل الطريق اعلى فى hd و ده راجع للعفشة المالتى لينك بالمقارنة مع md تورشن بيم و ده واضح قوى للى بيمشى على الدايرى و فواصل الكبارى
مش عاوز اطول عليك بس بالنسبة لى الصفقة واضح انها مش رابحة و لو عاوز نسفيض عن كده مفيش مشاكل و لو عاوز لما انزل اجازة نتقابل و افرجك على الكلام ده و تجرب بنفسك مفيش مشكلة يا ابو مروان تحت امرك كلام كتيير هههههه
اللى كان معاه فيرنا ----------> انتقل للا ربى
واللى معاه ال hd -----------> انتقل md :)
باشا حضرتك بدأت تحل لى شوية طلاسماقتباس:
المشاركة الأصلية كتبت بواسطة profimh
معلش هاصدعك شويه
تسارع عربيتى 2010 اعلى بشكل ملحوظ من 2012 بس انا عربيتى مانيوال
قاعدة عربيتى أحسن بكتييييييير من 2012
عزل 2012 احسن من 2010
الشكل الداخلى والخارجي 2012 تكسب
2012 سقفها واطى من ورا اوى
ثبات 2010 احسن من 2012
2012 اوطى بشكل ملحوظ من 2010 .... انا مركب كاوتش 195 مش 185 وده معلى العربيه 1 سم لكن ال 2012 ضايعه
طيب ليه انا عايز اغير
بمتتهى البساطه عربيتى ماسكه سعر حلو والحمد لله
فى خلال 3 او 4 شهور عربيه النترا 2013 عامله دلوقتى 40 الف كيلو فقط وكلهم سفر هاتتباع
وبفكر اخدها .... المشكلة انى هاتزنق جامد وبصراحه انا ركبت 2012 كتير ومحستش بنقله كبيره غير فى موضوع الاوتوماتيك
سواق عندى شاطر ومعاه كذا عربيه فضل يقول لى اياك تجيب md والغريبه ان معاه 2012 وشايف ان ال 2010 احسن بمراحل
اكتر حاجه ضايقتنى فى ال md انى حاسس انها مرجيحه من ورا
على فكره العربيتين بتاعتى واللى بركبها الاتنين بتوعنا من الزيرو وفابريكه والاتنين متحافظ عليهم جدا
فى رأيك اعمل ايه
صباح الفل
و الله كلام حضرتك كله فى محله بصراحة و مضبوط
راى لو كانت العربية اللى معاك اوتوماتيك القضية كانت محسومة لصالحها
و انت عارف المانيوال عندك بقى شىء صعب
حاجة من اتنين يا نشترى hd اتوماتيك و ده راجع لك و فيه كلام كتييرفى النقطة دى
يا اما نروح لل md اتوماتيك طبعا لان مفيش فى السوق أحسن منها فى الفئة دى
انا بعد ما اشتريتها جربت اغير لحاجات كتيير و اركب و اجرب و ااجر و كل مره ارجع لنفس النتيجة
و اخيرا انا لو لاقيت ال hd بحالة مرضية مش هسيبها بصراحة (العربية كانت فلته ومش هتييجى او يتعمل زيها كتوتال سوليوشن تانى)
و ربنا يوفقك للصالح
بصراحه حضرتك افادتنى كتيييييييييييييييراقتباس:
المشاركة الأصلية كتبت بواسطة profimh
الف شكر لذوق حضرتك
فى الاغلب هاكمل بال hd كمان سنتين ولا حاجه لغاية لما ربنا يكرم وأجيب حاجه احسن من وسع
إفادة ايه بس ده من ذوق حضرتكاقتباس:
المشاركة الأصلية كتبت بواسطة msobhy
ربنا يوفقك للصالح انا برضه منتظر حاجة أحسن و ندخل عليها ان شاء الله انا وانت
فى حفظ الله