المستندات المطلوبة لتجديد جواز السفر ...؟؟؟

**BomBom** · 14-11-2008 09:09 PM

ياريت لو حد ليه معرفة بالمستندات المطلوبة لتجديد جواز سفر منتهي بآخر جديد علما بان في بيانات هتتغير زي محل السكن و اسم الوظيفة و الحالة الاجتماعية (البيانات الجديدة دي مثبوته على بطاقة الرقم القومي) - و كمان مش عارف اذا كان هيجددوه بالجواز اللي طالع جديد او لاء ؟

**BomBom** · 15-11-2008 08:53 AM

معقولة ما حدش في المنتدي عارف ؟

**alaa_dash** · 15-11-2008 01:42 PM

صور البطاقة و صورتين ليك و اثبات قيد اذا كنت مازلت طالب ...
و شوية فلوس مش فاكر كام صراحة :)
هتروح تاخد ختم ملغي على القديم و تصوره بالختم الصفحات اللي الموظف هيقولك عليها و تدفع المطلوب و هتملى استمارة و تقدمها و تستلم في نفس اليوم ..
اما حكاية تجديد البيانات ..لا اعلم عنها ..

**BomBom** · 16-11-2008 10:08 PM

شكرا ليك على الرد ..

**الطنطاوي** · 17-11-2008 08:53 AM

01 - مبلغ 110 جنية لكل جواز
02- 3 صور شخصية ولازم تكون خلفية بيضاء
03- شهادة التجنيد
04- صورة البطاقة الشخصية
05- صورة الصفحات من 01 : 09 الموجودة في الجواز القديم
06- شهادة التخرج لو الجواز القديم غير مكتوب فيه حاصل على أيه

نفس البيانات الموجودة في البطاقة الشخصية هي اللي بتكون في الجواز الجديد

ممكن تغير البيانات في نفس الجواز القديم لو فيه صفحات فاضية وممكن تعمل جواز جديد بس في ناس بتقول إن بعض البلاد لا تعترف بالجواز اللي تم تغير بياناته لذلك أعتقد إنه من الأفضل إنك تطلع جواز جديد

وفقك الله

**Miss_Pharma** · 19-11-2008 12:34 AM

الاخ ابو عبد الرحمن افادك من كل النواحي ..
وركز على موضوع الخلفية البيضاء للصورة عشان بيغلسوا عليها ..
وكمان في بعض الاقسام بيانات البطاقة بتكون غير كافية وبيطلبوا منك اثباتات تانية ..
حسب المكان وغلاسة الموظف ..
بس ممكن ساعتها تدخل للظابط اللي بيكون ماسك المكان تكلمه ويمشيلك الورق ..
ربنا معاك ويسهلك الاجراءات ان شاء الله ..