حادث قاتل وتعليقات نرجو توضيحها من خبراء السيارات

في البدايه نسأل الله الرحمه للمتوفين في هذه الايام المباركه

حادث بشع ولفت انتباهي بعض التعليقات من الساده اعضاء ( الجروب)

ومن ضمنها ((اختيار قاتل لبلال , هو من الفريق الى فضل عربية جديدة رخيصة على بهدلة المستعمل المحترم , عكس الناس هنا تماما الى اختيارها اصح بكتير و الحمد لله طول السنين الى قضيتهم فى الجروب عمرى ماشوفت نعى حادثة كريستالة قاتلة واحد , دى نقطة كمان تستحق التوقف عندها كثيرا)).

((الحادثة دى بالذات دونا عن عشرات الالاف حوادث العربية دى لازم تكون نقطة تحول و لازم تكبر و تتشهر و تلف الفضائيات مش بس لشدة بشاعتها لكن لانها لو اتفحصت عدل علشان يتعرف سببها هتثبت كالعادة و بوضوح عيب انفصال الطارة عن الاسكترا المتكرر فى العربية دى الى شكل و مكان الحادثة بياكده بشكل قاطع)).

((انا معرفوش بس حقيقى دمعت من الموضوع ده , الموضوع مش مجرد ترحم و بس فيه جريمة اهم من كده و مجرم لازم يتحرق حيا على الخراب الى عمله فى حق بلده الى ادته مليارات من خيرها علشان يدفن احلام شبابها مع موتة بشعة بالشكل ده علشان ملياراته تزيد و ماعدش التحذير كافى لابعاد شره عن خلق الله و لازم يكون فيه حلول اخرى و عنيفة جدا كمان ضد الشيطان ده و شركاته المخربة هو و التانى بتاع نيسان)).

https://www.facebook.com/photo.php?f...type=1&theater


سؤالي لحضراتكم هو ايه العيب اللي في العربيه ديه تحديدا ادى لهذه الحادثه البشعه

بمعنى كما في احد التعليقات لو كانت سياره اخرى مكنش حصل كده

ياريت توضيح من خبراء المنتدى..

نسأل الله ان يرحمهم ويسكنهم فسيح جناته

This content is currently unavailable

The page you requested cannot be displayed right now. It may be temporarily unavailable, the link you clicked on may have expired, or you may not have permission to view this page.

الرابط مش شغال !!

http://www14.0zz0.com/2015/06/08/16/235418037.jpg

https://www.facebook.com/photo.php?f...type=1&theater

انت قصدك علي الحادثة بتاعة الجيلي ام جراند صح .. هي الصراحة حاجة وحشة اوي الله يرحمهم .. بس المشكلة في ملاك العربية دي انهم بيفتكرو ان العربية حلوة و كويسة وقوية و امان و تلاقي واحد يقولك انا كنت بشد مع bmw و زعلتة و مش عارف اية و كلام كتير كدة و بينفوخو في العربية قوي حتي ادمن الجروب كان طالع بالعربية السما لغاية ما قابل مشاكل في العربية .. خلاصة الكلام اللي يقدر يجيب عربية غالية يجيب و اللي يقدر يجيب صيني يجيب مش عيب بس مش هاشتري صيني و اعمل فيها اني راكب bmw مثلا .. مع احترامي لملاك العربية .. بس كل واحد ياخد بالة من سواقتة ملهاش لازمة الجري و الغرز و الكلام داا متجيش تركب عربية صيني و تفتكر ان العربية هتسعفك زي الالماني مثلا ..
بالله عليكم بلاش سرعة و تهور و لو مش خايف علي نفسك خاف علي اللي هتخبطة و لو مش خايف علي دا خاف علي زعل و قهرة اهلك عليك ....
و مع احترامي لملاك ام جراند
و الله يرحم بلال و خطبتة و يجعل مثواهم الجنة

العيب مش فى السيارة أبدا .

الإيميجراند فى السعودية لها إعتمادية مقبولة و أداءها فى مستوى الكيا و الهيونداى و تستخدم للخدمة الشاقة كسيارات الليموزين و يوجد منها موديلات عالية بكماليات ممتازة . فى الخليج هناك مواصفات أدنى للسماح لأى سيارة تسير فى الشارع و تتدرج من دولة لأخرى و قد تكون السعودية أقلهم فى التشدد فى المواصفات لكن على كل الأحوال السيارة لابد أن تخضع لمواصفات قياسية

أما الإيميخراند فى مصر حمادة تانى خالص فما هى إلا الجيلى فروتة العجيبة لكن بشكل مختلف . فى مصر يتم صياغة المواصفات على مواصفات السيارة و سيادة الوزير موجود و راجل زى الفل و حيوافقلنا ( المدهش إنه الوزير الوحيد الذي إستمر فى منصبه على مدى 3 فترات حكم متضادة و مختلفة ) و من يحدد مواصفات السيارة هو صاحب التوكيل و فى هذه الحالة غبور .يحذف ما يشاء من كماليات و أساسيات و لو عايز يشيل الصاج و يركب كرتون محدش حيمنعه بل ستجد كل أساتذة الهندسة و الخبراء بدأوا فى مراحل غسيل المخ فى الإعلانات لتضليل الناس. إذا فى النهاية الكل تحت رحمة صاحب التوكيل و مواصفات السيارة تتحدد على درجة جشع و طمع الوكيل .كلما زاد الجشع قلت عوامل الأمان . الوكيل دائما همه الأول راحة المشترى لكن لا يحدد نوع الراحة وقتيه أم أبدية

ايه اللي دخل العربيه في الحادثه
واضح ان الحادث بشع بسبب سرعه عاليه جدا
ياراجل ديانا ودودي ماتوا وكانو راكبين مرسيدس شبح

اقتباس:

---

المشاركة الأصلية كتبت بواسطة hugan

ايه اللي دخل العربيه في الحادثه
واضح ان الحادث بشع بسبب سرعه عاليه جدا
ياراجل ديانا ودودي ماتوا وكانو راكبين مرسيدس شبح

---

ماهو ده الانطباع اللي جالي

لكن شفت تعليقات حبيت استفسر بيها منكم

الجيلي فى السعودية لا تصل اطلاقا للكورى
الكورى فى بعض الفئات تغلب على التويوتا او ينافس بشدة معها
بالعكس هناك من يشكر فيها و هناك من يذم و انتشارها بدأ يقل
بس الامجراند بتاعت السعودية حمادة و ايمجراند مصر 1500 سي سي حمادة تانى على ما قرأت هذه جيل و هذه جيل اخر متأخر

لكن اوافق من يقول ان كل واحد راكب عربيه يقعد ينفخ فيها كأنها طياره
فيه ناس مرتبطة عاطفيا بسياراتهم و يمدحون فيها بمبالغة

ياريت بﻻش نكرة الناس فى عربياتها الى اشتروها بعد غلب وعذاب.. يا ريت نتصرف بأدب مع بعض.. انتا لو حد دخل بيتك وقلك بيتك وحش عفشك تعبان ذوقك معرفش اية.. هتقول علية اية ساعتها..نفس الكﻻم بالعربيات خلينا ايجابيين ننصح الناس يحافظوا على نفسهم وعلى الناس من غير زيادة كﻻم..يعنى مثﻻ متشدش مع عربية تانية على طريق سريع ..وتهدى قبل الملفات والمطبات وتعرف ان عربيتك كويسة فى حدود قضاء مصالحك لكن لو هنتها من غير داعى هتهينك وتركز على ان العربيات فترات من أعمارنا كل عربية بتاخد فترتها وتدينا طموح نجيب الفترة الجاية الى احسن منها واﻻخير ان فى حالة شرا عربيات للخدمة الشاقة او لاستعمال سيدات او كبار سن يكون اولوية اﻻختيار للإعتمادية وليس للشكل العام..واخيرا تعليم القيادة ﻻ يصلح على كل موديﻻت السيارات ويا كل من اشترى سيارة مقتنع بيها وفرحان بركوبها ملكش دعوة برأى حد بس متاخدكش الجﻻلة عشان تثبت للناس سوء تقديرهم فى النقد ﻻختيارك انك تستحلف تعمل بعربيتك الى متعملش..فكر فى تصرفاتك واحمد ربنا على نعمة غيرك بيتمناها.. واسف للإطالة

ما علينا من كلام الناس ولو حد قالك بيتك وحش هتزعل ومش عارف ايه ده كله كلام فاضي !!!!!!

ماهو المشكلة في الكلام ده ........ الحرية خلت الناس تعمل اللي هي عايزاه وتقوله اللي انت بتعمله ده غلط يقولك انا حر يا اخي !!!!!!!!

فعلشان كده لما تقوله لأ عربيتك متجريش لأ عربيتك مينفعش تعمل drift هتتقلب من اول مره يزعل ويقولك غلطت فيا !!!!!

ياعم احنا خايفين عليك ايه مصلحتنا في عربية من التانية لكن فعلاً لو عملت drift بالجيلي مثلاً هتتقلب بيك بنسبة لاتقل عن 100% :D :D

الكلام الحق يا اخوة وبلاش تضليل وتزويق بالكلام ........ في عربيات نازلة مصر لا تستحق كلمة سيارة !!!

واخص بالذكر الاتي :

1- جيلي ايمجراند
2- هيونداي فيرنا
3- نيسان صني الشكل الجديد
4- بيجو 301
5- تريوس وجراند تريوس
6- والبريليانس طبعاً اللي شوفنا لسه من كام يوم حادثة في تقاوي شجرة والمصحف تقاوي شجره جابتها نصين !!!!

اقتباس:

---

المشاركة الأصلية كتبت بواسطة ahmedwagdy03

العيب مش فى السيارة أبدا .

الإيميجراند فى السعودية لها إعتمادية مقبولة و أداءها فى مستوى الكيا و الهيونداى و تستخدم للخدمة الشاقة كسيارات الليموزين و يوجد منها موديلات عالية بكماليات ممتازة . فى الخليج هناك مواصفات أدنى للسماح لأى سيارة تسير فى الشارع و تتدرج من دولة لأخرى و قد تكون السعودية أقلهم فى التشدد فى المواصفات لكن على كل الأحوال السيارة لابد أن تخضع لمواصفات قياسية

أما الإيميخراند فى مصر حمادة تانى خالص فما هى إلا الجيلى فروتة العجيبة لكن بشكل مختلف . فى مصر يتم صياغة المواصفات على مواصفات السيارة و سيادة الوزير موجود و راجل زى الفل و حيوافقلنا ( المدهش إنه الوزير الوحيد الذي إستمر فى منصبه على مدى 3 فترات حكم متضادة و مختلفة ) و من يحدد مواصفات السيارة هو صاحب التوكيل و فى هذه الحالة غبور .يحذف ما يشاء من كماليات و أساسيات و لو عايز يشيل الصاج و يركب كرتون محدش حيمنعه بل ستجد كل أساتذة الهندسة و الخبراء بدأوا فى مراحل غسيل المخ فى الإعلانات لتضليل الناس. إذا فى النهاية الكل تحت رحمة صاحب التوكيل و مواصفات السيارة تتحدد على درجة جشع و طمع الوكيل .كلما زاد الجشع قلت عوامل الأمان . الوكيل دائما همه الأول راحة المشترى لكن لا يحدد نوع الراحة وقتيه أم أبدية

---

وزارة التجارة السعودية تغلق " جيلي للسيارات " | اغلاق جيلى للسيارات بالسعودية | السيارات | ارابيا

ربنا يرحم اللى مات و فعلا العربية ممكن تكون السبب
بس دا لما اتكلم على عربية زى الماروتى و التو و ممكن جيلي فروتة و جيلي سي كيه و ما يشبههم
لكن حنقول الجيلي ايمجراند اللى حققت اربع نجوم فى الاختبارات الاوروبية يبقى احنا بنتكلم كلام غير عقلانى

العربية مغرية للجري ... بس هى مش مجهزة لكدا فلازم يكون فى حرص لتقليل نسبة الخطأ البشري


لو نفس السواق كان معاه العربية الاكثر امانا فى تاريخ البشرية كان برده نسبة الخطأ البشري اللى حصلت حتخونه للاسف

و ادخل على اليوتيوب و اتفرج على السعوديين و هما بيقلبوا عربيات بتاخد اعلى تقيمات فى الثبات و الامان فى العالم

نجم افلام fast & furious بول واكر مات فى حادث مشابه و لكن فى عربية اسطورية ليس عليها غبار (بس شكله اتغر فى نفسه )

انا واحد صاحبي برده اتقلب باوبل فيكترا 2.0 1998 و كان ماشي على 60 كم/س و كان نتيجة سوء تقدير منه رغم ان العربية ثباتها لا غبار عليه

اقتباس:

---

المشاركة الأصلية كتبت بواسطة 2CODE

ما علينا من كلام الناس ولو حد قالك بيتك وحش هتزعل ومش عارف ايه ده كله كلام فاضي !!!!!!

ماهو المشكلة في الكلام ده ........ الحرية خلت الناس تعمل اللي هي عايزاه وتقوله اللي انت بتعمله ده غلط يقولك انا حر يا اخي !!!!!!!!

فعلشان كده لما تقوله لأ عربيتك متجريش لأ عربيتك مينفعش تعمل drift هتتقلب من اول مره يزعل ويقولك غلطت فيا !!!!!

ياعم احنا خايفين عليك ايه مصلحتنا في عربية من التانية لكن فعلاً لو عملت drift بالجيلي مثلاً هتتقلب بيك بنسبة لاتقل عن 100% :D :D

الكلام الحق يا اخوة وبلاش تضليل وتزويق بالكلام ........ في عربيات نازلة مصر لا تستحق كلمة سيارة !!!

واخص بالذكر الاتي :

1- جيلي ايمجراند
2- هيونداي فيرنا
3- نيسان صني الشكل الجديد
4- بيجو 301
5- تريوس وجراند تريوس
6- والبريليانس طبعاً اللي شوفنا لسه من كام يوم حادثة في تقاوي شجرة والمصحف تقاوي شجره جابتها نصين !!!!

---

:plusone2:

كلام زى الفل

الموضوع قدر أولا و أخيرا و ربنا يرحمه و يغفر له
بالنسبة لموضوع الصينى فسياسة الصين النزول بأدنى سعر فى اى سوق على مستوى العالم معتدمين على رغبة التوفير عند المشترى.....إنما الجودة دا شىء مش فى الاعتبار تماما
على نقيض دول اخرى تماما تهتم بالجودة الفائقة دون النظر لاعتبار السعر و فى مقدمتها ألمانيا
الصينى فى مصر منجم لكثير من معدومى الضمير لانه مش بيكلف نفسه يجيب الحد الأدنى من الجودة المقبولة او بمعنى تانى بيجيب جودة اقل بكثير من قيمة الشىء "اللى هو جودته منخفضه اساسا "
نقطة اختبارات الامان و الكلام دا بتدخل فيها حاجات زى لو خبطت واحد خبطته تبقى ضعيفة و لا مميتة يعنى مش شرط لراكب العربية فقط
من أكبر أسباب معاناة المصريين فى مستعمل السيارات و عدم انتاج سيارة مصرية و ضعف التوزيع السكانى لجمهورية مصر العربية مافيا وكلاء السيارات و اقرب مثال صاحب توكيل سيارات كان ماسك وزير و بيحط القوانين بنفسه
و ربنا يعافينا جميعا

ربنا يرحمهم ويرحمنا من اللى كانوا السبب فى موتهم

اقتباس:

---

المشاركة الأصلية كتبت بواسطة م أحمد

الموضوع قدر أولا و أخيرا و ربنا يرحمه و يغفر له
بالنسبة لموضوع الصينى فسياسة الصين النزول بأدنى سعر فى اى سوق على مستوى العالم معتدمين على رغبة التوفير عند المشترى.....إنما الجودة دا شىء مش فى الاعتبار تماما
دا كلام قديم جدا و لا يمكن تطبيقه او تصديقه النهاردة .... الصين بطور نفسها و وصلت لدرجات عالية جدا جدا من الجودة
على نقيض دول اخرى تماما تهتم بالجودة الفائقة دون النظر لاعتبار السعر و فى مقدمتها ألمانيا
الصينى فى مصر منجم لكثير من معدومى الضمير لانه مش بيكلف نفسه يجيب الحد الأدنى من الجودة المقبولة او بمعنى تانى بيجيب جودة اقل بكثير من قيمة الشىء "اللى هو جودته منخفضه اساسا "
من ناحية الجيلي شركة بتحاول تعمل اسم و نازلة بجودة معقولة جدا
نقطة اختبارات الامان و الكلام دا بتدخل فيها حاجات زى لو خبطت واحد خبطته تبقى ضعيفة و لا مميتة يعنى مش شرط لراكب العربية فقط
معنى دخول العربية الاختبارات الاوروبية يعنى انها فيها نسبة امان اما العربيات التى تخلو من اى امان تمنع من دخول الاختبارات اصلا
من أكبر أسباب معاناة المصريين فى مستعمل السيارات و عدم انتاج سيارة مصرية و ضعف التوزيع السكانى لجمهورية مصر العربية مافيا وكلاء السيارات و اقرب مثال صاحب توكيل سيارات كان ماسك وزير و بيحط القوانين بنفسه
اول حرف من اسمه منصور؟
و ربنا يعافينا جميعا

---