الموضوع: عايز اى معلومة عن جمارك المستعمل

ماينفعش تجيب عربيه مستعمله.
ممنوع استيراد العربيات المستعمله, الا فى حالة ان حضرتك مقيم بالخارج و اشتريتها زيرو و استعملتها هناك و عايز تنزل بيها.
او تقطع العربيه و تنزل قطع غيار.
تحياتى

الحسبه بتكون كالاتى
سعر السياره فى بلد المنشا +نولون (سعر شحن ) السياره الى ميناء الوصول + مصاريف التامين على السياره اثناء رحله الشحن + مصاريف التفريغ فى ميناء الوصول = القيمه للاغراض الجمركيه
اجمالى كل ده مضروب فى سعر العمله الجمركى عن نفس اليوم يدينا رسم الوارد (الضريبه الجمركيه )
نرجع نجمع رسم الوارد +القيمه للاغراض الجمركيه ونضربه فى 15% يدينا ضريبه المبيعات
نجمع رسم الوارد+ضريبه المبيعات +القيمه للاغراض الجمركيه ده ياسيدى هو اجمالى الجمارك عن السيارات اقل من 1600 cc

باعتدر نسيت رسم التنميه وده بيساوى القيمه للاغراض الجمركيه + الضريبه الجمركيه+ ضريبه المبيعات مضروبا فى 3%
يعنى اجمالى جمارك السياره حاتكون الضريبه الجمركيه+ ضريبه المبيعات + رسم الوارد
وخللى بالك ماينفعش تجيب عربيه مستعمله من الخارج الا لو كنت انت المالك الاول ليها فى سنه الانتاج زى ما قال الاخ mankindforce

رسم الوارد بيكون 40% من القيمه للاغراض الجمركيه فى السيارات دات السعه اللتريه اقل من 1600cc
وارجو انى اكون افدتك وانا تحت امرك فى اى استفسار

سعر السياره فى بلد المنشا +نولون (سعر شحن ) السياره الى ميناء الوصول + مصاريف التامين على السياره اثناء رحله الشحن + مصاريف التفريغ فى ميناء الوصول = القيمه للاغراض الجمركيه
القيمه للاغراض الجمركيه × سعر العمله الجمركى عن نفس اليوم ×40%= رسم الوارد (الضريبه الجمركيه )
نرجع نجمع رسم الوارد +القيمه للاغراض الجمركيه ونضربه فى 15% يدينا ضريبه المبيعات
نجمع رسم الوارد+ضريبه المبيعات +القيمه للاغراض الجمركيه ونضربه فى 3% = رسم التنميه

وبكده يكون اجمالى الرسوم الجمركيه = رسم الوارد +ضريبه المبيعات +رسم التنميه
واسف ادا كنت سببت لك اى التباس

حاليا هناك تخفيضات سنويه على رسم الوارد بما قيمته 10% سنويا (من ال 40% ) طبقا لاتفاقيه الشراكه المصريه الاوروبيه بحيث تصل فى سنه 2019 الى صفر رسم وارد