الموضوع: التجمع ولا المعادى

عند كارفور زحمة جدا ..
لو انت مش مرتبط بشغل داخل القاهرة انصحك بالتجمع او الشروق و هتكون ارخص كتير كمان من التجمع

التجمع ا قي الف مرة من المعراج انا بعدي كل يووم من المعراج الصراحة بكره حياتي طرقها مكسرة جدا و شوارعها ضيقة بالنسبة لاحجام العمارات و قريبة من صقر قريش و مصنع اسمنت طره ساعات و الله تبص في السماء تشوف عفاااار تلوث فظيع التجمع تخطيط محترم شوارع واسعة جدا + حارة خدمة امام كل الاماكن السكنية + تخطيط محترم و خدمات و مولات و هدوء و مستوي راقي جدا من السكان و مرتفع عن سطح البحر من 220 متر لحد 430 متر حسب الاحياء جو رائع و نقي
اللوتس ارقي من الاندلس بس الاندلس كويسة برضه و اقل حاجة ابو الهول لو في اللوتس ال 160 متر تعملها حوالي 800 الف تقل حاجة بسيطة او تزيد حسب الموقع و واجهة او لا .. الخ الاندلس ال 160 متر هتبقي في حدود 650 الف تقل او تزيد برضه نسبة بسيطة ابو الهول 160 متر هتبقي في حدود 590 الف المقدم اللي معاك يجيبلك في اي حي في ال3 بس القسط هيقل في الاندلس و ابو الهول و يزيد في اللوتس عشان اللوتس غالية هتلاقي حاجات استلام بعد سنة او سنتين او استلام فوري حسب المقدم في كل الاحوال اقل حي في التجمع الخامس افضل من افضل حي في المعراج .. ربنا يوفقك في الاختيار بس ايا كان خد معاك محامي و راجع تراخيص العمارة اللي هتشتري فيها عشان جهاز القاهرة الجديدة شديد جدا و مبيتهاونوش في المخالفات و عشان تحفظ حقك و انزل اتفرج علي اللوتس هي ناحية ال auc و الاندلس كمل في شارع ال 90 بعد نادي القاهرة الجديدة هتلاقيها عند هايد بارك كده

المشاركة الأصلية كتبت بواسطة coolbelo

واضح كدا ان المعراج اختيار خاطئ :)
انا حابب الأندلس فعلا بس المشكله مفيش ٦٥٠ دى خالص الرانج هناك ٨٠٠ لو فى حاجه ٦٥٠ تقسيط انا اخلص بكره

لا في الاندلس سعر المتر فيها بيبتدي من 4000 لحد 4600 حسب موقع القطعة و الاستلام بعد كام سنة انا بدور زيك فا سالت كتير اللي وصلتله في التجمع كالاتي
اللوتس سعر المتر من 4700 ل 6000
الاندلس سعر المتر من 4000 ل 4800
ابو الهول بيبتدي من 3700

دزر علي ال فيسبوك و علي النت علي الشركات اللي شغالة في القاهرة الجديدة هتلاقي كتير جدا اسأل و انزل اتفرج هتلاقي الاسعار في الرينج ده انا سائل قريب اسأل كذا شركة عشان موقع القطعة و تميزها بيفرق جدا في السعر و المقدم اللي بتتكلم فيه ده يجيبلك حاجة كويسة في الاندلس ان شاء الله و لو مزنقة ممكن تاخد مساحة اقل شوية يعني في حاجات 150 متر او 145 بتبقي تقسيمتها الداخلية معمولة بذكاء تاخد 3 غرف و حمامين و شوفت حاجات 3 اوض و 3 حمامات 150 متر فعشان كده بقولك اتفرج كتير
في موقع كويس دور عليه اسمه مدونة القاهرة الجديدة كانو حاطين موضوع عليه كاتبين كل الشركات المحترمة اللي شغالة في القاهرة الجديدة بص عليه

حضرتك ليه ما فكرتش فى الشيخ زايد