سخونه فوكاس 2005 ياخبراء الفورد

**a3reda** · 09-06-2015 12:16 PM

معى فوكاس 2005 ولم اشتكى ابدا من سخونه العربيه الا فجأة لقيت مؤشر الحراره رفع .... وقفت فورا وفتحت الكابوت لقيت الميه فى القربه بتغلى انتظرت لغايه ماهديت العربيه ودورتها وزودت الميه ومشيت بيها مشوار حوالى 280 كم ولم ترتفع درجة الحراره تانى انما لقيت ان القربه خلصت ميه .................. هل ده معناه انى اغير جوان وش السلندر؟
حد عنده فكره اغيره فين؟ وتكلفته كم؟

**Abo_Mazen** · 09-06-2015 01:20 PM

شوف في تسريب عندك ولا لأ.

**a3reda** · 10-06-2015 12:56 AM

لما مشيت حوالى280 كم نقصت الميه اوى لكن العربيه مسخنتش

**aYaBooY** · 12-06-2015 01:34 PM

اتاكد الاول انه مفيش تسريب
و ان ترموستات الكوعة شغال كويس
و ان الدورة مفيهاش تسريب
و لو كل ده تمام و المياه بتنقص غير غطاء القربة
و لو فضل الموضوع يبقي فيع مشكلة في وش السلندر

**a3reda** · 14-06-2015 05:36 PM

لقيت القربه مشروخه .... حاولت لحامها لكن منفعش .... واتصلت وسئلت عن توافرها لقيت الاستيراد ب 300 والجديده ب 170 وانشاء الله واحد هيشتريهالى من القاهرة
بخصوص ترموستات الكوعه انا لغيته من 6 سنوات .............
انشاء الله هغير القربه واشوف كهربائى يشوف توصيلات المروحه لانها مش بتشتغل