حلول مبتكرة لزحام القاهرة

**Samir Elshahawy** · 16-11-2008 11:02 AM

طيب انت شايف ايه المخالفات المرورية بالتحديد اللي محتاجة يتفعل فيها حكم الإعدام؟ و لا كل المخالفات عشان نخلص من أكبر عدد من الناس دفعة واحدة؟

- السير في الاتجاه العكسي
- سواقين الميكروباص و النقل

كده العدد هايخف كتيييييير و كمان الباقي هايتلم و يلتزم :k28: :k18:

**Samir Elshahawy** · 16-11-2008 11:05 AM

انا بأقترح ان احنا نستورد مرور من الخارج ويمكن ساعتها القانون يطبق بجد (ممكن يكون صينى)

الاحسن نستورد ناس من بره - و برده من الصين - علشان هما اللي يمشوا في الشوارع بتاعتنا و ساعتها الدنيا هاتتظبط

**kaboo4** · 16-11-2008 11:29 AM

انا شايف ان لو كل واحد خلى نفسه فى حالة زى اوربا حاجات كتير حتتصلح اكيد كتير منا كان واقف فى الزحمة و و مش عارف الدنيا وقفة ليه و بعد كدة يتصدم ان سبب الزحمة دى حدثة على جانب الطريق مش قفلة السكة ولا حاجة بسس للئسف كل واحد معدى لازم يتفرج على الحدثة شويه و مش بعيدة انه ينزل كمان يسأل ايه الى حصل و مش مهم الطريق يقف الى يحصل يحصل
:wacko:و دة طبعا علشان لما يروح البيت يلاقى حاجة يقلها للمدام و لما يعد على القهوة بليل يعد يحكى مغمراتة الصبح لا حول ولا قوة الا بالله

**hamedo0** · 16-11-2008 11:48 AM

انا بقترح بعمل مستعمرات ومافيش حد يفهم غلط الاقصده الصحراء الكتير العندنا دى يتعمل مصانع واصلاح زراعي مساكن للعملين وبرده يبقي كامل الخدمات من مياه شرب وصرف وتعليم وامن وكل حاجه يعني الهجره الي الصحراء مع توفير فرص عمل مناسبه

**OlaOsman** · 16-11-2008 11:51 AM

المشاركة الأصلية كتبت بواسطة hamedo0

انا بقترح بعمل مستعمرات ومافيش حد يفهم غلط الاقصده الصحراء الكتير العندنا دى يتعمل مصانع واصلاح زراعي مساكن للعملين وبرده يبقي كامل الخدمات من مياه شرب وصرف وتعليم وامن وكل حاجه يعني الهجره الي الصحراء مع توفير فرص عمل مناسبه

ماهي مدينة نصر كانت صحرا في يوم من الأيام و اهي عمرت و برضه مافيش فايدة.. الظاهر ان التوسع داخل القاهرة و ضم مساحات جديدة ليها مش حل خاص، هو فعلا زي ما انت قلت كده، نطلع برة القاهرة خاااااااااالص و نعمر الصحرا.. بس المشروع ده الحكومة فلقتنا بيه بقالها سنين و برضه لسه الدنيا محلك سر.

**wesam_salom** · 16-11-2008 12:25 PM

موضوع شيق
بس انا بقترح انهم يرحلوا سكان القاهره للاقاليم
شوارع فاضيه بس مش عاجبه حد
يعنى فى طنطا اكبر مشوار ممكن ياخد ربع ساعه
وبرده بنشتكى ونقول زحمه
وسواق التاكسى لو خد 3 جنيه فى مشوار ممكن ينزل يرقص
انما فى القاهره
حسبى الله ونعم الوكيل

**kh_talaat** · 16-11-2008 12:47 PM

حلول جميلة والله يالا يا جماعه احلموا كمان كمان

كل واحد يقولنا حلمه إية لحل المشكلة المرورية في القاهرة الكبرى وأهو برضه ننفس عن نفسنا شوية

وبعدين مننساش أن كل شيء جديد ابتدى بحلم