تغيير مياه القربة من الحنفية اي مياه خضراء

امس اشتريت جركن 5 لتر مياه خضراء رابيدو من كارفور كان نازل عليه عرض لتر هدية وقررت تغيير المياه من الحنفية للخضراء بنفسي لاني فعلا زهقت من الصنايعية وقولت بالمرة اجيب منظف ريداتير رابيدو وروحت البيت وضعت المنظف مع المياه القديمة ودورت العربية ربع ساعة بعد كدة فكيت خراطيم القربة والريداتير كلها وكانت المفاجئة كمية صدا غريبة نازلة فقلت بالمرة احل الريداتير واغسلة وبعد التركيب وضعت الجركن ودورت العربية والحمد لله لايوجد اي تسريب في المياه خرجت بيها مشوار بسيط حوالي 3 كيلو ورجعت لاقيت القربة نقصت حوالي ربع لتر زودت من الجركن الهدية وخرجت الصبح مشوار حوالي 10 كيلو لقيت القربة نقصت حاجة بسيطة خالص فانا محتار ليه المياه نقصت تاني علما بان لايوجد تبخير عندي من الشاكمان وغطاء الوش لايوجد عليه تبخير او اي شيئ فايه رايكم في الموضوع ده

بعد ما ترجع من مشوار خلى العربية دايرة وافتح الكبود وزود بنزين من الاكسرتير اكيد حيظهر التنفيس على فكرة ممكن يكون فى القربة نفسها ودا مش حيظهر الا لما المية تسخن المسام بتاعة القربة تتفتح من السخونة ولو فيه خرم حيظهر***

اقتباس:

---

المشاركة الأصلية كتبت بواسطة sakr_skoda

بعد ما ترجع من مشوار خلى العربية دايرة وافتح الكبود وزود بنزين من الاكسرتير اكيد حيظهر التنفيس على فكرة ممكن يكون فى القربة نفسها ودا مش حيظهر الا لما المية تسخن المسام بتاعة القربة تتفتح من السخونة ولو فيه خرم حيظهر***

---

الله يباركلك انا بكرة ان شاء الله بعد الشغل حشوف وحرد علي حضرتك بس في حاجة انا امبارح لسة مغير غطاء القربة بواحد اصفر مش عارف نوعة ب 25 جنيه ووقفت جنبه ماسمعتش صوت تنفيس الهواء اللي بيقولو عليه او انا مش عارف اختبرة اعمل ايه

اقتباس:

---

المشاركة الأصلية كتبت بواسطة احمد العشري

الله يباركلك انا بكرة ان شاء الله بعد الشغل حشوف وحرد علي حضرتك بس في حاجة انا امبارح لسة مغير غطاء القربة بواحد اصفر مش عارف نوعة ب 25 جنيه ووقفت جنبه ماسمعتش صوت تنفيس الهواء اللي بيقولو عليه او انا مش عارف اختبرة اعمل ايه

---

طالما المروحة بتشتغل فى ميعادها والعربية مش بتسخن يبقى متشغلش بالك لاكن ممكن يكون الغطا فيه مشكلة لانك لازم تسمع التنفيس دا بعد العودة من مشوار ولاكن مبتسمعهوش دا بيدلل على كلامى انه صحيح اكيد فى تنفيس فى جسم القربة بيفرغ الظغط وطبعا بيخرج المية معاه ***شوف وكدا وانا متابع موضوعك***

طبيعى بعد تغيير الميه انها تنقص مرة او مرتين بمعدل متناقص وده نتيجه خروج الهواء من دورة التبريد علشان كده الميه بتنقص لمده يومين بعد كده حتثبت مستوى الميه فى القربه !!!!

اقتباس:

---

المشاركة الأصلية كتبت بواسطة aw2100

طبيعى بعد تغيير الميه انها تنقص مرة او مرتين بمعدل متناقص وده نتيجه خروج الهواء من دورة التبريد علشان كده الميه بتنقص لمده يومين بعد كده حتثبت مستوى الميه فى القربه !!!!

---

شكرا علي رد حضرتك وفعلا انا استفدت من المنتدي عالي ايد اعضائه المحترمين وخلو بالكم دي افادة عليها ثواب كبير ان شاء الله
خير الناس انفعهم للناس

اقتباس:

---

المشاركة الأصلية كتبت بواسطة sakr_skoda

طالما المروحة بتشتغل فى ميعادها والعربية مش بتسخن يبقى متشغلش بالك لاكن ممكن يكون الغطا فيه مشكلة لانك لازم تسمع التنفيس دا بعد العودة من مشوار ولاكن مبتسمعهوش دا بيدلل على كلامى انه صحيح اكيد فى تنفيس فى جسم القربة بيفرغ الظغط وطبعا بيخرج المية معاه ***شوف وكدا وانا متابع موضوعك***

---

انا عملت مشوار كبير بالعربية وشيكت علي القربة لايوجد بها اي تنفيس ولكن المياه نقصت بمقدار نص كوب ماء بس الحرارة الاول كانت تيجي علي النص علي طول والمروحة تشتغل كتير لكن اليوم الحرارة اخدت وقت لحد ماحات علي النص ولكن المروحة تشتغل 15 ثانية وتفصل وترجع تشتغل تاني

اقتباس:

---

المشاركة الأصلية كتبت بواسطة احمد العشري

انا عملت مشوار كبير بالعربية وشيكت علي القربة لايوجد بها اي تنفيس ولكن المياه نقصت بمقدار نص كوب ماء بس الحرارة الاول كانت تيجي علي النص علي طول والمروحة تشتغل كتير لكن اليوم الحرارة اخدت وقت لحد ماحات علي النص ولكن المروحة تشتغل 15 ثانية وتفصل وترجع تشتغل تاني

---

كدا يبقى فى تسريب ميه اما داخلى واما خارجى داخلى من جوان المانفولد ودى حتخرج المية من الجكمان مع العادم واما جوان وش السلندر ودا حتلاقى نقط مية على غطاء الزيت بعد ما تبطل العربية ***

الخارجى ممكن يكون من طبب المية اللى فى وش السلندر طبعا انتا عارف الوش بيبقى سخن واى مية حتنزل حتنشف فورا ومش حتكتشفها فانا بعد ما ترجع من مشوار افتح الكبود وسيبة سعتين كدا وتحسس بايدك طبب المية اللى بتسرب حتلاقيها معرقة ***

بس المؤكد ان عندك تسريب شوف كدا وربنا معاك ***

انا حصل معايا موضوع نقص المياة ده مرتين مختلفتين وفى كل مرة كان ليها سبب عجيب
القربة والغطاء والخراطيم كله كان سليم
فى احدى هذه المرات كانت طلمبة المياه بتسرب وكان الكوتش بتاعها اتاكل فطبعا غيرت طلمبة المياه وقعدت فترة طويلة مفيش تسريب مياة ولكن بعد فترة طويلة جدا
ولمده عام تقريبا وكنت بزود المياة كل اسبوعين تقريبا الى ان المعدل بدء فى الزيادة
ومكنتش عارف المياه بتسرب منين القربة والغطاء والخراطيم كله كان سليم

وفى احدى المرات بعد مشوار طويل فى يوم صيف حار
ركنت العربية وبعد شوية جيت اركب فرجعت بالسيارة الى الخلف وببص على الارض لقيت بعض قطرات المياه مكان السيارة
قعدت ابحث عن مصدر المياه هذا وكانت المفاجأة!!!!!!!!!!!!!!!!!!!!!!!!!!!!!!!!!! !!!!!

الصندوق الاسود اللى فيه سربانتينة الدفاية دورة المياة بتمر من داخلة ومع الوقت الخرطوم اللى بيدخل على السربنتينة هذه تأكل وكانت بتنقط فقط فى حالة ارتفاع الضغط نتيجة ارتفاع درجة الحرارة
طبعا خليت الميكانيكى لغى موضوع السربانتينة هذه
وبعد ذلك اصبح معدل نقصان المياة طبيعة
كوب مياة تقريبا كل شهر
شوف كده موضوع طلمبة المباه او السربانتينة هذا يمكن يكون السيب