السلام عليكم
ان شا ءالله ناوي اشتري عربية وهتكون مستعملة بما اني جديد في حوالر العربيات دا وهتكون اول عربية لي
تصنحوني بمين اخده معايا يعاين العربية
١- الميكانيكي
٢- الكهربائي
٣- بتاع العفشة
دول اللي اعرفهم ولا في حد تاتي ؟؟
السلام عليكم
ان شا ءالله ناوي اشتري عربية وهتكون مستعملة بما اني جديد في حوالر العربيات دا وهتكون اول عربية لي
تصنحوني بمين اخده معايا يعاين العربية
١- الميكانيكي
٢- الكهربائي
٣- بتاع العفشة
دول اللي اعرفهم ولا في حد تاتي ؟؟
اولا لاتاخذ الكهربائي
ستاخذ معك باذن الله الميكانيكى وهو هيبص بصة على العفشة لان الميكيانيكا اهم من العفشة
والميكانيكية بيفهمو فى عيوب العفشة
أهم حاجة تاخد معاك سمكري، ولو العربية موديل حديث يفضل توديها التوكيل أو مركز متخصص للكشف عنها وإصدار تقرير باللي فيها، وفي كل الأحوال قبل ما تدفع فيها فلوس تتأكد إن ورقها سليم في المرور اللي هي تبعه
السمكري ثم السمكري ثم السمكري
متاخدش معاك حد من دول بس خد السمكري
لو هتدفع مبلغ كبير روح التوكيل ..ياما ناس خدوا صنايعية يكشفوا على العربية ويبقى كل هم الصنايعي البيعة تتم عشان يتعرق وخلاص ..وفي الآخر يديك أوكيه 67
ايه السمكري دا ؟ وبيفهم في انهي جزء في العربية ؟
وﻻ واحد منهم
تاخد سمكري
بس اﻻهم يكون ثقه وامين
يفضل تاخجها لمركز كشف وتشتري نفسك يكشفو على كل حاجه
وديها بنزينة كويسة فيها كشف وريح دماغك
سمكري،
وديها بنزينة او مركز كشف ب 200 جنيه واشتري دماغك
السمكري بيبص ع صاج العربية والشاسيه ويشوف الخبطات اللي تعيب العربية
السمكري طبعا
كل حاجه ممكن تتصلح او تتغير الا الشاسيه
سمكري المتور ممكن يتغير عيوب الشاسيه و القوايم و العلب مفيهاش معلش الكهربا ممكن تعمل ضفيره لكن الا اللعب في الشاسيه و القوايم قاتل و صعب يتقفش الا من سمكري ناصح
سمكرى يلف معاك والعربيه اللى ينصحك بيها ترفعها ف بنزينه عشان تطمن انه مبيشتغلكش..ويكشف ع الموتور والعفشة من تحت
سمكرى وميكانيكى
سمكرى للشاسيه
وميكانيكى عشان الماكينه
ولو حاتاخد واحد بس...يبقى السمكرى.
اى حاجه فى الشاسيه بتخسر فلوس كتير
ومن شكل القالب السمكرى بيعرف تاريخ حياتها
وارفعها فى بنزينه بالنهار.
وخدها فى مشوار بتاع تلاتين كيلو بالنهار.
أشكركم جدا على اهتمامكم وردودكم
سمكرى
والو نزلت السوق ابقى قولى رينج فيرنا 2007-2009 كام
مين بيبيع سيارة هيسمحلك تعمل مشوار بالعربية 30 كيلو؟
ياعم ده اساسا لما بيروح بالعربية بالبنزينه بيبقى متضرر جدا انك خليته يتحرك من السوق
وبعدين اى كشف فى البنزينه مين قالك ان بتوع البنزينات محترفين؟