الموضوع: شيوع السيارة وعلاقته بقرار الشراء

فعلا هى المشكلة فى ثقافة القطيع
زمان كانت الناس تقول هات 131 قطع غيارها عند البقال والدليل ناس كتير راكباها والبيجو 504 والفيات 128 والأمثلة كتير ، الكلام ده ما لوش دعوة هى العربية كويسة ولا لا

اتقل حاجة على قلبى ابقى ماشى فى الشارع ويبقى مليان بنفس العربية الى انا راكبها. دا ايه القرف دا

ولأن ربنا ابتلانى بعربيتين الشعب ( 128 وفيرنا )

فأبسط حل هو وضع بعض اللمسات الخفيفة على العربية مما يعطيها مظهر خاص بها ( ممكن اى حد ماشى ميخدش بالو من الى انا عاملو بس فعلا الحجات البسيطة دى بتفرق معايا جاااااااااامد ).

وبعون الله انا اقدر اطلع عربيتى سواء دى ولا دى من بين 100 الف عربية نفس الماركة واللون كمان.

انما لو مشترى عربية غريبة لوحدها زى السيات ليون مثلا فمش ححتاج لمسات خاصة لأن تقريبا العربية مفيش منها فى منطقة اتنين.

قطيع طبعا
في المنصورة اسال اي واحد تحب تركب ايه هايقولك لانسر

اقسم بالله العظيم عقدة اللانسر وصلت ان بعض العرسان بيفضلوا يتزفوا فيها تفضيلا ليها على عربيات اغلى واجمل بتكون في الزفة
لانسريزم رسمي

العربيات الياباني كلها حلوة
كلها بس القطيع ماسك في البومة

ولو حد عاوز يجيب لحد حول او يجيبله شلل رعاش او التهاب سحائي او انفصال في الشبكية بسيطة قوي
بس يطلب منه يعد كام لانسر بومة فضي بتعدي في الشارع في الدقيقة
بيتهيألي متابعة مباراة بنج بونج اسهل

واسف لإسلوبي بس انا مبقدرش امسك نفسي لما بتيجي سيرة اللي متتسماش دي

لو كل ده - بالنسبة لي - (و خطين تحت بالنسبة لي لان كل ده عملية نسبية) مريح يبقى و لا يهمني ...... راكبها اتنين و لا اتنين مليون ..... و لا يهمني

+11111111111111

المشاركة الأصلية كتبت بواسطة ahmodium

المشكله في ثقافة الشعب
يقولك هات لانسر ولا دايو اصلها (بياعه)

+10000000000000
هو ده الكلام أغلب الشعب عندنا بيجيب العربية اللى بتبيع كويس فى سوق المستعمل و ما بتخسرش كتير
ده عندهم أهم من كل حاجة ......... محسسنى إن كل اللى بيشترى عربيات دلوقتى تجار و إن الحاجة الأساسية اللى هما طالبينها فى العربية إنها تتباع بسرعة من غير ما تخسر و كأنهم جايبينها استثمار عشان يبيعوها كمان يومين.
و عن تجربة شخصية أنا عايز عربية مش منتشرة أوى لسة جديدة ومالهاش لسه سعر إعادة بيع كويس كل واحد كنت بسأله عليها أول كلمة يرد بيها يقوللى مش (بياعة) أسأله عندك اعتراض على أساسياتها أو أدائها أو قطع غيارها مثلا يقوللى لأ العربية زى الفل بس لما تيجى تبيع هتخسر كتير.
يا عم يحييناو يحييك ربنا لما آجى أبيع يحلها 1000 حلال أنا مش بشترى زيرو النهارده عشان أبيع بكرة أنا مستخدم عادى مش تاجر بس تقنع مين بصراحة حاجة تزهأ.

المشاركة الأصلية كتبت بواسطة amrico

قطيع طبعا
في المنصورة اسال اي واحد تحب تركب ايه هايقولك لانسر

اقسم بالله العظيم عقدة اللانسر وصلت ان بعض العرسان بيفضلوا يتزفوا فيها تفضيلا ليها على عربيات اغلى واجمل بتكون في الزفة
لانسريزم رسمي

العربيات الياباني كلها حلوة
كلها بس القطيع ماسك في البومة

ولو حد عاوز يجيب لحد حول او يجيبله شلل رعاش او التهاب سحائي او انفصال في الشبكية بسيطة قوي
بس يطلب منه يعد كام لانسر بومة فضي بتعدي في الشارع في الدقيقة
بيتهيألي متابعة مباراة بنج بونج اسهل

واسف لإسلوبي بس انا مبقدرش امسك نفسي لما بتيجي سيرة اللي متتسماش دي

واضح من مشاركات حضرتك انك بتحب البومة جدا

انا زيك والله كرهت العربية دي عشان العقد الي موجودة ديه