-
اغير زيت فتيس ولا لاء
مساء الفل على احلى ناس استشارة يا وحوش بعد اذنكم كشفت كمبيوتر عند واحد على العربية ميجان 2006 عاملة 130000 كم وقالى كلة تمام بس عندك حساس كامة عاوز يتغير وعندى الاستيراد ب 250 جنية وكمان قالى زيت الفتيس ناقص خالص وفعلا انا كل ما اتحرك بالعربية الصبح فقط لو مسخنتش بتظهر check gear box من غير هبدة لو ماشي براحة ولو جريت بتعمل هبدة بس بعد كدا ولا اي حاجة وبمشي بالعربية كتير وبسافر ومفيش اى مشاكل وقالى بتاخد 6 لتر زيت اللتر ب 125 جنية ونوعة توتال بتاع البيجو
1- اغير حساس كامة استيراد ولا اجيبة جديد
2- زيت الفتيس اغيرة ولا هفتح على نفسى فتوحة والفتيس مش هيرجع زى الاول :tire:
-
سؤال فى الأول حضرتك كشفت عند مين ؟؟
تانى حاجة من وجهة نظري عدم تغيير زيت الفتيس ده اسطورة ..الزيت بيتغير زى اى زيت فتيس..والله اعلم..تانى حاجة هل هيطول ال6 لتر كلهم؟؟ ولا هيغير 3 في 3
-
بالنسبة لحساس الكامة , فهو جديد اصلي بحوالي 300 جنيه فسعر الاستيراد ده خزعبلي
بالنسبة لزيت الفتيس , طالما فيه مشكلة فغالبا هاتعوز تغيره
-
شكرا على الرد يا رجالة , انا كشفت عند واحد هنا فى الغردقة ناس قالت كويس وبيشتغل فى الرينو بس هل سعر الزيت دا كويس يعنى هغير زيت ب 750 جنية وغير كدا ودا الاهم قلت لة ازود الزيت الى ناقص قال مينفعش لازم يتغير وانا مش فاهم كلامة صح ولا غلط
-
انا توكلت على الله ولقيت الزيت ناقص زودت تقريبا اتنين كيلو زيت التر ب 125 جنية النوع بتاع البيجو والستروين وربنا يسترها ان شاء الله ولو فى اى جديد هبلغكم للمعرفة
Content Relevant URLs by
vBSEO 3.6.0 PL2