عرض للطباعة
محتار مابين المازدا ٣ الCore ١٨٠،٠٠٠ (بالجنوط) والالنترا الفئة قبل الأخيرة ١٧٠،٥٠٠
النترا اوسع شوية، شنطتها اكبر، موتورها اقوى بـ ٢٥ حصان، فتيس ٦ سرعات، وكمان فيها فتحة سقف.
مازدا شكلها تحفة، جديدة ومميزة شوية، أمان اكتر EBD و Air Bags وعفشة Multi-Link ثابتة اكتر، وطبعا التقفيل الياباني الممتاز.
مش عارف اختار بينهم، ياريت لو حد يقدر يقوللي لو في نقاط تانية في صالح اي واحدة فيهم.
مازدا
مازدا
مازدا
انا معايا الانترا 2015 .. بس لو اقدر اركب مازدا مش هفكر
اتوكل علي الله و هات مازدااا
مازدا
مازدا شكل أحسن بكتير و لسة جديد و عربية ياباني و ثبات أحسن من الالنترا لكن النترا كمالياتها أحسن و فرق السعر لصالحها ... ممكن تجيب فلوانس تالت فئة أوتو ب 183500 و أهي عربية كمالياتها حلوة و تقفيلها ممتاز و أثبت بكتير عن الانترا و المازدا و موتور أقوي من المازدا و كمان فيها فتحة سقف و توكيلها مش جبار لكن كويس إلي حد كبير و هي أحسن قيمة مقابل سعر و لو مصمم علي واحدة من اللي في المقارنة يبقي مازدا
الفلوانس ثابتة اكتر من المازدا؟؟؟اقتباس:
المشاركة الأصلية كتبت بواسطة eng.mark
علي موقع مازدا ايجيبت الcore من غير جنوط
وبرده ممكن تفكر في اول فئه اوتو في الكورولا اعتقد انها في نفس رينج السعر ده بس حتزيد Vechicle dynamic control VDC
مازدا بدون مقارنة يكفيك الأمان الذي لم يتواجد في هيونداي قط !
كله قال مازدا ومقلش السبب!
الالنترا موتور اعلي ب25 حصان عن الالنترا بفتيس 6 سرعات وفتحه سقف وعربيه متجربه بقالها 4 سنين..
ايه ميزه المازدا عنها خصوصا انهم نفس الوكيل والمازدا اغلي؟
مازدا ثبات و استهلاك وقود ممتاز و ارتفاع ممتاز عن الارض والوحيدة تقفيل الياباناقتباس:
المشاركة الأصلية كتبت بواسطة 4fun14
وسائل امان اعلى .
فرق ال 25 حصان يفرق فى التوب السبيد اللى النترا لو جابته حتبقى قاعد مرعوب و لكن المازدا ممتازة و كانت حتبقى افضل بمحرك اعلى و لكن التوكيل اختار المحرك القديم لاسباب اقتصادية علشان تمشي ببنزين 92 مرتاح جدا بدون قلق تماما و مكمنة معروفة و بقالها فترة فمفيش تعقيدات جديدة
لو راجل كبير فى السن و حتمشي بهدوء هات مازدا
لو شاب و عايز تحس بعربية قوية (بس مش حتستفاد بالقوة دى اصلا ) هات النترا
أكيداقتباس:
المشاركة الأصلية كتبت بواسطة dr.3omda
فرق ال 25 حصان تحسه في التسارع مش بس التوب سبيداقتباس:
المشاركة الأصلية كتبت بواسطة mif
والانترا احسن توفير وقود في فئتها ان لم يكن في كل الفئات.. وبتتمون 92 عادي برضه
وسائل الامان اعلي في ايه؟ معلهش اعذرني انا لا معايا دي ولا دي بس بفاضل بينهم
من 0-100كم المازدا بتجبها فى 11-12 سانية تقريبا رغم ان الهورس باور 105 عند 6000 لفة و العزم 145 nm عند 4000 لفةاقتباس:
المشاركة الأصلية كتبت بواسطة 4fun14
وزنها 1300 كجم تقريباا
السرعة القصوى 188 كم
عكس النترا اللى الارقام بتقول بتوصل 100كم فى 11.6-10.7 سواني رغم انها 132 حصان عند 6300 لفة و عزمها 159 nm عند 4850 لفة
وزنها 1150كجم تقريبا
السرعة القصوى 200
بالارقام الاداء متشابه جدا و السر فى المازدا ان نسبة الهلك لطاقة المحرك قليلة جدا
فى استهلاك البنزين الاثنين واحد تماما رغم ان مازدا وزنها اكبر علشان كدا قلت تبقى افضل
اما بالنسبة للامان عفشة المازدا مالتى لينك(اغلى فى الصيانة طبعا) يعنى اجري براحتك و في نفس الوقت مريحة جدا عكس الالنترا مريحة جدا بس مش للجري
الاختيار لك
الاثتين اداء متقارب
النترا تتفوق فى الصيانة
مازدا كواليتي و فخامة
العمر الافتراضي لمازدا اعلي بكتير من النترا
المقارنه كده دخلت في فئات مختلفة
المفترض ان الالنترا في فئة الكيا سيراتو وبعض السيارات الاخري
اما المازدا فهي تنافس في فئة الكورولا
المفروض ان اول فئة في المازدا تقريبا نفس سعر اول فئة في الكورولا
بس الكورولا تتفوق بوجود esp وموتور اقوي وفتيس cvt وطبعا سعر اعاده البيع اعلي وتوكيل اقوي
إسمحولي إضافة القليل من خبرتي للإلنترااقتباس:
المشاركة الأصلية كتبت بواسطة mif
إشتريت السيارة و بعتها في ٢٠١٢ في نفس العام
النترا جميلة في في أشياء كثيرة لكن تفتقد للأمان و الثبات الكلي
سرعتها القصوى ١٩٠ ( كنا اربع افراد مع تكيف على طريق الإسكندرية )
لكن يجب عليك أن تمشي في خط مستقيم و تقرأ الشهادة في سرك مثلاً ولكن تصل لل ١٩٠ بسرعة ملحوظة و هذا حقيقي تسارعها جميل و ممتاز
و ليس على سرعة ١٩٠ فقط لكن اي سرعة فوق ١٠٠كيلوالهيونداي امان في الخط المستقيم فقط
لكن مميزاتها تكيف رائع مريحة جدا ، استهلاك للبنزين خرافي ، ذهبت من المنيل للساحل ب اقل من ثلث التانك مع سرعة ١٩٠ !!!!!
لكن اذا كنت تهوى الجري و السفر ليست هي المطلوب ، اما اذا كنت ممكن يتحركون في المدينه هي اختيار صائب
لكن الامر هنا انني اشتريتها فئة ثانية عام ٢٠١٢ ب ١٣٠ تقريبا ، وهي لا تسوى هذا الرقم
لا أعلم الأن هي بكم و لكن رأي البسيط هو
أن هوندا VTI ٢٠٠٩ مثلا حالة جيدة فابريكة أحسن منها زيرو
الهوندا موتور اعتقد ١٢٣ او ١٢٥ افضل من ال١٣٠ الهيونداي
اعلى في top speed تصل الى ٢١٠ ، النترا اقصاها ١٨٩
ثبات الهوندا روعة ثقة و اطمئنان و متعة لا تستهينو بال VSA ،
الصالون واسع و مريح و هذا ملحوظ في النترا
اخيرا قطع غيار الانترا هي ثمن السيفيك !!!!
شكرا على الردود والأراء، أنا قررت على المازدا ان شاء الله.
هناك أيضًا ميزات إضافية مهمة في المازدا ليست في الهيونداي مثل الخلوص الأرضي (أعلى بـ 15مم)، وأنظمة مكابح ebd و eba، ووسادة هواء للراكب الأمامي، بالإضافة إلى المفتاح الذكي.