شكر خاص جدا جدا ل Abdallah

**إسلام شاهين** · 28-07-2007 02:02 PM

يا جماعه ده شكر خاص جدا للأستاذ عبد الله اللي أول ما عرف إني رايح بور سعيد بعتلي نمرته واتصل بيا بصراحه أكثر من مرة وأنا هناك وكان مصمم إني اتغدى معاه وبصراحه والله فعلا أنا كنت رايحله بس ما باليد حيله الجماعه اتأخروا جدا في شراء الاحتياجات ( نصيحه محدش ياخد مراته معاه ) وبعدين موبايلي فصل شحن والنمرة ضاعت ومعرفتش أتصل بيه تاني ، وبأكد شكري ليه مرة تانية لأن ده هو المتوقع بس مش بالطريقة ديه بصراحه عبد الله كان زعلان جدا إنه معرفش يشوفني وأنا بأشكره على كرم أخلاقه .

ملحوظه :-
بالنسبة للأخوة اللي طلبوا مني اسألهم على حاجات هناك والله يا جماعه أنا رحت عند عمارات بنك الإسكان ( المنطقة اللي فيها المستورد ) وفوجئت بحاجة غريبة إن الناس والمحىت هناك أجازة يوم الجمعه ومفيش غير محل أو اثنين بس هما اللي فاتحين وطلعوا بتوع نقل مش ملاكي والله ده اللي حصل وأنا فعلا مستغرب إنهم بيقفلوا الجمعه بس أوعدكم إني رايح تاني الأسبوع الجاي بس لوحدي فلوحد حابب يجيج معايا ياريت .

**Abdallah** · 28-07-2007 03:22 PM

لا لا يا سيد إسلام, انا زعلان منك جدا جدا جدا والله وانت عارف السبب كويس...
عموما سماح المرة دى علشان خاطر المدام والاولاد انما المرة الجاية لينا كلام تانى ان شاء الله, ومفيش حاجة تستدعى الشكر يا اخى والله دة اقل شىء ورغم ذلك انت مدتنيش الفرصة وللاسف برضة انا سيفت نمرتك غلط وقعدت اتصل وفوجئت انى بتصل برقم شركة ومقفولة كمان هههههههههه.
عموما مستنيك ان شاء اللاه الاسبوع الجاى وتتعوض بمشيئة الله ونورت المدينة الحرة.