الموضوع: حلول مبتكرة لزحام القاهرة

MotoriZer ...توقيع لذيذ :)


و احسن حاجة هليكوبتر بس مش للمراقبة .. بل اللى بيعمل مخالفة يتقتل على طول ....

يا جماعة الموضوع موضوع سلوك بشر

المشاركة الأصلية كتبت بواسطة OlaOsman

ليه الحكومة ما تطبقش فكرة الأرقام الزوجية و الفردية بتاعة نمر العربيات دي على البني آدمين كمان؟ ماهي أصل الزحمة مش في الطرقامة و القاهرة أصبحت مكان لا يطاق العيش فيه، انما أكتر مكان بنحس فيه بالزحمة هو الشوارع.. نرقم الناس و نخلي خروج الناس من بيوتها على حسب رقمه و يبقى بالاتفاق مع الشركات و المصالح الحكومية و المدارس و كل مكان ممكن يخرج له الناس بصفة يومية.. يعني اللي رقمه مثلا بيبدأ برقم زوجي ممنوع عليه الظهور في الشارع في اليوم ده و لو حتى عشان يجيب فطار عشان الزحمة تخف شوية من الشوارع.

فكرة مش بطالة ...و انا عن نفسى عايز رقمين واحد فردى و واحد زوجى...و يستتثنى طبعا من ذلك ملاك السيريون ذات اللون الاحمر

المشاركة الأصلية كتبت بواسطة OlaOsman

طبعا الناس هاتمشي في الشارع طول الوقت و رقمها متعلق على صدرها زي المساجين كده بالظبط و تبقى عاملة زي نمر العربيات، يعني اللي ماشي من غير نمرة يتاخد منه غرامة فورية و اللي نمرته أول رقم فيها ممنوع عليه الخروج من بيته في اليوم ده يبقى ليه حساب عسير عشان ما يكررهاش تاني

ديه بقى فكرة مش وحشة برده و اهو نلاقى بدرده اللى ماشى بنمر سودا و اللى بنمر بيضا و اللى من غير نمر و اللى حاطط نسر و لا ميزان لزوم البلاهة قصدى الوجاهة ...و اللى بدل مايحط النمر ع صدره يحطها على قفاه و اهوه تغيير

المشاركة الأصلية كتبت بواسطة OlaOsman

طبعا ده برضه ينطبق على اللي بينزلوا القاهرة من سكان الأقاليم لمدة يوم واحد يقضوا مصلحة و يرجعوا، أول ما رجله تخطي عتبة القاهرة يحطوا له نمرة يمشي بيها، و ممكن كمان يخليها معاه و يتطبق عليه قانون القاهرة بتاع منع أرقام معينة من الخروج، يعني لو رقمه ممنوع عليه المشي في القاهرة في اليوم ده يبقى ما يخرجش من بلده أصلا و يخلي المشوار ده ليوم تاني.

طيب كفاية عليهم اللى بيشوفه لوحديهم ...هتبقى انتى و القاهرة عليهم :k20:

المشاركة الأصلية كتبت بواسطة OlaOsman

فيه فكرة تانية و هي ان الحكومة توزع الأجازة الإسبوعية على أيام الإسبوع.. يعني مش كله يتكوم في الجمعة و السبت و باقي أيام الإسبوع تبقى الدنيا جحيم زي ما هو حاصل كده. المفروض انهم يجبروا الشركات القطاع الخاص كمان على ان شركات معينة تكون ليها أجازة يومين في الإسبوع غير الجمعة و السبت، طبعا يوم الجمعة هايدوا بريك لصلاة الجمعة. بكده يبقى فيه عدد معين من الشركات في البلد موظفينها مش بيخرجوا من بيتهم أصلا و بكده يخف الزحام عن الموريستان اللي اسمه القاهرة ده.

ديه بقى فكرة كويسة برده بس حضرتك تلاحظى ان الحكومة مش مقتنعة بيها ...عندك مثلا جامهة القاهرة هتلاقى الجامعة بقيت اجازة كلها السبت ..بعد ماكانت ايام الاجازات بتختلف بين الكليات و بين السنسن المختلفة داخل الكليات ...و ده طبعا ع اساس ان الامكان و المدرجات متوفرة بكثرة للطلبة

المشاركة الأصلية كتبت بواسطة OlaOsman

اما بأه المدارس و الجامعات فبرضه الطلبة مايروحوش كل يوم.. هو لازم يعني كل يوم مدارس؟ ده حتى الولاد بتزهق و بيتعبوا من الدراسة كل يوم كده، يخلوها 3 أيام في الإسبوع بس بدل 5 أيام و الباقي يذاكروه في البيت.. شوية مرونة يا جماعة بس عشان الدنيا تمشي

ديه برده فكرة رائعة ياريت تطبق....و اعتقد هيؤيدها كتير من الطلبة

المشاركة الأصلية كتبت بواسطة OlaOsman

ايه رأيكوا في الأفكار دي؟ تهييس؟ ماشي.. تهييس تهييس.. أهو اي حاجة بدل الواحد ما يخبط دماغه في الحيط

تهييس ايه بس ديه افكار ممتازة.....ممتازة...يا استاذة علا ..بس ياريت متتكلميش فيها قدام حد ده الناس ماصدقت نامو ع الشنطة و المثلث شوية

المشاركة الأصلية كتبت بواسطة SS

تهييس ايه بس ديه افكار ممتازة.....ممتازة...يا استاذة علا ..بس ياريت متتكلميش فيها قدام حد ده الناس ماصدقت نامو ع الشنطة و المثلث شوية

لا ما تقلقش خااااااااااااالص.. همه آخرهم الشنطة و المثلث و عمرهم ما ذهنهم هايتفتق عن أفكار زي دي و لا حتى هايتعبوا نفسهم في التفكير أساسا

المشاركة الأصلية كتبت بواسطة OlaOsman

لا ما تقلقش خااااااااااااالص.. همه آخرهم الشنطة و المثلث و عمرهم ما ذهنهم هايتفتق عن أفكار زي دي و لا حتى هايتعبوا نفسهم في التفكير أساسا

لأ انا مش قلقان من الناحية ديه انا عارف انهم ماعندهمش ذهن اساسا...بس يتفتق ديه اللى انا بخاف منها
بس بجد اقتراحاتك كويسة بس المشكلة مش فى الاقتراحات ...بل فى التنفيذ...يعنى القانون يطبق ع الكل فى كل مكان وفى كل وقت
اكيد هيبقى فيه استثناءات ....بس تبقى استثناء مش قاعدة...ده فى حد ذاته حيحل جزء مش هين من المشكلة
يعنى ميدان الجيزة ده انا مابدخلوش خالص لا بالعربية و لا على رجلى ....بس ف رمضان كان بيبقى واقف كمية ظباط فيه ...كان مختلف تماما..على الرغم من وجود بعض السواقين اللى بيستهبلو و محدش بيكلمهم ..بس كان فيه انسيابية نوعا ما فى المرور

حاجة تانية مهمة ...بتوع المرور لازم يتنيلو يخلهوم فى شغلهم و مايتدخلوش ف اللى ملهمش فيه....يعنى موضوع نقل التقاطعات و قفلها و فتحها و تصميمها و كل ما يتعلق بتخطيط الطرق ما يقربوش منه الا في جزئيلت معينة تخصهم ...غير كده يتم الرجوع لاساتذة الطرق و النقل و المرور ...وده طبعا ما بحصلش...زى ما بنلاقى تقاطعات بتتلغى و بتستبدل بفتحة فى الرصيف معموملة بمنتهى الغباء
ومفروض ان احنا نصدق انها (يو ترن) وهى اصلا لا تمت له بصلة...و بالتالى العربيات اللى بتلف فيه تقطع الطريق ع العربيات المقابلة و نعيد نفس الفيلم
بس الفرق بدل ما كان فيها اشارة واقف فيها عسكرى او امين غالبا مالهوش لازمة.. وفروهم و سحبوهم لحاجات اهم مش عارف ايه هيه

هاقول لحضرتك ايه بس ...الحلول كتير ....بس مين اللى ينفذ؟؟؟ :k41:

المشاركة الأصلية كتبت بواسطة ahmodium

قنبله ذريه تضرب القاهره

---------------------------

ده افضل حل

-------------------------

بقالي فترة كل ما أفكر في حل للي حاصل في المسماه بالقاهرة الكبرى مش بالاقي حل غير تفضية المدينة دي من كل قاطنيها و بعدين هد المدينة كلها، بيوت و كباري و أنفاق و كل حاجة.. بس يخلوا الأهرامات و القلعة و الأمكان الأثرية و بعدين يبنوا المدينة من أول و جديد و بعدين يبقوا يرجعوا الناس بعد ما يخلصوا :k52: