شيوع السيارة وعلاقته بقرار الشراء

**amrico** · 05-07-2009 03:46 AM

المشاركة الأصلية كتبت بواسطة drguevara

واضح من مشاركات حضرتك انك بتحب البومة جدا

انا زيك والله كرهت العربية دي عشان العقد الي موجودة ديه

انا سامع ان هايبقى في اطباء نفسيين اخصائيين لعلاح الناس من اللانسريزم

واللانسريزم هو مرض ينقسم الى شقين

لانسريزم ايجابي (وهو ده الخطير) وهو الإصرار على شراء عربية داخلة على 8 سنين بنفس الشكل وبتغلى والناس واقفين عليها طوابير زي زيت الجمعيات والمصيبة انها لسة وهاتفضل تتباع زيرو

لانسريزم سلبي (ودول الغلابة) وهم الناس اللي بيعانو من الإنتشار البشع السافر الفائق للحد للانسر وخصوصا اللون الفضي منها

لما الاقيها في الشارع على يميني وعلى شمالي وقدام وورا وانا واقف في الإشارة، وفي نفس الوقت تلاقيها ماشية بالهبل مع العربيات اللي الإشارة فاتحة ليهم، والله دماغي بتلف

**amrico** · 05-07-2009 03:50 AM

المشاركة الأصلية كتبت بواسطة SuccessCre8or

على فكرة انا من المنصورة و بجد العربية دي بجد مش بحبها خاااااااااالص ( بغض النظر هي حلوة ولا وحشة )..
الغريب ان اعرف ناس كتير ملهاش في العربيات اوي .. لما حبوا يشتروا اشتروا لانسر و بعدين دلوقتي بيقولوا يا ريتنا ما مشينا ورا كلام الناس...

حاجة غربية فعلاً .. تقليد اعمى

ربنا يهدي

**amrico** · 05-07-2009 03:55 AM

المشاركة الأصلية كتبت بواسطة ak1981

ماهو حضرتك يوم ما تحب تبيعها عشان تنقل لحاجة احسن

او لا قدر الله اتزنقت في فرشين

العربية اللي بيعها مش سهل هتتعبك

و هتخسرك كتير

وليه الناس تفكيرهم كدا
هو الانسان هايعيش كام مرة عشان متمتعش نفسك بعربية بتحبها وتفضل راكب عربية بحجة انها بتتباع
طيب لما تحب تغير هاتجيب ايه
بنفس التفكير ده هاتجيب حاجة برضه خفيفة لما تتباع
يبقى مثلا هاتلاقي واحد يبيع بومة 2003 عشان يجيب بومة 2007

ياترى هو ده التجديد؟

**أحمد كمال** · 05-07-2009 08:44 AM

المشاركة الأصلية كتبت بواسطة amrico

وليه الناس تفكيرهم كدا
هو الانسان هايعيش كام مرة عشان متمتعش نفسك بعربية بتحبها وتفضل راكب عربية بحجة انها بتتباع
طيب لما تحب تغير هاتجيب ايه
بنفس التفكير ده هاتجيب حاجة برضه خفيفة لما تتباع
يبقى مثلا هاتلاقي واحد يبيع بومة 2003 عشان يجيب بومة 2007

ياترى هو ده التجديد؟

مفيش بومة 2003

باهتزر معاك ...... هي البومة اولها 2004 ....