السلام عليكم و رحمه الله و بركاته
هذه اول مشاركه لى بالمنتدى و الذى انبهرت من روح التعاون بين الأعضاء هنا و ثقافتهم العاليه
انا افكر فى شراء جين تو و لكن البعض قال لى سعرها عند اعاده البيع بيقل كتير قوى فهل هذا صحيح ام لا ؟
و شكرا لكم
عرض للطباعة
السلام عليكم و رحمه الله و بركاته
هذه اول مشاركه لى بالمنتدى و الذى انبهرت من روح التعاون بين الأعضاء هنا و ثقافتهم العاليه
انا افكر فى شراء جين تو و لكن البعض قال لى سعرها عند اعاده البيع بيقل كتير قوى فهل هذا صحيح ام لا ؟
و شكرا لكم
ولله انا معنديش علم اقوى فى الموضوع ده لكن واحد اعرفه معاه 2006 و كان عايز يبعها على 70.000 و مش عارف ده كدا غالى ولا لا
هو أنت ناوي تبيع على طول ؟؟؟ يعني أول ما تشتري تبيع و لا أيه ؟؟؟
هو عموما لو العربية قعدت معاك سنة أو أثنين و بعدين فكرت تبيع
هاتلاقي أنك مش خسران كتير
اللي بيخلي العربيات الياباني سعر اعادة بيعها حلو
أن سعر الجديدة دايما طالع بإستمرار و ده بيخلي القديم يغلى
و مش معنى كدا أنه مش بيخسر
لأن لو ثمن الجديد ثبت في الياباني مثلا ( أفضل مثال لسيارات اعادة البيع )
هاتلاقي ان القديم هايقل ثمنه برضه بنفس القيمة لأي عربية تانية أو أعلى قليلا
بمعنى
ان الجين 2 من ساعة ما نزلت مصر و هي بثمن واحد أو يزيد ألف أو ألفين جنيه
إنما عربية زي الكورولا مثلا بتزيد بالعشرين ألف
فطبيعي أن القديم يتباع بنفس سعره و هو جديدأو يقل قليل قوي
و الناس مش فاهمة الحتة دي و فاكرين ان العربيات بتقعد بقيمتها لفترة طويلة
و نرجع لموضوع الجين 2
لو أنت أشتريت عربية النهاردة ب 85 الف و أستعملتها سنيتن مثلا بمعدل 25 ألف كم في السنتين
تفتكر هاتبعها بكام لما تفكر تبيعها ؟؟؟
مع ثبات سعر الجديد في الوقت اللي انت هاتبيع فيه
أعتقد أنك لو خسرت 15 ألف مش وحش ........ و لا أيه ؟؟؟
لو بعتها بعد سنة او سنتين مع ثبات سعر الجديد و ده مستحيل في مصر هتخسر لكن لو بعد 5 سنين اكيد مش هتخسر لانك لازم تحسب اهلاك العربية
متبعش على طول لان العربية في انتشار مستمر , وقدام هيبقى عليها طلب جامد جدا