حد يعرف احجز قاشقاى من عند مين؟
سألت في أوتو ايجيبت و مودرن قالولى واقفين الحجز
المعارض أوفر بريس 20000
مستعد استنى 6 شهور
عرض للطباعة
حد يعرف احجز قاشقاى من عند مين؟
سألت في أوتو ايجيبت و مودرن قالولى واقفين الحجز
المعارض أوفر بريس 20000
مستعد استنى 6 شهور
أسأل عند معرض القرش في مصر الجديده (الميريلاند)
أباظة Downtown عنده واحدة و التسليم بعد أسبوعين
لا حول ولا قوه الا بالله العلي العظيم
ايه العته ايللي المعارض فيه ده
ايه اللى بيحصل فى البلد ده؟
الاسعار مبالغ بها جدا
العربيات المستعملة اسعارة بقت غير منطقية
انا عايز اشتريها من اكتر من شهرين وكل ما اسأل في اي مكان يقولولي اوفر برايس 20000 و30000 امال التوكيل ايه لازمته وبينزل الاسعار بناءا على ايه احنا عايشين في بلد فيها النصب اكتر من التنفس .. حتى الاجانب اتعلموا الفهلوه والنصب مننا ... حسبي الله ونعم الوكيل
انا حاجز عند اباظة قليوب ومش عارف هستلم امتى وهدفع كام
اه صح امال التوكيل ايه لازمته هوا مش بس توكيل نيسان وتوكيل مازدا وتوكيل تويوتا يعنى بذمتكم اروح اسال عنها فى شركه نيسان قشقاى يقولو سعرها 256 الف ليه ياعمى اروح اشترى فيها اودى او اشترى فيها فورد فيوجن اول فئه واخلص من العك ده كله لنا الله يامصر
دي حقيقة فعلا... أنا أشتكيتهم السنة اللي فاتت بسبب الموضوع ده في نيسان الشرق الأوسط. ومقرهم دبي. وكان رد هزيل من نيسان الشرق الأوسط ان نيسان مصر لا تتبع نيسان الشرق الأوسط وأعطوني الكونتاكت بتاع نيسان مصر.. يعني اشتكي نيسان مصر لنيسان مصر !!!...سألتهم مين يرأس نيسان مصر..فلم يردوا... اتصلت بيا واحدة من نيسان مصر وسمعت شكوتي بسبب استغلال التوكيلات والاوفر برايس والاستغلال وانهم لا يقوموا بدورهم...ردت عليا ردود هزيلة وقالت أي كلام كأنها شغالة مع التوكيلات مش من شركة نيسان ... فيه حاحة غلط في نيسان مصر فعلا. واعتقد نيسان اليابان لا تعرف هذا العجن في مصر.
السؤال هو: هل ينفع أسافر اشتري العربية من إنجلترا أو ايطاليا زيرو واشحنها لمصر؟