الموضوع: حصلى حادث على الزراعى قبل اسكندرية

فى اى مكان فى الدنيا اللى ورا هو اللى غلطان مش فى السعوديه بس دى قاعده عامه وصحيحه لان انا مش هنزل من عربيتى اسوق للى ورايا عربيته

قدر الله ماشاء فعل
كدة احسن ما تخبط فى اللى العربية من قادم كانت اتبهدلت
واحسن من انة يشيلك من على الارض انت وعربيتك
انت بس ابقا دوس فرامل بتريس جايز تعرف تطلع منة ومتخبطش اللى قدامك
بلاش الوقوف فجاة دى صعبة

المشاركة الأصلية كتبت بواسطة dbabis8

امبارح الساعة 10 صباحا كنت بعربيتى نوبيرا 2002 قبل اسكندرية من على الزراعى بعد المطبات اللى قبل كوبرى الطريق الدولى و قبل الكمين و لسه بنبدا نسحب و السرعة يدوب 60 كنت على الشمال و فجأة ظهر من ادام الترلة اللى على يمينى حمار بيجرى نفد من الترلة و صاحبه بيجرى وراه قمت انا مفرمل طبعا و لحقت نفسى انى اخبط الحمار لكن العربية اللى ورايا فولفو جديدة ملحقتش تفرمل ورايا و هبد فى عربيتى من ورا و دمر عربيتى و عربيته بس الحمد لله انا و زمايلى و هو سلام خرابيش بسيطة و كدمات بسيطة و فجأة بعد 5 دقايق جه كساحتين رفعوا العربيتين و معاهم البوليس بس الظابط صاحب الفولفو رفض يعمل محاضر و قالى خد عربيتك و امشى . السؤال بقى انا كان ممكن اعمل ايه غير انى افرمل جامد لما كان بينى و بين الحمار 3او4 متر مش اكتر و اتفادى الهبدة اللى لبستها و عربيتى عاوزة نصف خلفى و عربية الراجل اتدمرت ؟

لاحول ولا قوة الا بالله --- الواحد مش قادر يقولك غير الف حمد لله علي سلامتك وعلي سلامة الناس اللي كانت معاك وطبعا زي ما الشباب قالولي ان االمسئول عن الحادثة هو اللي خبط من وراء ، ولو كنت بتسال علي النصيحة فكل اللي اقدر اقوله ليك خلي عينك دايما في المراية علشان لو حتي هتدوس فرامل علي فجاءة تبقي عامل حساب اللي جاي وراءك ---- ومرة تانية الف حمد لله علي سلامتك

طيب -_-